Festak eztanda egin du Gasteizen, Zeledonek aldarria eginda
Zalduondoko baserritarra San Migel elizako dorretik jaitsi da Andre Maria Zuriaren plazaraino. Urtero bezala, nahiz eta bero handia egin, plaza jendez lepo egon da, guztiak jaiei hasiera emateko irrikaz.
Bigarren urtez jarraian Iñaki Kerejazuk gorpuztu du Zeledon, eta betiko legez aterkia, ardo-zahatoa eta zapia hartu eta Andre Maria Zuriaren jaiei hasiera eman die.
Zalduondoko baserritarra San Migel elizako dorretik jaitsi da Andre Maria Zuriaren plazaraino. Urtero bezala, nahiz eta bero handia egin, plaza jendez lepo egon da, guztiak jaiei hasiera emateko irrikaz.
Horren ostean, hezur-haragizko Zeledonek, Gorka Kerejazuk, oinez zeharkatu du plaza, jendetza artean, ibilbide osoan ikurrina, Nafarroako bandera eta Palestinako beste bat atzean zituela.
Zeledonek ongietorria eman die guztiei Gasteizko jaietara: "Berdin dio inoren jatorriak", nabarmendu du. Bestalde, nazioarteko gertakariei buruzko hitzak bota ditu: "Aski da, gelditu genozidioa Palestinan!".
Gainera, Gasteizek "guztiontzako toki segurua" izan behar duela azpimarratu du. "Ez dugu inolako erasorik onartuko", adierazi du. "Ez badakizu egoten, ez etorri", erantsi du. Azkenik, "hemen ez dauden guztiak", gogora ekarri ditu.
Horrela, Zeledonen jaitsierak beti bezala giro ezin hobean eman die hasiera Gasteizko jaiei. Arratsaldeko seietan, San Migel elizako balkoitik botatako txupinazoak jaietako sua piztu du Andre Maria Zuriaren plazan, 40.000 pertsona inguru bertan zirela, gehienak gazteak, baserritarraren panpinari ongietorria emateko.
Aurten, Joseba Perea Erraldoi eta Buruhandien Konpartsaren presidentea, Blanca Aguillo Andre Maria Zuriaren Kofradiako abadesa berria, eta Joseba Fiestras, Satur Garcia eta Begoña Divar Urrezko Zeledon izendatu berriak izan dira txupinazoaren arduradunak, PPk proposatuta. 'Ojo biriki' Gasteizko buruhandi ganberroenaren begiradapean bota dute txupinazoa.
Txupinazoarekin batera, Zeledonen panpina San Migel elizako kanpandorretik jaisten hasi da, jendez gainezka zegoen plaza gainetik.
Ondoren, Kerejazuk bost minutu pasatxo behar izan ditu oinez plaza berriro gurutzatzeko, blusen eta nesken kuadrilletako kideek lagunduta.
Anekdota modura, Iñaki Kerejazu plaza zeharkatzean babestu duenetako bat haren aita izan da.
Zure interesekoa izan daiteke
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulante modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.