Karabela portugesak gorabeherak eragiten ari dira Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira itsasertzera, eta zenbaitetan haien ziztadak arriskutsuak izan ohi dira.
Karabela portugesa, Sopelan (Bizkaia). Argazkia: EITB Media
Azken asteetan, karabela portugesak agertu dira Euskal Herriko kostaldeko hondartzetan, eta ikusirik zer arrisku dakarten, debekatu egin dute agertu diren hondartzetako uretan bainatzea.
Hain justu, igandean Donostiako Zurriola hondartzan 20 pertsona zitztatu zituzten, eta, Kontxako hondartzan, berriz, 40. Bizkaian ere ikusi dituzte karabela portugesak, Bakion. Testuinguru horretan, sorosleak gertutik ari dira egoera zaintzen, eta, behar den kasuetan, prebentzio-neurriak hartzen, bainua debekatzea, kasu.
Medusa itxura duten arren hidroiden multzoak dira. Ur beroko korronteekin mugitzen dira, eta ur-azalean ibiltzen da. Batzuk oso txikiak dira, gardenxkak eta urdin-moreak, eta animalia bakarra direla ematen duen arren, unitate gisa funtzionatzen duten polipoen koloniak dira.
Haien ziztadak kasu gehienetan arinak izaten badira ere, kasu batzuetan arriskutsuak ere izan daitezke. Gizakiak ukituz gero, erredurak, larruazaleko erreakzioak eta urtikaria eragin ditzakete.
Zer egin ziztatu bazaituzte?
Karabela portuges batek ziztatu bazaitu, garrantzitsua da soroslearengana lehenbailehen jotzea. Ur gazia edo seruma aplikatuko da ziztadaren gainean, mina arintzeko.
Oso garrantzitsua da ur geza ez erabiltzea, erreakzioa areagotu baitezake. Era berean, ez da gomendagarria ziztadaren tokian hazka egitea, pozoi gehiago aska baitezake. Pozoia neutralizatzeko eta garroak pintzekin kentzeko ozpina erabil daiteke. Nolanahi ere, hobe da profesionalek artatzea.
Gizarteari buruzko albiste gehiago
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.