Bizkaia
Gorde
Kendu nire zerrendatik

Gizon bat atxilotu dute Portugaleteko taberna batean hiru pertsonari arma zuriz eraso egitea leporatuta

Atxilotuak aurrekari penalak ditu antzeko erasoengatik. Zaurituetako bi ospitalera eraman dituzte, anbulantzian.

Ertzaintzak 30 urteko gizon bat atxilotu du ostegun gauean Portugaleteko (Bizkaia) taberna batean arma zuriz beste hiru gizon zauritzea egotzita, eztabaida bat tarteko.

Gertakariak ekainaren 24an jazo ziren, 23:00ak aldera. Zaurituetako bi ospitalera eraman zituzten, anbulantzian, eta Ertzaintzak ikerketa abiatu zuen erasotzailea identifikatu eta topatzeko asmoz. 

Ustezko erasotzailea Muskizen atxilotu dute ostegun gauean. Atxilotuak polizia aurrekariak ditu antzeko erasoengatik eta jabetzaren aurkako delituengatik, eta epailearen esku jarri dute  jada, beharrezko eginbideak amaitutakoan.

Albiste gehiago

Gehiago kargatu