Talde kriminal bat atxilotu dute piper kontserben salmentan iruzurra leporatuta
Guardia Zibilak 66, 48 eta 33 urteko hiru gizon atxilotu ditu, eta Tuterako emakume bat (33) ikertu du, Osasun Publikoaren aurkako delitu bat, iruzur delitu bat, dokumentuak faltsutzea eta talde kriminaleko kide izatea egotzita. Talde kriminal bateko kideak dira eta piper kontserben iruzurrezko salmentan aritzen dira.
Jakinarazi dutenez, Castejongo Sepronako patruilak Tuterako lursail batean esku hartu ondoren hasi zen ikerketa, gertatutako sute txiki bat zela eta. Bertan, agenteek "Kristalezko piperrak, ikatzarekin erreta eta eskuz zurituta" idatzita zeukan etiketa horia zuten piper kontserba poto batzuk ikusi zituzten. Agenteek poto horien eta finkaren jabearen arteko harremana ikertu eta inplikatuek Italiako piper gorriak erosi, erre, zuritu eta kristalezko potoetan sartzen zituztela aurkitu zuten.
Ondoren, potoak Hego Euskal Herriko, Errioxako, Soriako eta Zaragozako jatetxe eta establezimenduei "gourmet" produktu gisa saltzen zizkieten eta horretarako baimenik gabe. Horrela, ia boskoiztu egin zituzten etekinak. Aipatu iturrien arabera, kontserbak "baldintza higieniko negargarrietan eta pertsonen osasuna arriskuan jarriz" egiten ziren.
Nafarroako Sepronak egindako ikerketei esker, "Kristalezko Piperra"-ren kontserbako 1.200 poto baino gehiago esku hartu dituzte, eta pertsonen osasunean kalte larria eragin ahal izan dute.
Eginbideak Tuterako Lehen Auzialdiko eta Instrukzioko 2 zenbakiko Epaitegira bidali dira.
Zure interesekoa izan daiteke
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, milaka euroko kalte materialak eraginez.
Jaurlaritzak eta EHUko errektoreak premiazko bilera egingo dute arratsaldean, Euskara azterketetako zeroen polemikagatik
Unibertsitate eta Hezkuntza sailburuak Joxerramon Bengoetxearekin bilduko dira gaur arratsaldean.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.