Gorbeian hildako 86 urteko mendizalearen senideak epailearen erabakiarekin haserre, geolokalizazioa ez baimentzeagatik
Asteazken gauean aurkitu zuten desagertutako gizona. Eskarmentu handiko mendizale arabarra Ertzaintzaren helikoptero batek topatu zuen. Epaileak ez zuen geolokalizazioa onartu, baina mugikorrak seinalea ematen jarraitzen zuen.
Mendizalea bilatzeko lanak asteazkenean, Gorbeian. Irudia: Arabako Gurutze Gorria
Asteazken gauean, Gorbeian asteartetik desagertuta zegoen 86 urteko gizona hilda aurkitu zuten. Eskarmentu handiko mendizale arabarra Ertzaintzaren helikoptero batek topatu zuen, eremu malkartsu batean. Epaileak ez zuen geolokalizazioa onartu, baina mugikorrak seinalea ematen jarraitzen zuen. Hildakoaren senideek eta bilaketa dispositiboko kideek epailearen erabakia kritikatu dute.
Eztabaida sortu da bilaketa dispositiboko iturriek ziurtatzen dutelako antzeko beste kasu batzuetan judizialki baimendu dela mugikorraren geolokalizazioa.
Neurri hori ukatzeko erabaki judizialak haserrea sortu du bai senideen artean, bai gizona aurkitzeko goizaldetik Gorbeiako parkea arakatzen ari zen bilaketa dispositiboan bertan.
Familiak Ertzaintzari azaldu zionez, desagertuaren telefono mugikorrak seinalea ematen jarraitzen zuen, baina inork ez zien deiei erantzuten. Hala ere, gailua geolokalizatu ahal izateko, epaile baten baimena behar zen, baina hark eskakizuna atzera bota zuen.
Dispositiboko iturriek adierazi dutenez, antzeko kasuetan baimen hori baimendu da, eta horrek aurkitzeko lanak errazten ditu nabarmen. Kasu honetan, ebazpen judiziala 15:00ak aldera jaso zuten, eta kontrakoa izan zen. Horrek bilaketa lanak zaildu zituen, mugikorraren seinalearen arabera ezin izan baitzen eremua mugatu.
Iñaki Pariente de Pradak, teknologia berrietan espezializatutako abokatu eta datuen kudeaketan eta babesean adituak, Radio Euskadiko Boulevarden azaldu duenez, datuak babesteko Europar Batasuneko zuzentarauak aukera ematen du premiazko kasuetan telefono-konpainiei geolokalizazioa zuzenean eskatzeko.
Pariente de Pradaren ustez, mundu digitalak inbaditzen gaituen garai honetan, erabakia hartzen duenak, epaileak edo konpainiak izan, "ez luke hain zorrotzak izan behar, eta proportzionaltasuna izan beharko luke". "Are gehiago, Google Maps bezalako aplikazioen bidez lokalizatuta eduki gaitzaketela kontuan hartuta", gaineratu du.
Hala ere, aurretik ere gertatu dela onartu du adituak, eta horregatik eskatu ditu protokoloak "egoera oso mugatuetan Poliziak azkar jardun ahal izateko".
Gizarteari buruzko albiste gehiago
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.
Zarrakaztelun izan da Aierdi, alkatearekin batera sute-osteko lehengoratzea aztertzen
Nafarroako Gobernuak eman du jada kaltetutako zuhaitzak mozteko baimena. Gainera, nekazariekin bildu ondoren, haiek suteak itzaltzeko larrialdi opertaiboetan modu arautuan eta berme handienekin sartzeko aukera aztertzen hasi dira.