Hiru segurtasun eraztun egongo dira San Mames inguruan, Europa Ligako finalean
Bi aste falta dira Europa Ligako finala jokatzeko. San Mamesek hartuko du Manchester United eta Tottenham Hotspur taldeen arteko norgehiagoka, maiatzaren 21ean. Egun horretarako, segurtasun kontrol zorrotzak prestatzen ari dira Bilbon, bertan inoiz egon den ikuskizun zailenetakoa izango baita. Dena den, ez da arrisku handiko partidua.
EITB Mediak jakin duenez, hiru segurtasun eraztun egongo dira estadioaren inguruan, eta sarrera duten pertsonek soilik izango dute gune horietara sartzeko aukera.
Sabino Arana kalean kokatuko dute lehenengoa. Bertan, lehen kontrola igaro beharko dute bi taldeetako jarraitzaileek. Metalezko itxitura batek mugatuko du bigarrena, eta zelaiaren sarreran dauden tornuek, berriz, hirugarrena.
Bestalde, bi kolore izango dira nagusi hirian: urdina eta gorria. Gune urdinera bideratuko dituzte Tottenhameko jarraitzaileak, eta gune gorrira Manchesterrekoak.
Zaleen Topaguneak izango dira, hain zuzen ere, zaleak biltzeko. Batzuena Etxebarria parkean kokatuko dute, eta besteena Ametzolan. Zaleek behar duten guztia izango dute gune horietan: edariak eta jatekoa, komunak, maletentzako zaindegiak...
Asmoa da talde bakoitzak bere ibilbideari jarraitzea, San Mameseraino egingo duten bidean. Halere, Bilbo osoan batetik bestera joateko aukera izango dute.
Talde bakoitzak 15.000 futbolzale eramango ditu San Mamesera egun horretan, baina milaka lagun sarrerarik gabe iritsiko dira Bilbora. Gainera, UEFAren aurreikuspenen arabera, mundu osoko 150 milioi zalek ikusiko dute finala.
Zure interesekoa izan daiteke
Gastroenteritis-agerraldia izan zuen gurutzontziko bidaiariak Getxon lehorreratzen hasi dira
Osasun-agintariek sintomarik ez duten bidaiariak ateratzeko baimena eman dute, eta 17 pertsonak isolatuta jarraitzen dute ontzian, gastroenteritisa dela eta.
Auto-ilarak A-8an, Galdakaon, bi noranzkoetan, kamioi batek istripua izan eta karga galdu duelako
Istripua zirkulazio-arazoak eragiten ari da, eta errei bana itxita dago bi noranzkoetan, kamioi batek zamaren zati bat galdu eta ibilgailua erdibitzailean geratu ondoren.
Getxoko portua, gastroenteritis agerraldiak jotako gurutzaontzia jasotzeko prest
Goizeko bederatziak alderako espero da iritsiera. Une honetan, gastroenteritis arrunta duten 17 pertsona daude ontzian isolatuta.
500 urte Bizkaia Foru Berria onartu zenetik, John Adams eta Humboldt liluratu zuen ‘lege zaharra’
1526an onartua, Bizkaiko Foru Berria giltzarri izan zen lurraldearen autogobernua eraikitzeko. Aurrerazalea eta berdinzalea izan zen, hala nola, genero-berdintasunean edo berme prozesaletan. Gaur egingo da, Gernikako Juntetxean, urtemuga honen gaineko ekitaldi nagusia; ETB1en zein orain.eus-en ikusi ahal izango da, 11.00etatik aurrera.
Gizon bat oso larri zauritu da Barasoainen, motokultore batekin izandako istripu batean
Ezbeharra Barasoaingo baratze batean gertatu da, Restaño inguruan, motokultore batekin lanean ari zen gizona makinak harrapatuta geratu denean.
SAPAko akziodun nagusiak Realarekin egiten duen "irudi garbiketa" salatu dute Anoeta estadioaren aurrean
“Gerrari ez, Bizitza duinak denontzat!” lelopean, armagintzaren aurkako konpromisoak eta erabakiak har ditzatela eskatu diete agintariei. Ildo horretatik, ekintza ezberdinak iragarri dituzte hurrengo asteetarako Bilbon, Gasteizen eta Iruñean.
LGTBI kolektiboaren aldarria Bilbon eta Iruñean, Homofobia, Transfobia eta Bifobiaren aurkako Nazioarteko Egunean
Trans pertsonenganako "indarkeria instituzionala" salatu dute Bilbon. Iruñean, berriz, "espazioak lasaitasunez okupatzeko eta bizitzeko" eskubidea aldarrikatu dute.
Gernikako lokutorio bateko langilea atxilotu dute, bezeroen eta lagunen 82.000 euro bereganatzea leporatuta
Ikerketako iturrien arabera, diru-bidalketak justifikatzeko erreziboak egiten bazizkien ere lokutorioko bezeroei, azken bi hilabeteetan ez zituen bidalketak gauzatu. Era berean, lagunei maileguak eskatu eta desagertu egin zen.
Osakidetzak kaltetu ugariko larrialdietarako duen protokoloa ezagutu dugu
Koordinazio zentrotik deia jaso bezain pronto jartzen dira martxan. Azkar eta koordinatuta aritu beharra dago, eta halako gertakarien aurrean prest egoteko, hainbat simulakro egiten dituzte urtean zehar.
Alacanteko eta Bartzelonako hantabirus kasu susmagarriek negatibo eman dute berriro
Horrela, hurrengo PCR proban emaitza errepikatzen bada, berrogeialdia etxean egiten jarraitu ahal izango dute.