Bero sapa Euskal Herrian, 45 ºC inguruko tenperaturekin
Bero itogarriak ez du etenik emango asteburuan. Hala ere, alerta laranjak Arabara eta Nafarroara mugatuko dira.
Termometroak 44 ºC-ra iritsi dira Laudion (Araba) eta 40 ºC-tik gorako tenperaturak izan dira EAEko hainbat txokotan. Euskalmet euskal meteorologia agentziak Igorren duen estazioan 43 ºC neurtu dituzte, eta, ondoren, Zallak eta Balmasedak (42,9 ºC) izan dituzte tenperatura altuenak. Gipuzkoan, berriz, Arrasaten (42,2 ºC) neurtu dute bero handiena.
Euskalmeten arabera, 15:00etan 38 ºC izan dira Donostian eta 37,3 Gasteizen.
Euskalmetek Getxon duen estazioan 35,2 ºC neurtu dituzte ordu horretan; Bermeokoan, berriz, 27,5 ºC.
Lurralde zigortuena, aurreikusita zegoen bezala, Bizkaiko barnealdea izan da. Hemen, arratsaldeko lehen orduetan, maximoak izan dira: 44,9 Sodupen, 43,8 Igorren eta 43,5 Galdakaon.
Beroak asteburu osoan zehar jarraituko du
Larunbatean, alerta laranja Arabara eta Nafarroara mugatuko da; 13:00etatik 20:00etara, maximoak 38 ºC ingurukoak izan daitezke Araban, eta 42 ºC-koak Nafarroako erdialdean eta Ebroko Erriberan.
Bizkaian eta Gipuzkoan, alerta maila txikiagoa izango da, eta abisu horia aktibatuko da 12:00etatik 19:00etara, maximoak 30 ºC-koak izango baitira kostaldean eta 34 ºC-koak barnealdean.
Halaber, abisu horia mantenduko da EAE osoan tenperatura iraunkorrengatik, gauean ez baitu gehiegi freskatuko. Minimoak 20 ºC ingurukoak izan daitezke kostaldean eta 18koak barnealdean.
Euskalmeten arabera, igandea epela izango da, baina aurreko egunetan baino zertxobait gutxiago. Maximoak 27 ºC-koak izango dira kostaldean, 34 ºC-koak Bizkaiko eta Gipuzkoako barnealdean, 36 ºC-koak Araba erdialdean eta 37 ºC-koak Ebroren ardatzean.
Nafarroan, Aemetek alerta laranja mantenduko du Ebroko Erriberan 13:00etatik 21:00etara, eta 40 ºC-rainoko tenperaturak iragarri ditu.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.