Bilboko Udalaren bertsioa gezurtatuz, Kai Nakai, Maren eta Olatz Salvadorrek ziurtatu dute soilik lehenari egin ziotela agertoki alternatiboaren eskaintza
Itziar Urtasun zinegotziak esan du plaza Biribilean aritzea proposatu ziela, eta artistak izan zirela eskaintzari "uko" egin ziotenak.
Hiru artistak bideo batean gertatutakoa azaltzen. Argazkia: @kai.nakai@olatz.salvador@marenkatalin
Kai Nakai, Maren eta Olatz Salvadorrek ukatu egin dute Itziar Urtasun Bilboko Jaietako eta Berdintasun Saileko zinegotziak abuztuaren 15ean Abandoibarreko agertokian eman behar zuten kontzertuaren inguruan emandako bertsioa.
Urtasunek azaldu duenaren arabera, Abandoibarrekoaren ordez, plaza Biribilean aritzeko aukera eskaini zitzaien artistei. Hala ere, ohar baten bidez, hiru abeslariek adierazi dute Udala ez zela haiekin harremanetan jarri, eta aukera hori Kai Nakairi bakarrik eskaini ziotela.
Zinegotziaren adierazpenen ostean, artistek abuztuaren 16an argitaratutako bertsioa berretsi dute. Zehaztu dutenez, kontzertua bertan behera uztea erabakita zegoenean, Olatz Salvadorren eta Marenen taldeek alde egin zuten; orduan, Kai Nakai bakarrik geratu zen, eta Urtasun zein zenbait udal ordezkari harengana jo zuten. Azaldu dutenez, berari bakarrik proposatu zioten plaza Biribilean kontzertua eskaintzeko aukera, eta horrek uko egin ziola aukera horri: “Kai Nakaik proposamen hori ez zitzaiola etikoa iruditzen erantzun zien, kontzertua hiru artistarena baitzen”.
Horrez gainera, salatu dute inoiz ez zutela interesik ikusi eurengana zuzendu eta biltzeko. Gainera, gaur egun ere, nabarmendu dute oraindik ez dutela Udalaren aldetik inolako “komunikazio edo interesik” izan.
Elkarrekin komunikatu bateratu zabaltzeko udal proposamenari dagokionez, abeslariek gogoratu dute publikoak bere bideoaren bidez izan zuela kontzertua bertan behera gelditu izanaren berri: “Udalak oraindik ez batzuen iritzirik eman, eta errespetu falta bat zela iruditu zitzaigun”.
Gizarteari buruzko albiste gehiago
Motorzale bat larri zauritu da N-634 errepidean, Deban, auto baten aurka talka eginda
Istripua arratsaldeko 20:15ean gertatu da, eta zauritua Donostia Ospitalera eraman dute anbulantzia batean, larri zaurituta.
Gernika-Palestinak lapiko-protestak deitu ditu irailaren 5erako, Gazako egoerak okerrera egin duela-eta
Kontzentrazioak 19:00etan izango dira, Hego Euskal Herriko udaletxeen aurrean. Merkataritza harremanak eteteko eta Israel isolatzeko zigorrak martxan jartzeko eskatu du.
200 komunikazio-profesionalek prentsaren aurkako Gazako sarraskia salatu dute Iruñean
Gazteluko plazan bildutako profesionalek manifestu bat irakurri dute hiru neurri nagusi eskatzeko: kazetarien eta hedabideetako langileen aurkako erasoak berehala bertan behera uztea; hilketa bakoitzari buruzko nazioarteko ikerketa independenteak irekitzea; eta kaltetutako lurralde guztietan prentsak, tokikoak zein nazioartekoak, askatasunez zirkulatzeko eta lan egiteko berme eraginkorrak ematea.
Tenerifen porturatutako Open Arms "negreroen" itsasontzia "konfiskatzea eta hondoratzea" eskatu du Abascalek
Fernando Clavijo Kanarietako presidentearen ustez, Voxeko buruzagiaren adierazpenak "benetako faxista" batenak dira.
Bilboko Udalak dio Kai Nakai, Maren eta Olatz Salvadorri eskaini ziela plaza Biribilean aritzea, baina haiek "ezetz" esan zutela
Montaketak, Abandoibarreko agertokia muntatzeaz arduratzen den enpresa, zigortuko dute kontratuaren % 10arekin (8.250 euro), ez diote emakida 2026rako luzatuko eta kalte-galerak eskatuko dituzte.
Gizon baten gorpua aurkitu dute Santurtziko portuko uretan
Herritar baten abisua jaso ondoren, Bizkaiko Foru Aldundiko suhiltzaileak, Ertzaintza, Santurtziko Udaltzaingoa eta anbulantzia medikalizatu bat bertaratu dira. Suhiltzaileek uretara salto egin dute gizona ateratzeko, baina bertan zegoen medikuak pertsona horren heriotza baieztatu du.
Etxera bidean dira uda Euskal Herrian igaro duten Ukrainako 95 haurrak
Autobusez abiatu dira Iruñetik, Irundik, Arrigorriagatik eta Gasteiztik. Hiru eguneko bidaia eta milaka kilometro dituzte aurretik. Txernobilgo istripuaren ondoren erradiaziotik ihes egiteko Euskal Herriko familiekin etortzen hasi ziren, baina orain gerratik aldentzea ere lortzen dute, bi hilabetez bada ere.
Maria Chivite: "Ez da gauza bera Israelen alde egotea eta Israelgo taldea izatea"
Maria Chivitek gaitzetsi ditu Espainiako Itzulian Israel-Premier Tech Israelgo taldearen aurkako protestak. Nafarroako Gobernuko presidenteak argi adierazi du bere iritzia: "Ez da gauza bera Israelen alde egotea eta Israelgo taldea izatea".
Bina lagun atxilotu dituzte Gipuzkoan eta Nafarroan, haurrak agertzen diren sexu-materiala edukitzearen eta banatzearen aurkako polizia-operazio batean
Miaketetan milaka irudi- eta bideo-artxibo atzeman dituzte, adingabeen aurkako sexu-eraso "larriak" eta biktimekiko bestelako ekintza iraingarri eta laidogarri batzuekin. Guztira, Espainian, 16 gizaseme atxilotu dituzte Polizia-operazio horretan.