Lamine Yamalen urtebetetze festan Desgaituen aldeko Legea urratu ote zen ikertzea eskatu du Espainiako Gobernuak
Eskubide Sozialen Ministerioak kirolariaren 18. urtebetetze jaian nanismoa duten pertsonak iraindu ote ziren argitzeko eskatu du; izan ere, legeak ez du zigorrik ezartzen, baina ekintza horiek duela orain dela hiru urte debekatu zituen.
Lamine Yamal Bartzelonako jokalaria, San Mamesen, iragan denboraldiko Ligako azken partidan. Argazkia: EFE
Eskubide Sozialen Ministerioak Fiskaltzari, Herriaren Defendatzaileari eta Gorroto Delituen aurka Borrokatzeko Bulegoari eskatu die ikertzeko Lamine Yamal futbolariaren urtebetetze jaian Desgaituen aldeko Legea urratu ote zen.
Jesus Martin Desgaitasunen bat duten Pertsonen Eskubideak Bermatzeko zuzendari nagusiak azaldu duenez, Pablo Bustinduyk zuzentzen duen Ministerioak kirolariaren 18. urtebetetze festan nanismoa duten pertsonak iraindu ote zituzten argitzeko eskatu du. Izan ere, legeak ez du zigorrik ezartzen, baina orain dela ia hiru urte gisa horretako ekintzak egitea debekatu zuen.
Hain zuzen ere, Espainiako Gobernuak urraketa larritzat jo nahi du, eta 600.000 euro eta milioi bat euro arteko isuna ordainarazi, oro har, desgaitasunen bat duen pertsona bat jendaurrean barregarri uzteko moduan jarriz gero, Ministroen Kontseiluak gaur onartu nahi duen legearen erreforman.
Desgaitasunaren arduraduna kezkatuta agertu da "hainbeste jarraitzaile dituen gazte batek, gazteengan eragin handia duen influencerrak, horrelako jaiak egitea, gazterian isla izan dezakeelako".
Jesus Martin, Desgaitasunen zuzendari nagusia
Dirua duten pertsonak, boterea duten pertsonak, zigorgabeak direla uste izateak kezkatzen gaitu
"Larritzeko modukoa da dirua duten pertsonek, boterea duten pertsonek, zigorgabeak direla uste izatea", deitoratu du Jesus Martinek, eta gogorarazi du Espainian duela ia hiru urte debekatu dela, eta Ministerioa ez dela "geldi geratuko" komunikabideetan zabaldutako "zantzu horien aurrean".
"Ikerketa abiatzea, eta, ondorioen arabera, erabakiak hartzea", eskatu du.
Bestalde, Akondroplasia eta beste Displasia Eskeletiko batzuk eta Nanismoa duten Pertsonen Elkarteak (ADEE, gaztelaniaz), Desgaitasun Fisiko eta Organikoa duten Pertsonen Espainiako Konfederazioko kideak, Lamine Yamalen aurka egingo du epaitegietan, bere urtebetetze festarako desgaitasuna duten pertsonak kontratatzeagatik.
Elkarteak gertatutakoa gaitzetsi du, ohar bidez, eta "desgaitasuna duten pertsonen duintasuna babesteko ekintza legalak eta sozialak" hartzeko asmoa duela iragarri du.
Futbolariak berak urtebetetzeko irudiak zabaldu ditu sare sozialetan:
Gizarteari buruzko albiste gehiago
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da. Ertzaintzak ikerketa abiatu du gertatutakoa argitzeko.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.