Onik topatu dute, Huescan, Izaba inguruan asteazken gauetik bila zebiltzan mendizalea
Ostegun goizean lortu dute mendizalearekin (56 urteko herbeheretarra) telefonoz kontaktatzea. Izaba eta Zuriza artean GR-11 ibilbidea egiten ari zenean harekin kontaktuan ezin zuela jarri eta desagertuta zen abisua eman zuen familiak asteazken arratsaldean.
Onik topatu dute Huescan, Candanchura iristear zela, bart gauetik Izaba-Zuriza inguruan bila zebiltzan mendizale herbeheretarra.
Ostegun goizean lortu dute mendizalearekin (56 urteko gizonezkoa) telefonoz kontaktatzea. Izaba eta Zuriza artean GR-11 ibilbidea egiten ari zenean harekin kontaktuan ezin zuela jarri, eta desagertuta zen abisua eman zuen familiak asteazken arratsaldean.
Ibilbidearen 8. etapa egiten ari zen mendizalea Belabarzetik irten zen asteazken goizean eta 15:42an izan zuen azken komunikazioa emaztearekin; hari esan zion ondoezik zegoela eta atseden hartzeko gelditzeko asmoa zuela.
Une horretatik aurrera, ezin izan ziren berriro harekin harremanetan jarri, eta, ondorioz, bilaketa-protokoloa aktibatu zen.
NA-2000ko 3. kilometroan Aginte Postu Aurreratua (APA) ezarrita, dispositibo bateratua jarri zen martxan asteazkenean, eta ostegun goizean lortu da mendizalearekin zuzeneko komunikazioa ezartzea. Egoera onean zegoela baieztatu dute, bai eta ibilbidea normaltasunez ari zela egiten, laguntzarik behar izan gabe.
Nafarroako Gobernuko suhiltzaileek, Foruzaingoak eta Guardia Zibileko zenbait unitatek (Herritarren Segurtasunerako patruila, Mendiko Erreskateko espezialista taldea eta Polizia Judiziala) parte hartu dute bilaketa lanetan.
Goizeko lehen orduetatik airez ere egin dute bilaketa, helikopteroak eta droneak erabilita, iristeko zailak ziren eremuak ikuskatu ahal izateko.
Zure interesekoa izan daiteke
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Sua berriro piztu da Derion, goizaldean itzali eta ordu gutxira
Sua asteleheneko 20:30ak aldera piztu zen San Isidro auzoko baso-eremu batean, Loiuko aireportutik gertu. Suhiltzaileek sugarrak erabat itzaltzea lortu zuten arren goizaldeko 05:30ak aldera, sua berriro piztu da eta lanean ari dira une honetan, sugarrak itzaltzen.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.