Gaztela eta Leoneko suteak larritasun-maila gorenekoak dira, bilakaera positiboa izan arren
Baso-sute kezkagarrienen artean, bost Leonen dira. Asturiasen, aldiz, egonkortu dituzte hiru sute handienak.
Gaztela eta Leonek larritasun handieneko sei baso-suterekin ekingo dio asteari, nahiz eta zenbait frontek hobera egin duten. Tenperaturen igoerak, hezetasunaren jaitsierak eta haizeak baso-suteak itzaltzeko lanak zailtzen dituzte, eta dagoeneko kaltetutako eremuetan berriro piztea eragin dute. Aldiz, Asturiasen egoera bestelakoa da. Bertan, egonkortu dituzte jada hiru suterik arriskutsuenak.
Leongo probintziako egoera da latzena, bost sute baitaude aktibo: Fasgar, La Baña, Igueña, Garaño eta Molinaseca. Azken bi horiek igandean deklaratu ziren, eta oso bortitzak izan dira. Horien eraginez, hamabi herritako 700 bizilagun baino gehiago ebakuatu behar izan dituzte, prebentzio moduan.
Zamoran, Portoko suteak maila gorenean jarraitzen du. Hala ere, bilakaera ona duela dirudi, Sanabriako lakuaren Natura Parkean sartu eta La Bañara (Leon) zabaldu arren. Inguru horietan, oraindik ere, biztanleentzako arriskua sor dezakete. Palentzia, Leon eta Almansako beste baso-sute batzuen arriskua murriztu eta larritasun maila jaitsi da, baina zaintzapean jarraitzen dute.
Gaztela eta Leoneko Batzordeak dispositibo zabala jarri du martxan erkidego osoan, eta hurrengo egunetako eguraldiak egoera larriagotu dezakeela ohartarazi du.
Asturias, egonkortuta
Asturiasko hego-mendebaldean izan diren suteek joera positiboa erakusten dute: Degañako sua egonkortu egin da, Genestosokoa guztiz kontrolatuta dago eta Somiedoko sutea gaur kontrolatzea espero da, tokiko suhiltzaileen, boluntario nazioartekoen eta aireko baliabideen laguntzari esker.
Abuztuaren 13tik, 5.500 hektarea baino gehiago kiskali ditu suak. Horrenbestez, Asturiasko Gobernuak 800.000 euroko dirulaguntzak emango dizkie bertako abeltzainei, eta berreskurapen proiektuak egiteko suteek kaltetu dituzten ingurune naturaletako balio handiko eremuetan.
Zure interesekoa izan daiteke
Ilara luzeak daude oraindik N-1 errepidean, Andoain parean, bi kamioik eta auto batek istripua izan dutela eta
Ezbeharra 15:15ean jazo da. Donostiara bidean, errei bat zabaldu dute, baina bost kilometroko pilaketak daude oraindik. Gasteizeko noranzkoa zabalik dago, eta ez dago ilararik. Istripuan ez da inor zauritu.
AP-8 autobidea itxiko dute Deban bihar, zuhaitzak mozteko
07:00etatik 20:00etara egongo da itxita, Bilborako bidean, eta trafikoa bypass baten bidez zuzenduko dute, Behobiarako bidea erabilita.
La Salleko ikasle ohiek egia eta erreparazioa eskatu dituzte Patxi Ezkiagaren biktimentzat
Ikasle ohiek elkarretaratzea egin dute hainbat hamarkadatan izandako sexu abusuak salatu eta ikastetxeari premiazko aldaketak eskatzeko.
Gizon bat atxilotu dute Bilbon hilketa saiakeragatik
31 urteko gizon bat larri zauritu zuen, hiru labankada emanda, eta biharamunean atxilotu zuten, Zazpikaleetan.
N-634 errepidea ireki dute Iurretan, Smurfit Kappa paper fabrikan piztutako suteagatik hainbat orduz itxita egon ostean
Errepidea 08:00ak jo baino apur bat lehenago zabaldu dute. Suhiltzaileek gau osoa eman dute sua itzaltzen, eta han geratu dira, kiskalitako materiala bustitzen. Iurretako Udalak airearen kalitatea neurtuko du gaur, prebentzio-neurri gisa.
Bi pertsona hipotermiak jota erreskatatu dituzte Igeldoko kala batean
Suhiltzaileak ur motorrekin iritsi dira Tximistarrira, eta bertan ez aurrera ez atzera zeuden bi pertsonak portura eraman dituzte, eta handik ospitalera.
Paper fabrika batean piztutako sute handi batek Iurretan eta Durangon errautsa egotea eragin du
Ez da inor zauritu Smurfit Kappa enpresaren kanpoaldean piztutako sutean. Suhiltzaileak kontrolpean dute sua, baina lanean jarraitzen dute N-634 errepidean, eta bi noranzkoetan itxita dago.
Eusko Jaurlaritzak eta Euskararen Erakunde Publikoak Iparraldean euskara sustatzeko 2,47 milioi euroko fondoa eratuko dute
2025-2029 aldirako hitzarmenaren esparruan, 2026. urterako lankidetzaren ildoak jakinarazi dituzte. Batera egingo dituzten proiektuez gain, 2,47 milioi euro bideratuko dituzte Ipar Euskal Herriko euskalgintzako eragile pribatuen lana diruz laguntzera.
Elortzibarko alkatea: "Noaingo gas leherketak kaltetutakoen egoera jasanezina da"
2025eko urtarrilean izan zen leherketaren kasua epaitegietan dago; beraz, aseguru etxeek ez dute ordainketarik egingo prozesua amaitu arte. Familia asko bizi ezin diren etxe baten hipoteka eta alokairua ordaintzen ari dira.
Elkarretaratze jendetsua Santurtzin, 19 urteko neska bati egindako sexu erasoa gaitzesteko
Dozenaka pertsona bildu dira eguerdian Santurtziko udaletxearen aurrean, "Santurtzin, eraso matxistei ez" leloa zuen pankarta baten atzean.