Albiste izango dira: Istiluak Azpeitian, BSHko langileen bozketa eta hauteskundeak Japonian
Gaurkoan albiste izango direnen laburpena, bi hitzetan.
Honako gai hauek hartuko dituzte gaur, 2025eko uztailaren 21ean, hedabideetako lerroburu nagusiak:
- Istiluak Azpeitian: Larunbatetik iganderako gauean, istiluak izan dira Azpeitian gazte talde baten eta polizia agenteen artean. Nagore Alkorta Azpeitiko alkateak babesa helarazi die lanean zeuden udaltzainei, baina Ertzaintzaren segurtasun dispositiboa "neurriz kanpokoa" izan dela azpimarratu du.
- BSHko langileen bozketa: Eskirotzen, BSHko langileek astelehen honetan bozkatuko dute enpresa-batzordearen gehiengoak, lan-erregulazioko espedientearen inguruan, zuzendaritzarekin lorturiko aurreakordioa. Aurreko asteazken gauean lorturiko aurrekoardioaren arabera, lantegia itxi eta 609 langile kaleratuko dituzte.
- Hauteskundeak Japonian: Shigeru Ishiba Japoniako lehen ministroaren koalizioak gehiengoa galdu du igande honetan egin diren behe ganberako hauteskundeetan. Hala ere, Ishibak ziurtatu du karguan jarraituko duela, ez duela dimisioa emateko asmorik.
Gizarteari buruzko albiste gehiago
Foru Parlamentuak harrera egin die Nafarroan oporretan dauden adingabe sahararrei
Nafarroako Parlamentuak harrera familiekin uda igarotzen ari diren 100 bat haur saharar hartu ditu gaur. Ekitaldian, Foru Ganberako presidente Unai Hualdek ongietorria eman die haurrei, eta Tindufeko kanpalekuetako arazo burokratikoengatik haien etorreraren izandako atzerapena aipatu du.
Hiru pertsona zauritu eta beste hiru atxilotu dituzte Barakaldoko jaietan izandako borroka batean
Liskarra igande goizaldean gertatu zen, Karmengo jaien azken egunean. Zaurituetako batek hainbat ebaki izan zituen, botila batekin erasotu egin ondoren.
Ertzaintzak ikerketa abiatu du, Donostian arma zuriz egindako eraso bat argitzeko
Erasoa igandean gertatu da, Antiguon. Gizona Donostia Ospitalera eraman dute, zauri larriekin, eta oraingoz ez dute inor atxilotu.
Emakumezko bat ikertzen ari dira autoarekin bikotekidea zauritu eta alde egiteagatik
Gertaera ostegun gauean izan zen Gasteizen, eta 23 urteko emakumea larunbatean aurkitu zuen Ertzaintzak. Gizona ospitalera eraman behar izan zuten larri zaurituta. Emakumeak dio gizona jarrera bortitzez autora autora igotzen saiatu zela eta beldurtuta ihes egin zuela, zauri larriak zituela jakin gabe.
Elkarretaratzea Barakaldoko txosnen gunean, arrazakeriaren aurkako herria direla aldarrikatzeko
Gaur arratsaldean elkarretaratzea egin dute Barakaldoko txosnen esparruan, bart gauean herriko bizilagun batek jasan zuen eraso arrazista salatzeko. Ohikoa da Karmengo jaietan beste herrialde batzuetatik bertara bizitzera etorritako bizilagunek txosna bat jartzea eta ez da inoiz arazorik izan. Atzo gizonezko bat gogor oldartu zen bertan lanean ari zirenen aurka, oihu arrazista eta jarrera erasokorrean. Torrepachecon gertatutakoa ikusita, jarrera horiek moztu eta Barakaldon horrelakorik ez dutela onartzen adierazi dute.
Baztandarren arteko senidetasun jai handia egin dute gaur Elizondon
Musika eta dantzaz betetako festa ospatu dute gaur baztandarrek. Bailarako ohitura eta izaeraren adierazgarri diren gaiak aurkeztu dituzte. Aroztegiko obren aurka aritzeagatik auzipetutako baztandarrek ireki dute desfilea.
59 urteko nafar bat hil da Esako urtegian kirola egiten ari zela
Lagun talde batekin joan da hildakoa urtegira. Une batean, oso nekatuta zegoela eta ezin zela ertzera iritsi abisatu du baina lehen erreskate-ibilgailua iritsi denerako hilda topatu dute.
Bilbo Sluggins, munduko barraskilorik azkarrena
Jendetza bildu da Erresuma Batuko Congham landa-komunitatean, non Munduko Barraskilo Lasterketa bitxia egin den. Zehazki, Shell Rowek bere Bilbo Sluggins barraskiloarekin irabazi du 1960tik urtero egiten den ekitaldi honetan.
Istiluak izan dira bart Azpeitian gazte batzuen eta polizia agenteen artean, eta bi ertzain zauritu dira
Eusko Jaurlaritzako Segurtasun sailak gertakaria gaitzetsi du, eta elkartasun osoa adierazi die agenteei. EUSPEL, ESAN eta ERNE sindikatuek gogor kritikatu dituzte gertakariak. Arratsaldean ehunka lagun bildu dira Azpeitiko plazan Gaztetxeak deitutako protesta bilkuran.