Euskadik zesta-puntako pilotariak omenduko ditu, "enbaxadore" gisa egindako lanagatik
Aritz Erkiaga eta Imanol Lopez. EITB Mediaren bideo batetik ateratako irudia.
Irailaren 8an Euskal Diasporaren Eguna ospatuko dela eta, mundu osoko frontoietan jokatu duten zesta-puntako pilotariak omentzeko ekitaldia egingo dute Markina-Xemeingo (Bizkaia) frontoian. Izan ere, 150 urte igaro dira zumezko saski bat erabiliz lehen partida profesionala jokatu zenetik.
Hitzorduan, Imanol Pradales lehendakaria eta Ternuako kostaldearen parean dagoen Saint-Pierre eta Mikelune uharteko dantza-taldea izango dira, Ipar Amerikako frontoi zaharrenetako bat (1906an sortua) bertan baitago. Eusko Jaurlaritzak ohar baten bidez azaldu duenez, uharte horrek euskal komunitate "oso aktibo eta indartsua" du.
Ohar horren arabera, pilotariek, kirol-eginkizunaz gain, "Euskadiren izenaren enbaxadore gisa funtsezko pisua" izan duen kolektiboa ordezkatzen dute.
Agenda oraindik itxi gabe dago, baina zesta-puntarekin lotutako komunitatearen ordezkaritza zabala bertan izatea da asmoa. Lekuaren aukeraketa, Jaurlaritzaren esanetan, "ez da kasualitatea izan", "Zesta Puntako Unibertsitate gisa ezaguna den Markina-Xemeingo frontoia zesta-puntako pilotari nabarmenentzat ikasketa zentroa izan delako eta izaten jarraitzen duelako, zaleak eta munduko jokalariak erakartzeko polo eztabaidaezina".
Gainera, "jai alai frontoi bat duten munduko euskal etxeetako ordezkarien presentzia ahalik eta handiena" lortzeko lanean ari dira.
Gizarteari buruzko albiste gehiago
Bilboko Konpartsek adierazi dute ez dutela onartuko "eraso sexistarik, arrazistarik edo LGTBIfobikorik", ezta "poliziaren indarkeriarik" ere
Txosnak "erreferentzia-puntuak" izango dira erasoak jasan edo ikusi dituztenentzat.
Gizon baten gorpua aurkitu dute Legazpin
EITBk jakin duenez, hilketa bat izan daiteke. Gorpua Gipuzkoako udalerriko eraikin batean aurkitu dute, senideek haren desagerpena salatu eta bi egunera.
"Festara" tradizionalak donostiarrak hunkitu ditu aurten ere
Bart, gauerdia baino lehentxeago, Donostiako Parte Zaharreko Gaztelubide elkartearen atarian, jendetza bildu da "Festara" tradizionala gertutik ikusi eta entzuteko. Donostiako Aste Nagusiko ezinbesteko hitzorduetako bat bihurtu da.
Eraso arrazisten aurkako protokolo espezifikoa aktibatuko du Bilbok Aste Nagusian
Errespetu Nagusia kanpainaren barruan, Bizkaiko hiriburuko Udalak eraso arrazisten aurrean aholkatzeko eta jarduteko protokolo espezifikoa jarriko du abian aurten ere.
Begoñako Amak milaka erromesen bisita jasoko du gaur
Bilboko Begoñako Basilikak milaka lagun hartuko ditu gaur Bizkaiko zaindaria ondratzeko. Goiztiarrenak goizean goiz iritsi dira tenplura, eguna argitu baino lehen.
Gaur sartuko dira indarrean Ipar Euskal Herrian ur kontsumoa murrizteko lehen neurriak
Euri faltak bultzatuta, 2022an ezarritako neurri berak hartuko ditu prefeturak, ostiral arratsalde honetan hasita.
Espainiako suteek 116.000 hektarea baino gehiago erre dituzte astebetean, eta 10.000 pertsona ebakuatu behar izan dituzte Galizian eta Gaztela eta Leonen
Bero-boladak zaildu egin du penintsulako eta Balear Uharteetako 38 foku aktiboak itzaltzea. Suak hiru hildako eta sei zauritu larri utzi ditu, eta 25.000 suhiltzaile baino gehiago atsedenik gabe ari dira lanean sugarrak geldiarazteko.
EHUk munduko 400 unibertsitate onenen artean jarraitzen du
Nafarroako Unibertsitateak maila bat egin du gora eta munduko 500 unibertsitate onenen artean kokatu da. Bordeleko Unibertsitatea, (Baionako campusa bere menpe dago) 300 onenen artean dago.
40 urte bete dira su artifizialen segurtasun-protokoloetan mugarri izan zen istripua gertatu zenetik
1985eko abuztuaren 14an, milaka pertsona su artifizialez gozatzera joan ziren Donostiara Aste Nagusiko egun handiaren bezperan. "Bonba japoniar" baten karkasa bateko espoleta batek huts egin zuen eta, gorantz atera beharrean, jendearen artean eztanda egin zuen. 6 urteko haur bat hil eta 130 pertsona zauritu ziren ezbeharrean.