Francis Diezek "jaiaren gure jainkosa" Marijaiari eskainitako oda batekin abiatu du Aste Nagusia
Aurtengo pregoilariak "ludikoa" den guztiari lekua uzteko gonbidapena egin du, jaiak "espazio seguru" eta aldarrikatzaile bihurtzeko beharra ahaztu gabe.
Gainezka zegoen Arriaga Plazan bildutako festazaleek pazientziaz itxaron dute larunbat arratsaldean Bilbon, Marijaia noiz agertuko zain. 19:00ak jota zirenean atera da Arriaga Antzokiko balkoira.
Francis Diez bilbotarra, Doctor Deseo taldeko abeslaria, izan da aurten jaien hasiera iragarri duen pregoia irakurtzeko arduraduna, eta festa erdigunean jarri duen pregoi hunkigarria egin du.
Pregoiari hasiera emateko, gogora ekarri du antzinako greziarrek "beren zeruan pentsatzen irakatsi" zigutela, Dioniso eromenaren eta jaiaren jainko zela, "bizitza on baterako eta munduak ondo funtziona dezan ezinbestekoa". Hori egiten du Marijaiak Bilbon, "jaiaren gure jainkosak". Francisek gonbidapena egin die festazale guztiei Marijaiak gisa "giro ona" bultza dezaten, "plazerrez, dantzaz eta transgresioz" beteta izango diren jaietan: "Batuta edaten duen herri batek batuta jarraituko du".
"Debekatua, ludikoa eta jostagarria dena" goraipatzeko deia egin du artistak. "Gure Aste Nagusia dibertimenduari egindako kantua izan dadila, beste zerbait garela sentiaraziko diguna", esan du, Doctor Deseoren Suspira y conspira abesti mitikoari erreferentzia eginez.
"Arau bakarra" aipatu du: "ezberdinen arteko errespetua". "Guztiok lagundu dezagun espazio segurua izan dadin" eta eraso matxistak, arrazistak eta homofoboak ez izateko. Amaitzeko, Ez ezetz da leloa gogorarazi du.
Bizkaiko hiriburuak aurretik dituen jaiegun hauetan, "mundu hobe baten alde borrokan jarraitzeko eta palestinarren genozidioari ez oihukatzen jarraitzeko indarrak batzeko" deia egin du.
Pregoia amaitu aurretik, Francisek bere Corazón de Tango ospetsua gogoratu du, eta jendetzak abesten lagundu dio.
Olatz Agirre txupinerak, Txori Barrote konpartsako kideak, botatako txupinak abiatu ditu Bilboko jaiak, bederatzi egun eta gau iraungo duen Aste Nagusia. Urtero legez, Badator Marijaia Bilboko Aste Nagusiko unerik zirraragarrienetako baten soinu-banda izan da, hasierako eztandarena.
Gizarteari buruzko albiste gehiago
Eusko Jaurlaritzak 38 kutxazain automatiko berri jarriko ditu landa eremuko herrietan
Udalerri horiek bete beharko dituzten baldintzak honakoak dira: 300 biztanle baino gehiago izatea, egun hurbilen duten kutxazaina 8 kilometrora edo gehiagora egotea edota urtean 100.000 turista baino gehiago jasotzea.
Pasaiako 'Beti Aingeru' ontziko tripulazioko kideek ukatu egin dute matxinatu zirela eta patroiari eraso ziotela
Armadoreak atzo emandako bertsioa ukatu bakarrik ez, harengandik jasotako tratua salatu dute. "Zaborra gainera bota zigunean esan genuen ezin genuela gehiago", azaldu dute.
Bernedoko udalekuan egondako hiru adingabe deklaratzera deitu dituzte
Ertzaintzaren atestatuan identifikatuta agertzen diren hiru adingabe deitzea erabaki du auziaren ardura duen Gasteizko Instrukzioko 3. epaitegiak, "biktima-lekuko" gisa deklara ditzaten.
Denboralea gogor astintzen ari da Balear Uharteak
Eivissa eta Formentera uharteetan alerta gorria ezarri dute hamabi orduan metro koadroko 180 litro pilatuko direlako. Estatuko Meteorologia Agentziak (Aemet) "kontuz ibiltzeko" eskatu du, "uholdeak eta bat-bateko ur-goraldiak izan daitezkeelako".
Eider Mendoza: "Bernedoko udalekuen kasuan gertatutakoa argitu behar da, inor jomugan jarri gabe, baina arduraz"
Eider Mendoza Gipuzkoako ahaldun nagusiak Bernedoko udalekuen inguruan sortutako "kezka" izan du hizpide, eta nabarmendu du beharrezkoa dela "lehenbailehen argitzea bai udalekuetan gertatutakoa, bai auzitegietan gertatutakoa". Horrez gain, adingabeen familiei babes osoa eman die.
Walk On Project Fundazioak WOP Challenge eta XIII Estropatada egingo ditu asteburuan Bilbon
Zientziaren eta gaixotasun neurodegeneratiboen ikerketaren aldeko sentsibilizazioa lortu nahi dute, ekitaldi berezien bitartez.
'Johan de Witt' NATOren ontzi ezagunak geldialdia egin du Bilbon
Herbehereetako Errege Armadako 'HNLMS Johan de Witt' ontzi anfibioa Bilboko portuan egongo da urriaren 2ra arte, NATOk Portugalen egindako maniobra batzuetan parte hartu ondoren.
772 kokaina kilo atzeman dituzte Hendaian
Kargamentuak 31 milioi euroko balioa du. Iraileko hirugarren esku-hartzea izan da.
Mendozak Bernedon gertatutakoa "lehenbailehen" argitzeko eskatu du, "inor jomugan jarri gabe, baina erantzukizunez"
"Adingabeez ari gara, eta, horiek babesteko, Gipuzkoako Foru Aldundiak ezin du xehetasunik eman", adierazi du ahaldun nagusiak.
"Bazkari solidario hauekin, gorputza eta arima elikatu nahi ditugu"
Bizkaiko 250 sukaldarik osatutako Bisubi Fundazioak 'Utopia Isila' ekimena jarri du abian. Hilean behin, egoera zaurgarrian dauden pertsonaz osatutako talde bat gonbidatuko dute esperientzia gastronomiko batera, jankide horien “gorputza eta arima” elikatzeko helburuarekin. Lagun Artean elkartea gonbidatu dute iraileko otordura.