Onkologiako saiakuntza klinikoak egiteko plataforma bateratua jarriko da martxan Euskadin, eta guztion eskura izango da
Plataforma berria Eusko Jaurlaritzako Osasun Sailaren 2025-2030 aldirako Euskadiko Onkologia Plan Integralaren kari sortuko da, hain zuzen ere. Saiakuntza kliniko gehiago egitea eta gaixoen parte-hartzea handitzea da helburua, "aukera berdintasuna" bermatzeko.
Alberto Martinez Osasun sailburua, gaur, Bilbon. Argazkia: Irekia
Alberto Martinez Eusko Jaurlaritzako Osasun sailburuak iragarri du Onkologiako Saiakuntza eta Ikerketa Proiektuen Plataforma martxan jarriko dela Euskadin. Horren esanetan, "urrats aitzindaria" izango da, besteak beste, balioko duelako gaixoek EAEn eskuragarri dauden saiakuntza klinikoetarako sarbidea izateko, baliabideak erakartzeko eta sistemak minbiziaren aurkako borrokan duen ahalmena indartzeko.
Martinezek azaldu duenez, plataforma berria sortuko da Eusko Jaurlaritzako Osasun Sailaren 2025-2030 aldirako Euskadiko Onkologia Plan Integralaren kari—2025-2030 Euskadiko Onkologia Plan Integrala datorren urriaren 17an aurkeztuko zaie ofizialki osasunaren arloko profesionalei, elkarteei eta eragileei.
"Ikerketa gehiago egiteak osasun gehiago eta hobea esan nahi du, aukera gehiago eta itxaropen handiagoa pazienteentzat".
"Minbiziak jarraitzen du izaten heriotza-kausa nagusia gure herrialdean. Plan honekin eta saiakuntzen plataforma berriarekin, Euskadik urrats erabakigarria emango du Europako ikerketa eta arreta onkologikoaren abangoardian kokatzeko. Ikerketa gehiago egiteak osasun gehiago eta hobea dakar, aukera gehiago eta itxaropen handiagoa pazienteentzat "
Plataforma Euskadiko osasun-ikerketako ildo nagusiaren esparruan sortu da, onkologia ardatz. Gaur egun, Euskadin, 140 ikerketa proiektu daude aktibo, eta 12.000 pazientek baino gehiagok minbiziarekin lotutako saiakuntza klinikoetan parte hartzen dute. Orain, saiakuntza kliniko gehiago eta parte-hartzaile gehiago izatea da helburua, aukera berdintasuna, terapia berritzaileetarako sarbidea eta datuen kudeaketa aurreratua bermatu ahal izateko.
Tresna berriaren aurkezpena onkologian erreferentzia diren Europako adituen taldearen hirugarren eta azken bisitan egin da. Urtebetez, elkarrekin lan egin dute, Osakidetzako profesionalei, Osasun Saileko Osasun Ikerketa Institutuei eta pazienteen elkarteei laguntzen, 2025-2030 aldirako Euskadiko Onkologia Plan Integrala prestatzen eta hobetzen.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.