GOIDIak, urtebete: Denak huts egin zuen egunaren kronologia
Urriaren 29ko zorigaiztoko goiz hura euri-jasak eta meteorologia-zerbitzuen hainbat alerta piztu zirela hasi zen. Baina, ez erakundeak eta ez herritarrak ez ziren gai izan egoera zenbat zailduko zen aurreikusteko.
Urtebete da Valentziako Erkidegoan 229 hildako utzi zituen tragediatik. Nahiz eta zorigaiztoko urriaren 29ko lehen orduan iragarpen meterologikoak euriteen berri eman zuten, protokoloek huts egin zuten eta tragediaren neurriak aurreikuspen guztiak gainditu zituen.
Hau da GOIDIa lehertu zen egunaren kronologia:
* 06:42
AEMETek aldez aurretik euriteak aurreikusi zituen, baina ordu zehatz honetan, 06:40ak aldera, alerta laranja eguneratu zuen, eta Portuko Agintaritzak portua ixteko agindua eman zuen. Handik gutxira, 07:30ean, abisu maila gorrira igo zuen iparraldean. Hortik aurrera, pixkanaka, agentziak alerta gorria Valentziako toki gehiagotara zabaldu zuen, eta goizaldean botatako ekaitzetako ura pilatzen hasi zen.
* 08:04
Ordu horretan, AEMETek ohartarazi zuen "euri-jasak" izango zirela. Ez bidaiatzeko aholkua eman zuen, eta "muturreko arriskua" zegoela ohartarazi zuen X sare sozialean.
* 09:20
Kaleak urpean geratu ziren. Euri-jasek iparralderantz egin zuten, eta, handik gutxira, alerta gorria 18:00ak arte zabaltzea erabaki zuten.
* 10:30
Larrialdi-zerbitzuek ibilgailuetan harrapatutako lehen pertsonak erreskatatu zituzten, goizeko lehen orduetan.
* 11:30
Ordu honetan, eguneko irudietako bat iritsi zitzaigun: Chivako Poyo ibaiaren amildegia gainezkatu zen, eta horrek, gerora, Horta Sud eskualdea urpean geratzea eragin zuen. Handik ordu erdira, Utielen, Magro ibaiak gainezka egin zuen, eta Valentziako Unibertsitateak jarduera guztia etenarazi zuen. 12:00etatik 14:00etara, ekaitzak okerrera egin zuen. Zerua erabat ilundu zen, eta Valentziako lurralde osoan entzun ziren trumoiak.
* 12:20
AEMETek bideo bat argitaratu zuen, "muturreko arriskuaz" ohartarazteko. Bitartean, hainbat udalerritan argirik gabe geratu ziren eta telefono-estaldura galdu zuten.
* 13:00
Mazonen aurreneko hitzak. Txio baten bitartez, 18:00etan ekaitza baretuko zela iragarri zuen. Handik gutxira, mezua ezabatu egin zuen Valentziako presidenteak.
* 14:00-18:00
Euriteen intentsitateak goia jo zuen, eta ur-pilaketak ikaragarri handiak ziren. Marka guztiak hautsi ziren, eta Valentziako puntu asko urpean geratu ziren erabat.
* 17:35
Larrialdietako abisu berria, Magro eta Jucar ibai inguruetan ezarria. Ordurako ohartarazita zegoen puntu horietan ibaiek gainezka egin zutela.
* 18:30
Berriro ere, gainezka egin zuen Poyoko erreka-bideak, Torrenten, eta uholdeak eragin zituen Paiportan, Picanyan, Sedavin eta Catarrojan. Egunaren amaieran, hondamendia izugarria zen: milaka pertsona harrapatuta zeuden errepide eta merkataritza-guneetan, zubiak erortzen hasi ziren... Euriak izugarrizko kalteak eragin zituen parke, kale, etxebizitza eta azpiegituretan.
* 20:12
Generalitateak SMS bidez abisua eman zien bizilagunei, kalera irten ez zitezen.
* 21:30
Carlos Mazon ez zen hedabideen aurrera agertu 21:30ak arte, eta hurrengo goizera arte Valentziako presidenteak ez zuen baieztatu hildakoak egon, bazeudela. Bien bitartean, GOIDIaren irudi tragikoenek sare sozialak eta komunikabideak bete zituzten.
Zure interesekoa izan daiteke
Beste elur-jausi hilgarri bat izan da Pirinioetan
Cerler estazioan, Huescan, 25 urteko eskiatzaile bat hil da elur-jausi batek harrapatuta, Cebolles mendian, pistatik kanpo. Negu beltza izaten ari da Pirinioetan, eta dagoeneko zortzi pertsona hil dira denboraldi honetan elur-jausiengatik.
Adamuzeko 45 hildakoen aldeko hileta elizkizuna, Huelvan
5.000 lagun inguru elkartu dira ospakizuna egin den kirol-pabilioian. Gotzainen Batzarreko presidenteak eta Huelvako gotzainak gidatu dute elizkizuna.
Aurrekarien ziurtagiria eskatzeko ilara luzeak sortu dira egunotan Estatuko kontsulatuetan
Aste honetan iragarritako migratzaileen erregulazioaren harira, egunotan ilara luzeak sortu dira Estatuko hamaika kontsulaturen aurrean. Kasu deigarriena Bartzelonan izaten ari dira. Pakistango dozenaka pertsona kontsulatuaren aurrean pilatu dira, aurrekarien ziurtagiria eskatzeko.
Eusko Jaurlaritzak iraungitako beste bi txerto atzeman ditu, 78 kalteturekin
Zehazki, tetrabalenteari (49 pazienteri eragin diezaiekeena) eta txerto hirukoitz birikoari (29 kasu potentzialekin) dagozkie intzidentzia berri horiek. Azkenik, 30 pertsona baino gutxiago txertatu beharko dira berriro hexabalentearen harira.
Nafarroako Auzitegi Nagusiak bidezko jo du lanbide-zentro bateko arduraduna kaleratzea sexu-jazarpenagatik
Auzitegiak uste du pertsona hori kaleratzera eraman zuten gertaerek "gaitzespen etiko eta moral handiena" merezi dutela, eta kaleratzea "neurri egokia" izan zela.
Fiskaltzak iraungitako txertoen kasua ikertuko du, osasun publikoaren aurkako deliturik izan den argitzeko
Pazientearen Defendatzailearen Elkarteak eskatu du ikerketa zabaltzea. Erregistratu duen idatzian dio iraungitze data "ez egiaztatzea" nahikoa arrazoi badela lan hori dagokionari "ardurak" eskatzeko.
Bilboko Udalak ez du atxilotuen jatorria argitaratuko "ekarpenik ez duelako egiten" eta "delituzko jarduera ez duelako justifikatzen"
Bilboko Udaleko osoko bilkurak PPren proposamen bat eztabaidatu du ostegun honetan, atxilotuen nazionalitatea publiko egitearen alde egiten zuena, eta Elkarrekin Bilbaoren beste bat, hori saihestea eskatzen zuena. Testu horien ordez, gobernu taldeak (EAJ-PSE) porposatutako aldaketa-zuzenketa bat onartu da -EH Bilduk babestu du, PPk aurka bozkatu du eta Elkarrekin abstenitu egin da-, zeinak gobernu taldeari eskatzen dion segurtasun-politika eta bizikidetza indartzeko, segurtasun itunaren esparruan.
Adingabeen aurkako sexu-indarkeria digitaleko kasuen epaiketak gehiegi luzatzen direla salatu du Save the Childrenek
GKEak salatu duenez, prozesuen % 60 baino gehiago hiru urte edo gehiago luzatzen dira, eta Interneten haurren aurkako sexu-delituengatik jarritako salaketak % 13 hazi dira bi urtean.
Futbol emankizunak pirateaturik ematen dituzten tabernak salatzea 50 eurorekin sarituko du Ligak
Futbol emankizunen legez kanpoko emisioen aurka borrokatzeko estrategian, klub profesionalen patronalak salaketa-kanal "azkarra, intuitiboa eta konfidentziala" eskainiko du, kontsumitzaileek ostalaritza-establezimenduak salatu dezaten, 50 euroren truke.
"Datuetan oinarrituta, kronifikazio patroi bat identifikatzen bada" erabakitzen da ikastetxe bat fusionatzea edo ixtea, Pedrosaren hitzetan
Euskadi Irratiko Faktoria irratsaioan egindako elkarrizketan Begoña Pedrosa Hezkuntza sailburuak azaldu duenez, matrikulazio datuak urtetik urtera murrizten doazen ikastetxeak itxiko dira, besteak beste, eta "aldaketa estruktural hori" ikastetxe horien zuzendaritzarekin adosten dira beti.