Aroztegiako protestetan ez zela indarkeriarik erabili deklaratu dute auziperatuek
Aroztegia auziaren epaiketan auziperatuta dauden zazpi lagunen deklaratzeko txanda izan da ostegun honetan. Guztien esanetan, 2021eko apirilean egindako protesta ekintzak baketsuak izan ziren eta ez zutela indarkeriarik erabili azaldu dute.
Auziperatu guztiek euren abokatuen galderei soilik erantzutea erabaki dute, Baztango alkate ohi Garbiñe Elizegik izan ezik. Azken honek defentsaren, fiskaltzaren eta akusazioaren galderei erantzun die. Bere burua defendatzeko beharra duela azpimarratu du, hainbat lekukok taldeko lidertzat jo dutelako eta "sorgin ehiza" batean bezala sentitu dela adierazi du.
Lekarozen (Baztan) 200 luxuzko etxebizitza, golf zelaia eta lau izarreko hotela eraikitzeko Palacio de Arozteguia SM enpresak zeukan proiektuaren aurka egindako protesta ekintzekin lotuta, zazpi lagun epaitzen ari dira egunotan. Zazpiak akanpada batean parte hartzeagatik identifikatu eta auzipetu zituzten.
Talde kriminala osatzea eta derrigortze-delitu jarraitua leporatzen diete eta 20 urteko kartzela-zigorra eta 56 mila euroko isuna ezarri diezaiekete.
Epaiketako laugarren eguna izan da ostegun honetakoa. Aurreko egunetan akusazioko eta fiskaltzako testiguek hartu zuten hitza, obrak egin behar zituen enpresako langileek eta protesta ekitaldiak sakabanatzera joandako Guardia Zibileko eta Foru Poliziako agenteek, besteak beste.
Ostiraleko saioan alde bakoitzak bere ondorioak aurkeztuko ditu.
Zure interesekoa izan daiteke
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.
Osakidetzak ebakuntza itunpeko zentroetan egiteko aukera eskainiko die 6 hilabete baino gehiago zain egondako 1.800 pazienteri
Alberto Martinezen hitzetan, Espainiako Osasun Ministerioa "Estatutu Markoa berritzeko moduan ez badago", Euskadi prest dago transferentziari ekiteko.