Zeru argiak nagusituko dira eta giroa epelduko da datorren astean
Asteburuko eguraldiak jarraipena izango du datorren astean, eta astelehen goizean leku batzuetan euri txikia espero den arren, ondoren argitu egingo du eta urdina nagusituko da zeruan.
Gaur, giro eguzkitsua izango dugu orokorrean, ipar partean tarteka hodeitsu egongo bada ere. Goizean eta arratsaldeko zati handi batean, giro eguzkitsua izango da, goizean goiz behe-lainoarekin barnealdeko hainbat bailaratan. Goizean, haizea ipar-mendebaldetik finkatuko da, bizi samar, eta, ondorioz, behe-hodei batzuk sortuko dira kostaldetik gertu; hala ere, ostarteekin tartekatuko dira. Ondoren, arratsalde erdialdetik aurrera, hodei gehiago iristen joango dira mendebaldetik, eta zerua lainotuta geratuko da gauerako; euri pixka bat egin dezake orduan isurialde atlantikoan. Tenperaturan ez da aldaketa handirik izango, eta ipar-mendebaldeko eta iparraldeko haizea nagusituko da.
Astelehenean, orduek aurrera egin ahala, argitzera egingo du. Ahuldutako fronte bat igaroko da, eta, horren ondorioz, zerua lainotuta egongo da goizean, behe-hodei ugarirekin, eta euri txikia ere egin dezake, batez ere isurialde atlantikoan. Egunak aurrera egin ahala, berriz, hodeiak gutxituz joango dira eta ostarte zabalak irekiko dira. Arratsaldean, eguzkitsu geratuko da ia lurralde osoan. Tenperatura maximoak zertxobait jaitsiko dira, batez ere barnealdean, eta 19-21 ºC-ren bueltan geratuko dira; Nafarroa hegoaldean, zertxobait altuagoak izango dira. Iparraldeko haizea gailenduko da.
Asteartean, giro eguzkitsua izango dugu eta tenperatura igo egingo da. Goizean goiz, lanbroa eta lainoa agertuko dira, baina goizean bertan desegin eta zerua nahiko garbi geratuko da. Hala ere, goi-hodei batzuk izango dira, eta ipar partean behe-hodeien tarteak ere bai. Tenperatura maximoak 22-25 ºC-ra igoko dira. Ipar-ekialdeko haizea nagusituko da eguerdi eta arratsalde partean.
Asteazkenean, berdin jarraituko du, giro eguzkitsuarekin eta tenperatura epelekin, eta ildo beretik segituko du asteburura arte gutxienez, baina tenperatura igoerarekin.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.