Albiste izango dira: Euskal Selekzioaren eta Palestinaren arteko partidaren atarikoa, abisu horia haizeagatik eta Herri Urratsen aurkezpena

Honako gai hauek hartuko dituzte gaur, 2025eko azaroaren 14an, hedabideetako lerroburu nagusiak:

- Euskal Selekzioaren eta Palestinaren arteko partidaren atarikoa: Larunbat honetan San Mamesen jokatuko den Euskal Selekzioa - Palestina partidaren aurreko prentsaurrekoa. Honako hauek hartuko dute parte bertan: Iker Goñi, Euskadiko Futbol Federazioko presidentea; Ibone Bengoetxea, Eusko Jaurlaritzako lehendakariordea; Jagoba Arrasate, Euskal Selekzioko hautatzailea; Ehab Abu Jazar, Palestinako hautatzailea; Nagore Eskisabel, Mugarik Gabeko Medikuen ordezkaria, eta Euskal Selekzioko eta Palestinako bi jokalari.

- Abisu horia haizeagatik: Haize eta sute arriskua dela medio, abisu horia ezarri du Euskalmetek ostiral honetarako, 00:00etatik 24:00 arte. Orduko 100 kilometrotik gorako ufadak neurtu dituzte gauerdian hainbat tokitan, eta suteak piztu dira Hondarribian eta Karrantzan. Oizen, 150 km/h-ko haize-boladak izan dira goizeko lehen orduan; Zarautzen, 136,5 km/h-ra iritsi dira haizeteak, eta orduko 132 kilometroko haize-boladak izan dira Untzuetan.

.- Herri Urratsen aurkezpena: Seaska Iparraldeko Ikastolen Federazioak 2026ko Herri Urrats Iparraldeko ikastolen aldeko festaren leloa eta logoa aurkeztuko dituzte. Urtero bezala, maiatzaren bigarren igandean ospatuko da, Senpereko lakuaren inguruan.