PPk Bernedoko udalekuak ikertzeko batzordea egitea eskatu dio Legebiltzarrari
Erakundeek eta alderdi politikoek salaketen aurrean izandako jokabidea kritikatu du De Andresek.
Javier de Andres EAEko PPren presidentea, artxiboko irudi batean. Argazkia: EFE
PPren ustez, EAEko erakundeek "modu lotsagarrian onartu" dute Bernedoko (Araba) udalekuan gertatutakoa. PPk salatu du "exhibizionismoa eta adingabeen aurkako sexu-erasoak" izan zirela, eta adierazi du Eusko Legebiltzarrean ikerketa batzorde bat ireki beharko litzatekeela.
Javier de Andres EAEko PPren presidenteak prentsaurrekoa eman du, eta salatu du euskal erakundeek "nagikeriaz" jokatu dutela gaiari aurre egitean, eta iragarri du hainbat ekimen abiaraziko dituela arduradun politikoei azalpenak eskatzeko, Bernedoko udalekuetan egon ziren adingabeen hainbat familiak aurkeztutako salaketei erantzuteko.
Udalekuetan parte hartu zuten adingabe batzuen familien arabera, begiraleak biluzik dutxatzen ziren 13 eta 15 urte bitarteko neska-mutilekin, eta dutxak partekatzera behartzen zituzten. Oraingoz, hamabi dira salaketak.
Salaketa horien aurrean euskal erakundeek eta alderdi politikoen jokabidea kritikatu du De Andresek.
Alde batetik, Gipuzkoako Foru Aldundiari aurpegiratu dio 2024an izan zuela udalekuko egoeraren berri, eta horregatik erabaki zuela aurten ez bidaltzea bertara tutoretzapeko adingabeak, gainerako erakundeei ezer jakinarazi gabe.
Halaber, Ertzaintzaren jarrera kritikatu du; izan ere, urtarrilaren 22an jaso zuen kasuari buruzko lehen salaketa, eta 2024. urtearen amaieratik zuen informazioa, baina "ez zuen ezer egin, eta apirilaren 30ean epaitegira txosten bat bidali zuen, Fiskaltzari eta epaileari kasuaren larritasunaren berri eman gabe".
Azkenik, auzia epaitegian geldirik geratu izana ere kritikatu du, irailaren amaierara arte ez baitzuen diligentziarik abiatu.
Bestalde, alderdi politikoen jarrera kritikatu du, "inork ez duelako agerraldirik, daturik eta erantzukizunik eskatu".
PPk eskatu du Gipuzkoako eta Arabako foru diputatuak Batzar Nagusietan ager daitezela, gaiari buruz azaldu beharrekoak azal ditzaten, eta, gainera, lehendakariari interpelazioa egingo dio ostiralean Legebiltzarrean.
Era berean, uste du Eusko Legebiltzarrak ikerketa batzorde bat ireki beharko lukeela udalekuan gertatutakoa argitzeko, baina batzordea sortzeko 2 talde edo 15 legebiltzarkide behar dira, eta PPk zazpi ditu.
Gizarteari buruzko albiste gehiago
43.000 pertsonak baino gehiagok hartu dute gripearen aurkako txertoa jartzeko hitzordua EAEn
Arrisku-taldeentzako eta pertsona zaurgarrientzako txertaketa-kanpaina gaur hasi da ofizialki EAEn. 43.000 pertsona baino gehiagok eskatu dute txertoa jartzeko hitzordua, horietatik 20.381 80 urtetik gorakoak dira eta 2.353 haurrak. Gripearen txertoarekin batera, arrisku-taldeei covidaren aurkako txertoa jasotzeko aukera ere ematen zaie.
Arte Ederren Bilboko Museoaren 1970eko eraikina ireki dute, birgaiturik
Arte Ederren Bilboko Museoak berriro ireki ditu 1970eko eraikinaren ateak, birgaiturik dagoela, oraingoan. Irekiera ekitaldia Baselitzen 50 margolanen eta beste lan enblematiko batzuen erakusketa batekin ospatu da.
Israelek atxilotutako Global Sumud Flotillako lau ekintzaile euskal herritarrak gaur itzuliko dira
Jose Manuel Albares Espainiako Atzerri ministroak jakinarazi du astelehenean aterako direla Israeldik etxera bidean, nazionalitate espainiarra duten beste 24 ekintzailerekin batera. Igandean 21 ekintzaile Madrilera iritsi ziren.
Bilboko metro zerbitzua berrezarri dute Indautxu eta San Ignazio artean, matxura batengatik bi orduz etenda egon ostean
San Ignazio eta Sarriko artean zihoan unitate bat matxuratu egin da eta, horren ondorioz, Indautxu eta San Inazio geltokien arteko trenen zirkulazioa ia bi orduz eten egin dute. Gainera, atzerapenak izan dira gainerako trenetan. Metro Bilbaok jakinarazi duenez, pixkanaka ohiko maiztasunak berreskuratzen joango direla.
Auto-istripua izan da Tafallan, eta 17 urteko mutil bat larri zauritu da
Kopilotua Nafarroako Unibertsitate Ospitalera eraman dute, larri, eta 29 urteko gidaria, berriz, Azkoiengo osasun zentroan artatu dute.
Dibulgazio-aldizkari bateko ilustratzaileak "España" idatzi du Irulegiko eskuaren irudi batean
Arqueología e Historia aldizkariak baskoien historiari buruz egindako zenbakia merkatutik kentzea erabaki du, ilustratzaileak Irulegiko eskuan "Sorioneku" idatzi beharrean "ESPAÑA" idatzi du eta. Argitaletxeak barkamena eskatu du, eta ilustratzaileak, barkamena eskatu ostean, txantxa bat izan zela azaldu du.
Ezagutzen ez dituzun Aquariumeko hamar bitxikeria
2025ean Donostiako Aquariumek mugarri historikoa ospatu du: 100 urte bete dira lehen harria jarri zutenetik. Hiriko gune enblematikoa da, eta haurrak eta helduak erakartzen ditu. Esther Irigaray zuzendariarekin hitz egin dugu, agian ezagutzen ez dituzun 10 bitxikeria ezagutzeko. Bitxikeria horiek agerian uzten dute tradizioak, zientziak eta itsasoarekiko jakin-minak bat egiten dutela Europako akuariorik bisitatuenetako batean.
Ehun urtetik gorako Euskadiko eraikinak, historiaren lekuko
Gasteizek, Bilbok eta Donostiak lehen harria edo inaugurazioa 1925 inguruan duten eta aurten ia mende bateko historia betetzen duten hainbat eraikin kontserbatzen dituzte. Ehun urteko eraikin horien artean aipagarriena errepasatuko dugu Amaia Rementeria arkitektoarekin.
Atxilotu bat Donostian, segurtasun langile bati sastakai batekin mehatxatzeagatik eta autoarekin harrapatzen saiatzeagatik
Lekukoen arabera, atxilotuak eraso egin dio Ibaeta auzoko lokal bateko langileari barrura sartzeko debekuaren aurrean.