116.123 ikaslerekin hasi da ikasturtea Nafarroan; % 67,8, sare publikoan
Ikasturte honetan eskolara hasiko diren 3 urteko haurren % 30 B eta D ereduetan hasiko dira.
116.123 ikaslerekin, ostegun honetan hasi da Nafarroan 2025/2026 ikasturtea. Horietatik % 67,8 (78.800) hezkuntza sare publikoan matrikulatuta daude; 36.930, itunpeko ikastetxe pribatuetan, eta 493, itundu gabeko ikastetxe pribatuetan.
Foru Gobernuaren arabera, 0 eta 3 urte bitarteko Haur Hezkuntzako lehen zikloan ikastetxe publikoetan matrikulatutako haurren eskolatze-tasak % 50eko langa gainditu du, estreinakoz; ziklo hori doan eskaintzen den bigarren ikasturte honetan, % 50,09koa da publikoan eskolatutakoen kopurua.
Carlos Gimeno Nafarroako Gobernuko Hezkuntza kontseilariak ikasturte honetako datuak aurkeztu ditu. Azaldu duenez, 3 urteko 4.754 ikasle berri izango dira: horietatik 2.901 sare publikoko ikastetxeetan sartuko dira, (% 61) eta 1.853, itunpekoan. Horietatik 3.350 (% 70) A eta G hizkuntza-ereduetan matrikulatu dira, eta 1.404, B eta D ereduetan.
Hizkuntza-ereduen arabera, A (gaztelaniazko irakaskuntza, euskara irakasgai gisa hartuta) eta G (gaztelaniazko irakaskuntza) ereduetan 88.677 ikasle ariko dira guztira; B (zati batean euskarazko irakaskuntza, gaztelania irakasgai gisa hartuta) eta D (euskarazko irakaskuntza) ereduetan, berriz, 27.334.
Ikasturte berriko nobedadeak
Orain hasiko den ikasturtea ikasleen irakurmen- eta matematika-gaitasunak indartzeko planen hedapenean oinarrituko da.
Gainera, apirilean Ekitatean eta Hezkuntza Kalitatean aurrera egiteko Ituna sinatu ondorengo lehen ikasturtea izanik, ratioetan beherakadak egongo dira: 20 ikasleko ratioa izango da Haur Hezkuntzako bigarren zikloan, ikasle kalteberak dituzten ikastetxeetan, aniztasunari arreta emateko 1.000 ordurekin; 23 ikasle, Haur Hezkuntzako 1. mailatik aurrera; eta ratioa 23 ikaslera jaitsiko da Lehen Hezkuntzako 1. mailatik aurrera, ikasturte honetatik hasita.
Aurreko hiru neurriak hurrengo ikasturteetara eramango dira, etapa bakoitzeko maila guztietako ratioen jaitsiera osatu arte, eta itundutako ratioei eutsiko zaie, gutxienez, Ituna indarrean dagoen bitartean.
Zure interesekoa izan daiteke
Azken agurra Santanderreko pasabidea hautsi eta itsasora erorita hil ziren gazteei
Barakaldoko eta Balmasedako beilatokiak eta Igollo de Camargoko (Kantabria) eliza txiki geratu dira Santanderren itsasora erorita hil ziren gazteak gogoratzeko eta azken agurra emateko.
Bullyinga egiten duten ikasleak ikastetxetik kanporatuko dituzte Nafarroan
Bizikidetzari buruzko Foru Dekretu berriak tratu txarren edo indarkeriaren kasu larrietan ikasleak eskolatik kanporatzea ere aurreikusten du. Neurriaren helburua da biktimak babestea eta haien ongizate emozionala bermatzea.
Santanderko pasabidea hautsita zegoela ohartarazi zuten istripuaren aurreko egunean, baina abisua ez zen izapidetu
Udaltzaingoak abisua jaso zuen, baina ez zuen inolako jarduketarik egin. Hala, jakinarazpena paper batean jaso zuten, baina mahaian bertan geratu zen.
24. Korrikak euskararen ezagutza unibertsala aldarrikatu du Iruñean
Aurtengo leloa, "Euskara Gara" komunitatearen izaera irekia eta askotarikoa azpimarratzeko hautatu dute. Korrikak bildutako baliabide ekonomikoak euskararen normalizazioaren aldeko lana indartzera bideratuko dira.
14 urteko kartzela-zigorra ezarri diote gizon bati Donibane Lohizunen, bi adin txikiko bortxatzea leporatuta
Erasoak 2012. urtean hasi ziren bikotekide ohiaren etxean, biktimetako batek 6 urte besterik ez zituenean. Erasotzaileak gertakariak onartu ditu, eta adin txikikoak bortxatu eta sexualki erasotzea leporatu dio epaileak.
Eusko Jaurlaritzak baieztatu du gero eta biktima gazte gehiago daudela indarkeria matxistagatik jasotzen diren deietan
2025ean, SATEVI zerbitzuak 2.054 eskatzailek egindako 3.087 arreta telefoniko erregistratu zituen, eta % 90 baino gehiago bikotekideak edo bikotekide ohiak eragindako indarkeriari lotuta izan ziren.
Horrelakoak dira euskal gazteak: prestatuak eta toleranteak, baina emantzipatzeko arazo handiak dituzte
Gazteen Euskal Behatokiak argitaratutako 'Gazteen Adierazleak' txostenak euskal gazteen erradiografia interesgarria eskaini du. Gazteen % 72,6k seme-alabak izan nahi dituzte, baina atzeratu beharko dutela uste duenak inoiz baino gehiago dira.
Santanderko pasabidea hautsi zenetik bila zebiltzan neskaren gorpua topatu dute
Asteartean istripua gertatu zenetik, gorpua agertu den inguruetan ari ziren 20 urteko Guadalajarko neskaren bila. Asteartean bertan topatu zituzten horren bost lau ikaskide eta begiralearen gorpuak (horietako hiru euskal herritarrak), pasabidea igarotzen ari zirela hori hautsi eta uretara erori ziren denak. Neska arabar bat da istriputik bizirik atera den bakarra.
El Bocaleko istripuan erreskatatutako gazteak egonkor jarraitzen du eta kontziente dago
19 urteko gaztea asteartean ospitaleratu zuten, "sabeleko traumatismo larria" zuela. Santanderreko itsaslabar bat zeharkatzen duen pasabide bat haustean, Bocal inguruan, beste sei lagunekin batera metro batzuk erori zen arroka artera. Gaurko egunean zehar, traumatismo horren bilakaera baloratzeko hainbat proba egingo dizkiote gazteari.
Euforia eta emozioa Realeko jarraitzaileen artean, Errege Kopako finalerako txartela lortuta
Realeko milaka jarraitzaile Sevillara begira daude dagoeneko, apirilaren 18ko Errege Kopako finala gertutik bizitzeko ilusioarekin. 2021ean ikuslerik gabe jokatu behar izan zen finalaren ondoren, realzaleek finalaren esperientzia bizi nahi dute.