Giroa lehortuko du igandean iritsiko den hego-haizeak
Tenperatura minimoek behera egingo dute, baina maximoek, gora. Kostan, abisu horiak egongo dira, olatuen indarragatik.
Azken egunetako giro bustiak amaiera izango du igandean, hego-haizea iristearekin batera.
Gaur, giro bustia izango da, batez ere goizean. Zerua hodeitsu egongo da eta euria egingo du tarteka, bereziki isurialde atlantikoan. Hegoaldean, ez du ia euririk egingo, eta hodeitza zulatuago egongo da. Arratsaldeak aurrera egin ahala, mendebaldean atertu egingo du, eta kostaldean eta batez ere Gipuzkoa ipar-ekialdean eta Lapurdin bakarrik egingo du euria. Haizea mendebaldetik ibiliko da, ipar-mendebaldeko ukituarekin arratsaldean, eta enbarazu egingo du haizeguneetan. Tenperatura maximoak 12 eta 16 ºC artekoak izango dira.
Eguraldi egonkorra eta atsegina izango da igandean. Atertu egingo du, haizea baretu egingo da eta hegoaldetik joko du, ahul. Goizaldean, euri zarrastadaren bat egin dezake ipar-ekialdean, baina gutxi. Egunsentiko lainoa desegin ostean, urdingune zabalak nagusituko dira goizean, eta erdi-mailako hodeiak eta goi-hodeiak ugarituko dira arratsaldean. Goizean goiz, giroa hotza izango da, eta Araba eta Nafarroako zenbait lekutan izotza egin dezake. Tenperatura maximoak, berriz, igo egingo dira.
Astelehenean, hodei gehiago izango dira. Erdi-mailako hodeiak eta goi-hodeiak nagusituko dira zeruan, baina ez du ia euririk egingo; egitekotan, euri zarrastada txikiren bat. Haizea ahul ibiliko da, hego ukituarekin, eta kostaldean ekialdetik ibil liteke arratsaldean. Tenperatura bezperako maila berdintsuan geldituko da.
Asteartean, are gehiago igoko da tenperatura, eta egun eguzkitsua espero da, baita asteazkenean ere.
Zure interesekoa izan daiteke
Mugimendu sismikoak izan dira Andaluzian, denboralearen ondoren
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.