'Aita Mari'k 13 pertsona erreskatatu ditu Mediterraneoan
Erreskatatutako pertsona migratzaileak ontzi prekario batean zeuden, eta noraezean zebilen duela zenbait egunetatik. Italiako agintariek Bariko portua izendatu dute lehorreratze-puntu, eta, aurreikuspenen arabera, larunbatean iristekoak dira.
'Aita Mari', artxiboko irudi batean. Argazkia: EFE
Aita Mari ontziak 13 pertsona erreskatatu ditu Mediterraneo erdialdean, tartean bost adin txikiko, aipaturiko ontzia kudeatzen duen Itsas Salbamendu Humanitarioa gobernuz kanpoko erakundeak sare sozialetan jakinarazi duenez.
Gobernuz kanpoko erakundeak zabaldutako informazioaren arabera, pertsona migratzaileak zeramatzan ontzia prekarioa zen eta noraezean zebilen duela zenbait egunetatik. Bidaideak Marokotik eta Tunisiatik zetozen.
Erreskatatutako 13 pertsonetatik bost adin txikikoak ziren, eta horietako bi, bidaiderik gabekoak.
Aita Marik Barin (Italia) porturatzeko baimena jaso du, eta, aurreikuspenen arabera, larunbatean iritsiko da.
Bizitzak salbatzeak ezin duela "inoiz" delitua izan azpimarratu du Itsas Salbamendu Humanitarioak.
16. misioa abiatu zuenetik Aita Marik egiten duen bigarren erreskatea da. Pasa den ostiralean ontziak 40 pertsona migratzaile zeramatzaten bi ontziri lagundu zien Mallorcan, Mediterraneo erdialdera abiatu eta ordu gutxira.
Zure interesekoa izan daiteke
Bilbo Bizkaia Ur Partzuergoak iruzur batez ohartarazi du eta etxeetan inoiz ez dutela kobratzen argitu du
61 urteko gizon bat tximino baztangarekin hil da Donostia ospitalean
20 urteko kartzela zigorra ezarri diote Pasaian bikotekide ohia hil zuen gizonari
EAEko Auzitegi Nagusiak arrazoia eman dio EHUri eta unibertsitatera sartzeko probetan euskara kontuan hartzeko agindu du
Etxegabetze bat eta horren protagonista etxebizitzaren aldeko borrokaren sinbolo bihurtu dira
Melgosak akordioak eskatu ditu Maricarmeni gertatutakoa "berriro ez gertatzeko"
Istiluak Baionako lizeoetan
Auto baten eta kamioi baten arteko istripu batek auto-ilarak sortu ditu AP-8an, Galdakaon
"Bizimodu normala izatea posible da, buruko gaixotasuna garaiz diagnostikatuz gero"
