Familia bakarreko etxebizitzetan lapurretak egiten zituen talde ibiltari bateko kideak espetxeratu dituzte Bizkaian
Ikerketari esker, urrian eta azaroan Busturialdean eta Mungialdean egindako hamabost lapurreta argitu ahal izan dituzte.
28, 27 eta 25 urteko hiru gizon atxilotu ditu Bakion Ertzaintzak, Bizkaiko hainbat etxebizitzatan egindako lapurretetangatik. Hain zuzen ere, ikerkari horri esker, urrian eta azaroan Busturialdean eta Mungialdean familia bakarreko etxeetan egindako hamabost lapurreta argitu ahal izan dituzte.
Atxilotuak epailearen esku utzi dituzte gaur, eta espetxeratzeko agindua eman du honek.
Ikertzaile taldeak egindako ikerketen arabera, taldea batez ere auzo-errepideetatik mugitzen zen, eta auzoak eta bideak kontrolatzen zituen, familia bakarreko etxebizitzak zelatatzeko. Bitxiak, erlojuak, dirua edo baliotsutzat jotzen zituzten tresnak zituzten helburu.
Lapur talde horrek Gamiz-Fikako etxe batean egin zuen azken lapurreta, joan zen ostegunean. Ertzainek bi gizon atzeman zituzten etxebizitza horretako balkoian, eta hirugarren bat auto batean. Bakio zen haien helmuga. Zenbait patruilek, baina, itxi egin zieten udalerriko sarrerarako bidea. Ibilgailuan zihoazenak identifikatu ondoren, ertzainek atxilotu egin zituzten, talde kriminal bateko ustezko kide izateagatik eta etxeetan lapurtzeagatik.
Lapurretak beste herri batzuetan
Beste udalerri batzuetan ere izan dira lapurretak azkenaldian, Amurrion kasu. Bertako Udaleko ordezkariak eta Udaltzaingoa Ertzaintzarekin bildu berri dira badaezpadako zaintza eta ikerketa neurriak ezartzeko, zenbait etxebizitzatan azken egunetan jazo diren lapurretak medio.
Gainera, udaltzainek hainbat aholku eman dizkiete Amurrioko herritarrei, lapurreten aurrean babestuta egon daitezen.
Zure interesekoa izan daiteke
Dena prest Bilbon, Marijaia noiz iritsiko zain
Onintza Enbeita bertsolariak eta Kaixo konpartsako Ainhoa Urrejolak botako dute txupina. Orain.eus webguneak zuzenean eskainiko du Aste Nagusiaren hasiera 19:00etatik aurrera.
Mafiek Ceutako migratzaileekin trafikatzen dutela ohartarazi du Polizia Nazionalak
Angel Victor Torres Lurralde Politikako eta Memoria Demokratikoko ministroak koordinatuko du Espainiako Gobernuaren barruan Ceutako krisiak eragindako egoera.
Palestinarekin Elkartasuna elkarteak gogorarazi du Palestinako erasoek "ez dutela etenik" eta beste mobilizazio bat deitu du urrirako
Palestinarekin Elkartasuna plataformak deituta, manifestazioa egin dute ostiral honetan Bilbon, Palestinari elkartasuna adierazteko. Manifestariek salatu dutenez, su-etena hasi zenetik palestinarren aurkako sarraskia ez eteteaz gain, Israelgo Gobernuak Libanora eta Iranera zabaldu ditu erasoak. Urriaren 3an beste manifestazio bat egingo dute, Bilbon.
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak eguneroko kontua direla salatzen dute eta elkarretaratzea egin dute udaletxe aurrean. Portuan lan egiten duten enpresek euren osasunaren kontura ateratzen dituztela etekinak diote eta agintariei neurriak hartzeko eskatu diete.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.