Kutsadura arriskua Arabako 12 herritan, Ihuda ibaian isuria egon daitekeelako
Eusko Jaurlaritzaren eta Gaztela eta Leongo larrialdi zerbitzuek alerta egoera ezarri dute, ibai-ibilguan karramarro ugari hilda agertu direla jakin ostean.
Trebiñuko konderriko hamabi herri, Araban, alerta egoeran daude Ihuda ibaiaren kutsaduragatik, isurketa bat egon daitekeelako. Udalerri horietako alkateen bitartez, Eusko Jaurlaritzako Larrialdi zerbitzuek mezu bat helarazi dute: ibai horretako urarekin kontakturik ez izatea, ez pertsonek, ezta animaliek ere, oso kutsatuta baitago Bernedotik Berantevillaraino.
Hori dela eta, Eusko Jaurlaritzaren eta Gaztela eta Leongo larrialdi zerbitzuek alerta egoera abiarazi dute bart, ibai-ibilguan hildako karramarro ugari hilda agertu ostean.
Guztira, hamabi dira kaltetutako herriak, horien artean Trebiñu bera. Guztiekjaso dute ibaiko ura ez kontsumitzeko eta ez ukitzeko abisua.
Ostiralean, Ingurumeneko eta URA Uraren Euskal Agentziako teknikariek laginak hartu zituzten, isurketaren jatorria eta larritasuna zehazteko. Trebiñuko Administrazio Batzarretik Roberto Bajos presidenteak Radio Euskadiri esan dio urteak daramatzatela Gaztela eta Leongo Juntari araztegian obrak egiteko eskatzen.
Zure interesekoa izan daiteke
Urkiolara hurbildu dira milaka lagun, San Antonio eguneko azokaz eta erromeriaz gozatzera
Urtero hutsik egiten ez dutenak ere badira, tradizioari jarraituz. Lehen aldiz, lehiaketa antolatu dute bisitariek, lau zaldietan ederrena hautatzeko. Azoka, bertsolariak eta umeentzako jarduerak ere ez dira falta.
35 graduak gainditu dira Euskal Herriko hainbat udalerritan, Bizkaian batez ere
Abisu horia ezarrita dago gaur eta bihar 13:00etatik 20:00etara, muturreko tenperatura altuengatik, EAEn. Nafarroan ere abisu horia ezarri dute ordutegi horretan, baina Erriberan bakarrik.
Abiatu dira Kontseiluak deitutako manifestazioaren hiru zutabeak, "Euskaraz bizitzeko behar den dena" aldarri
Errebindikazioa, kultura eta ospakizuna ari dira uztartzen Iruñean, goizetik bertako kaleak hartu dituen ekinaldi erraldoian. Euskararen babes soziala ikusaraztea eta hizkuntza eskubideen arloan aurrerapauso berriak eskatzea du helburu manifestazioak.
Euskararen aldeko aldarria goizean goizetik Iruñean, Euskaltzaleon Martxaren aurretik
Euskararen aldeko mobilizazio handia egingo da gaur Iruñean Euskalgintzaren Kontseiluak deituta. 17:00etan hiru zutabe abiatuko dira hiriko hiru puntutatik, eta bakoitzak mezu bat eramango du: euskararen ofizialtasun osoa eskatu, hizkuntza politiketan jauzia emateko premia aldarrikatu, eta euskaltzaletasuna azpimarratzeko. Aurrez, hainbat ekintza daude martxan goizetik Nafarroako hiriburuan.
Palestinarekin Elkartasuna taldeko aktibistak identifikatu dituzte, CAFen Beasaingo lantegirako sarbidea oztopatzeagatik
Protesta modu baketsuan egin dute CAFen fabrikara sartzeko zubian. 30 bat gaztek eserialdia egin dute, eta ibilgailuei bidea moztu diete. Ondorioz, identifikatu egin dituzte, baina ez dute inor atxilotu.
1.500 dronek Bilboko zerua argiztatu dute, Iberdrolaren 125. urteurrena ospatzeko
Jende askok gozatu du Iberdrolaren urteurren berezirako berariaz diseinatu duten eta musika eta efektu bisualak izan dituen ikuskizunaz. Guztira 1.500 dronek argiztatu dute Bilboko zerua.
EHUren festa erraldoia
Ikasketak amaitzen dituzten 4.000 ikasle inguru elkartu dira EHUko graduazio ekitaldi handian. Nøgen, Janus Lester, Maialen Lujanbio eta Amets Arzallus aritu dira oholtza gainean. EHUk txapela eman die graduatuei, birretak eman beharrean.
Errenteriako abusu kasuen erabilera politikoa salatu du Asanblada Feministak
Oreretako Asanblada Feministak elkarretaratzea deitu du ostiral arratsalde honetarako, azken hilabetean ezagutu diren bi sexu-abusu kasuen instrumentalizazioa salatzeko. Udalak egindako kudeaketa eskertu dute, eta salatu dute legelari, kazetari eta alderdi politiko batzuek etekin politikoa bilatzeko erabili dituztela kasu horiek.
Tenperatura altuen aurrean babesteko deia egin du Bilboko Udalak, eta 6 hondartza berde atondu ditu
Asteburu honetako bero boladaren aurrean, Udalak gogorarazi du 134 aterpe klimatiko dituela, eta biztanleen % 96k etxetik 300 metro baino gutxiagora dutela horietakoren bat.
Desobedientziarekin erantzun diote Seaskako ikasleek baxoko matematika azterketari
Hego Euskal Herrian selektibitatea amaitu ostean, gaur abiatu da Ipar Euskal Herrian baxoa. Seaskako ikasleek desobedientzia ekintza egin dute, eta ofizialki frantsesez egin behar duten matematikako azterketa euskaraz egin dute. Baxoa osorik euskaraz egin ahal izatea eskatzeko elkarretaratzea egin dute.