Mazonen dimisioa eskatu dute berriz ere, uholdeen urteurrenaren atarian: "Aldarrikapenerako eta memoriarako unea da"
Manifestazioa hasi denean, goialdeko borraskaren biktimen erakundeko presidente Marilo Gradolik atesekabetuta esan du urtebete geroago argitu gabe dagoela zer ari zen egiten Mazon urrriaren 29ko arratsalde hartan. "Egia nahi dugu, biktimengatik eta egun hartan gaizki pasatu zuten pertsona guztiengatik", nabarmendu du.
Manifestazio jendetsua egin dute Valentzian. Argazkia: EFE
Manifestazio jendetsua —orain arteko hamabigarrena— egin dute arratsaldean Valentzia erdigunean, bertako Gobernuko presidente Carlos Mazonen dimisioa eskatzeko, iazko urriaren 29an, goialdeko borraska gertatu zenean, maila eman ez zuelako. "Mazon errudun", "Mazon espetxera", "Ez dugu ahaztuko, ez dugu barkatuko" eta antzeko oihuak entzun dira protestan, "aldarrikapenerako eta memoriarako unea den honetan"
Zorigaitzak Valentzia astindu zuenetik urtebete igaro denean, manifestaziorako deia egin dute berriro ere antolatzialeek, eta traktoreen atzean eman dituzte lehen urratsak martxa horretan bildutakoek.
Kartel asko ikusi dira protestan, bai eta Mazonen eta presidenteorde Susana Camareroren panpinak ere, eskuak odolez beteta eta hildakoen argazkiekin nahastuta: "Justizia", "Zuengatik gaude hemen" eta gisa horretako esaldiak zituzten idatzita pankarta eta karteletan.
Manifestazioa hasi denean, goialdeko borraskaren biktimen erakundeko presidente Marilo Gradolik atesekabetuta esan du, komunikabideen aurrean, urtebete geroago argitu gabe dagoela zer ari zen egiten Mazon arratsalde hartan. "Egia nahi dugu, biktimengatik eta egun hartan gaizki pasatu zuten pertsona guztiengatik", nabarmendu du.
Omenaldi hunkigarria egin diete Valentziako depresio isolatuan hildakoei
Urriaren 29an beteko da urtebete Valentzian goi geruzetako depresio isolatua (GOIDIa) izan zenetik, eta urteurrena baliatuz, Valentziako gizarteak omenaldi hunkigarri eta beroa egin die uholdeetan hildako 229 herritarrei. Besarkada sinbolikoa eman nahi izan diete biktimei eta horien senitartekoei, eta egia eta justizia eskatu dituzte.
2024ko urriaren 29ko goi-geruzetako depresio isolatuaren biktimen elkarteak antolatu du omenaldia, L'Horta Sud Kaltetuen Elkartearekin elkarlanean, Valentziako Olympia Antzokian.
Hildako bakoitzaren argazkia eta izenak proiektatu dira ekitaldian, baita uholdeek utzitako suntsiketaren irudiak ere. Biktimen senide eta lagunek lekukotza gogorrak irakurri dituzte, hildakoak gogoratuz eta mina partekatuz.
Beatriz Garrote 2006ko Valentziako Metroko Biktimen Elkarteko presidentea ere izan da bertan. Hitza hartu, eta adierazi du "ohorea" dela biktimen senideei "arnasa eta babesa eman ahal izatea", "bide luzea" izango baita. "Ez zaitezte bakarrik sentitu, ez baitzaudete", esan die.
Antzoki osoa zutik jarrita, txalo zaparrada handi batekin amaitu da bi ordu iraun duen ekitaldia, agertokian lokatzez zikindutako botak, erratzak eta kuboak zeudela. Atzean, boluntarioak eta biktimen hiru elkarteetako presidenteak zeuden, pankarta bati eusten. "Eta orain denok altxa dezagun ahotsa, jada altxa ezin duten horiengatik" zihoen, valentzieraz.
"Mazón, dimisión" oihukatuz amaitu da ekitaldia, gaur arratsaldean Valentziako erdigunea zeharkatuko duen manifestazioaren lelo nagusia oihukatuz, alegia. Milaka lagunek Valentziako Generalitateko presidentearen dimisioa eskatu dute berriz ere, depresio isolatua izan zenean egindako kudeaketagatik.
Bertan bildutakoen artean, Diana Morant Zientzia ministro eta PSPV-PSOEko idazkari nagusia, Pilar Bernabe Valentziako Gobernuko ordezkaria eta Monica Oltra Valentziako Gobernuko presidenteorde ohia zeuden.
Zure interesekoa izan daiteke
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du poliziako buru ohia emakumearekin ez komunikatzeko salatzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrei gehien kezkatzen dien beste beldur batzuk dira gertuko senide bat galtzea, osasuna galtzea, itsu geratzea edo minbizia hartzea.
Gorpu bat aurkitu dute itsasoan, Ondarroa eta Lekeitio artean
Gorpua ezin izan dute identifikatu, baina baliteke asteartean Mendexan desagertutako 82 urteko arrantzalea izatea.
Tasa turistikoa 2027ko urtarrilaren 1etik aurrera ezarriko da Euskadin
Gipuzkoako Foru Aldundiak turismoari lotutako zerga berria arautzen duen Foru Arauaren proiektua onartu du. Zergaren oinarria gau kopuruaren arabera kalkulatuko da.
76 urteko gizon bat eta 38 urteko emakume bat atxilotu dituzte, Bilbon, emakume bati sexu-erasoa egiteagatik
Biktima atxilotuekin batera Santutxuko Karmelo kaleko etxebizitza batera igo omen zen.
Dozenaka lagunek justizia eskatu dute Parisen hildako gazte tolosarrarentzat
"Justizia Dalianentzat" lelopean, Parisen hil zuten Tolosako bizilagunaren senide eta lagunek elkarretaratzea egin dute gaur arratsaldean. Martxoaren hasieran aurkitu zuten haren gorpua, Frantziako hiriburuko etxebizitza batean.
Bi gizon inputatu dituzte Artxandako hilketagatik, eta beste hiru krimen hura ezkutatzeagatik
2023ko abuztuan, gizonezko baten gorpua aurkitu zuten, zatituta eta erreta, maleta baten barruan, Artxandan dagoen abandonatutako eraikin batean.
Goiz korapilatsua Txorierriko errepideetan, Asua parean bederatzi autoren artean izandako talka baten ondorioz
Istripuaren ondorioz, bideko lau erreietatik hiru itxi behar izan dituzte puntako orduan, eta auto-ilara luzeak sortu dira inguruan: Artatzan, Arrontegin, Barakaldon eta Gurutzetan. Behin ibilgailuak bidetik kenduta, egoera bere onera itzultzen joan da. Arazoak izan dira, halaber, A8an, Kantabriarako noranzkoan, San Mames parean istripu bat izan baita. Gipuzkoarako noranzkoan, gainera, trafikoa astuna izan da.
Osakidetzako proba diagnostikoen irudiak ikusgai, Osasun Karpetaren bidez
Iaz, 592.888 herritarrek erabili zuten Osasun Karpeta eta 8,2 milioi sarbide izan zituen. Interesa dutenek irudietara sartzeko eskaera online egiteko aukera izango dute.
Eusko Jaurlaritzak 271 milioiko inbertsioa egingo du hezkuntza sistemaren eraldaketa digitala bultzatzeko
ADIMEN DIGITALA estrategiak software librean oinarritutako hezkuntza-plataforma propioa ahalbidetuko du, irakasleen prestakuntza digitala indartuko du eta euskarazko hezkuntza-edukiak sustatuko ditu.