Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
Ermuko DHI. Egile-eskubiderik gabeko irudia
Eusko Jaurlaritzako Hezkuntza Sailak eskola jazarpeneko 2.263 kasu aztertu zituen 2024-25 ikasturtean, eta horietatik % 23 (522 kasu) baieztatu ziren.
Eskola indarkeriaren eta jazarpenaren aurkako egunaren harira, eskola jazarpenen inguruko informazioa zabaldu du Begoña Pedrosa buru duen Hezkuntza Sailak.
2024-25 ikasturtean aurreko ikasturtean baino 364 kasu gehiago ikertu dira eta baieztatutako kasuak ere gehiago izan dira.
Pedrosa sailburuaren arabera, datuek agerian uzten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
"Ikastetxeen, irakasleen, Ikuskaritzaren eta Berritzeguneen inplikazioak protokoloekiko konfiantza indartzen du, eta hobetu egiten du kasuak detektatzeko lana eta ikasleei eman beharreko laguntza. Euskadiko ikastetxeek azkar, diskrezioz eta koordinatuta jarduten dute lanean ikasleak entzun, babestu, esku hartu eta laguntzeko, ikasleen ongizatea erdigunean jarriz", nabarmendu du Hezkuntza Sailak.
Zaintzea ere heztea da
Indarkeriaren eta Eskola Jazarpenaren aurkako Nazioarteko Egunaren harira, Hezkuntza Sailak "Zaintzea ere heztea da" bideo sorta zabaldu du.
Haien begiraden bidez, bideoek ikastetxeetan egiten den lan koordinatua eta hezkuntza-komunitate osoak ingurune seguruak eta konfiantzazkoak erantzukidetasunez bermatzeko duen eginkizuna erakusten dute.
Protokoloen dimentsio bikoitza azpimarratzen da bideoetan, —zorrotzak eta giza protokoloak —. Beharezkoa denean osasun arloarekin, gizarte-zerbitzuekin edo Ertzaintzarekin koordinatzea ere aipatu ditu.
Halaber, hezkuntzako profesionalek bideotan nabarmendu dute ikastetxeak gune seguruak eta konfiantzazkoak dira eskola-ingurunetik kanpo gertatzen diren egoerei aurre egiteko ere. Kontzientziazioari eta ikasgeletan eraikitzen den konfiantzazko harremanari esker, haur askok irakaslearengana edo ikastetxean duten erreferentziazko pertsonarengana jotzen dute laguntza eske.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Zure interesekoa izan daiteke
Gabonetako Loteriak 2.772 milioi euro banatuko ditu aurten saritan
Behin-behineko datuen arabera, EAEn 87,43 eurokoa da biztanleko batez besteko gastua; Nafarroan, aldiz, 58,62 eurokoa. Ikusteke dago Hego Euskal Herriak zortea alde duen, duela bi urte bezala. 2025eko zozketa 09:00etan hasiko da eta ORAIN albiste zerbitzu digitalak zuzenean jarraituko du.
Bi pertsona zauritu eta ilarak sortu dira A-1 autobian, Agurainen, istripu bat tarteko
Kamioi batek eta auto batek talka egin dute, Irungo noranzkoan. Zaurituetako bat Txagorritxu Ospitalera eraman dute.
Emakume baten gorpua agertu da Barakaldoko etxebizitza batean
Emakumearen senideek Ertzaintzari jakinarazi diotenez, konorterik gabe aurkitu dute bere etxean goizean. Bertaratu ostean, heriotza baieztatu eta ikerketa abiatu du Ertzaintzak gertatua argitzeko.
Euria gorabehera, giro ederrarekin ari dira ospatzen San Tomas Bilbon eta Donostian
Negu giroa nagusitu da, baina horrek ez ditu bisitariak kikildu, eta milaka pertsona dabiltza hara eta hona Bizkaiko eta Gipuzkoako hiriburuetan barrena.
Jaurlaritzak Neguko Bidezaintza Plana aktibatu du, mendateen egoera bertatik behera jarraitzeko
Jarraipen eta informazio fasea martxan jarrita, elurra kentzeko 215 makina, ibilgailu astunak erretiratzeko 7 garabi eta 130 laguntza-ibilgailu izango dira behar denerako prest.
Milaka lagun Bilboko San Tomas azokan
Euriak eta neguko giroak ez ditu herritarrak kikildu eta milaka lagun gerturatu da Areatzara azoka bereziaz gozatzera.
Gaur goizaldean Bilbon izan den tiroketa bat ikertzen ari da Ertzaintza
Gaueko aisialdirako lokal baten inguruan izan da, eta tiroen egilea bilatzen ari dira.
Jende asko Donostian San Tomas eguneko ferian, goizeko aterrunea aprobetxatuz
Talogileak etengabe ari dira lanean goizean goizetik, eta bertako produktuen saltokiek ere aukera paregabea eskaintzen dute gabonen atariko jai honetan sabelak gozatzeko.
A-1 errepidea itxita egongo da hainbat egunez Iruraiz-Gaunan, Irungo noranzkoan, kamioi batek su hartu ondoren
Suteak kalteak eragin zituen asfaltoan, eta konpondu egin behar dute. Trafikoa A-3100 errepidetik bideratzen ari dira, Agurainera iritsi baino lehentxeago atzera autobian sartzeko.
Harrera jendetsua egin diete Baionan Olentzerori eta Mari Domingiri
Ohiturari jarraikiz, Errobi ibaian barrena traineruz heldu dira Lapurdiko hiriburura. Opariak ez ezik, euskara eta itxaropena ere ekarriko dituztela azpimarratu dute biek ala biek.