Baretu da azken orduetan gorabehera ugari eragin dituen haize zakarra
Oizen, 150 km/h-ko haize-boladak izan dira goizeko lehen orduan; Zarautzen, 136,5 km/h-koak neurtu dituzte, eta Untzuetan, berriz, 132 km/h-koak. Haizeak, gainera, gorabeherak sortu ditu errepideetan.
Mañaria. Argazkia: Maribel Gonzalez Audicana
Haize eta sute arriskua dela medio, abisu horia ezarri du Euskalmetek ostiral honetarako. Orduko 100 kilometrotik gorako ufadak neurtu dituzte gauerdian hainbat tokitan, eta sute bat piztu da Hondarribian, Higerreko itsasargirako bidean.
Oizen, 150 km/h-ko haize-boladak izan dira goizeko lehen orduan; Zarautzen, 136,5 km/h-koak neurtu dituzte, eta Untzuetan, berriz, 132 km/h-koak.
Haizeak, gainera, gorabeherak sortu ditu errepideetan, zuhaitzak eta adarrak erori baitira, eta, hori dela eta, bigarren mailako zenbait errepide itxi behar izan dituzte.
Eguraldiaren iragarpena
Gaurko, hodeiak eta ostarteak espero dira, tenperatura suabeekin jarraituko dugu, baina aurreko egunetan baino apur bat freskoagoak izango dira. Hegoaldeko haizeak aginduko du berriro ere, orduak igaro ahala indarra galduko du, eta arratsaldean ez da hain ezatsegina izango. Une batzuetan, hodeitza trinkoagoa izango da, eta ez da baztertzen tanta batzuk edo zaparrada txiki batzuk egitea, bereziki barnealdean eta lehen orduetan. Tenperatura maximoak pare bat gradu jaitsiko dira iparraldean, baina hegoaldeko leku batzuetan apur bat igo daitezke.
Larunbatean, hego-haizea ibiliko da, eta hodeiak ugaritu egingo dira. Goizean, ostarte batzuk agertuko dira, baina arratsaldean zerua estaliko da eta euria egin dezake, bereziki barnealdean eta egunaren bigarren partean. Edozein kasutan, goizean ere zaparradaren bat edo beste egin dezake. Hegoaldeko haizea ibiliko da, goizean bizi samar. Arratsaldean, indarra galduko du, eta tenperatura koska bat jaitsiko da.
Igandean, tenperatura are baxuagoa izango da, oraindik giro atsegina izango badugu ere. Euria egin dezake, eta haizeak hegotik joko du.
Zure interesekoa izan daiteke
Abisu horia ezarri dute ostegunerako Bizkaian, 100 km/h-tik gorako haize boladengatik
Hori dela eta, Eusko Jaurlaritzako Segurtasun Sailak abisu horia aktibatuko du 06:00etatik 15:00ak arte. Araban eta Gipuzkoan, berriz, 80-100 km/h arteko haize-ufadak egingo ditu.
Hego-haizea eta giro argia, astea abiatzeko
Hego-haizea izango da protagonista asteartera arte, eta horrek atzean utziko du azken egunetako giro hotza eta bustia.
Euskal Herria 'Goretti' depresioaren azken astinduak jasotzen ari da
Bizkaiko eta Gipuzkoako kostaldea abisupean egongo dira 18:00ak arte, itsasaldeko arriskuagatik. Nafarroako Pirinioetan abisu horia egongo da egun osoan elur-jausiak gerta daitezkeelako. Dena dela, iragarpenaren arabera, aroak hobera egingo du.
Itsaso zakarra, haize bortitza eta elur gehiago dakartza gainean dugun ‘Goretti’ borraskak
Ostiral eta larunbat honetan neguko giro zakarra izango dugu Euskal Herrian, denboralearen ondorioz. Meteorologia agentziek abisu eta alertak ezarri dituzte olatu handiak, haizea, euria eta elurra direla eta.
Donostiako itsasaldeko pasealekuak itxi dituzte, olatuengatik ezarritako alerta laranja dela eta
Larunbateko 09:00ak arte itxi dituzte, eta Santa Klara uharterako garraio zerbitzua ere bertan behera geratu da.
Zer da ziklogenesi leherkorra?
Goretti depresioa etorri da, eta berriro ere dugu fenomeno meteorologikoa mintzagai. Jarraian azalduko dugu zertan datzan.
Elurpean esnatu da Euskal Herriko barnealdea
Elurra egin du gauean Euskal Herri osoan, kostaldetik gertu ere malutak botatzeraino. Hori dela eta, errepideren bat itxita dago Nafarroan, kateak behar dira hainbat mendatetan eta arratsaldera arte abisu horia indarrean dago elurragatik eta izotzagatik.
Fronte hotz batek elurte handiak utzi ditu Europa erdialdean
Artikotik iritsi den fronte hotz batek alerta egoeran jarri du Europako zati handi bat. Arazoak izan dira Eskoziako, Herbehereetako, Frantziako eta Italiako aireportu eta garraio publikoan. Ikastetxeak ere itxi behar izan dituzte hainbat eskudaldetan eta uholdeak ere izan dira.
Hotza eta 200–400 metrotik gorako elurra espero dira Errege Egunerako Hego Euskal Herrian
EAE eta Nafarroa abisu horipean egongo dira hurrengo orduetan izozteengatik eta elurragatik. Iragarpenaren arabera elurra 200 eta 400 metro artean egingo du. Eusko Jaurlaritzak eta Nafarroako Gobernuak neguko bidezaintza planak aktibatu dituzte.
Abisu horia izotzagatik Hego Euskal Herrian
Tenperatura maximoak ez dira 5 ºC-tik gorakoak izango, eta Nafarroako Pirinioetan termometroak -6 ºC-ra jaitsiko dira.