Diagnostikatu berri diren GIB kasu gehienak gizonezkoak dira Hego Euskal Herrian, eta batez besteko adina 37 urtekoa da
Urtean, 125 kasu detektatzen dituzte Euskadin. Nafarroan, 2025eko urtarril eta irail bitartean 18 GIB kasu antzeman dituzte.
Gaur egun, 6.200 bat pertsonak jasotzen dute GIBaren aurkako tratamenduren bat Euskal Autonomia Erkidegoan, HIESaren mundu egunaren harira (abenduak 1) Osasun Sailak zabaldutako informazioaren arabera. Tratamenduak birusa erabat ezabatzen ez badu ere, zabaltzea galarazten du eta birusak organismoan aurrera egitea eragozten du.
Oskar Ayerdi Hiesaren Osakidetzako Planaren koordinatzaileak azpimarratu duenez, "tratamendu antirretrobirala jasotzen duten eta GIBaren birus-karga detektaezina duten pertsonek ez dute birusa transmititzen; aurrerapen zientifiko handia da, eta eragin prebentibo eta sozial handia dakar ere". "Mezuak argia izan behar du: detektaezina bada, transmitiezina da", gehitu du.
Urtero 125 GIB kasu inguru detektatzen dira EAEn. Diagnostiko berri gehienak gizonak dira, eta diagnostikatutako pertsona guztien batez besteko adina 37 urtekoa da. 2024an, kasuen % 63,2 Bizkaian detektatu ziren; % 21,6, Gipuzkoan, eta % 15,2, Araban.
Kasuen ia erdiak berandu diagnostikatzen dira, eta, ildo horretan, Osakidetzak azpimarratu du goiz diagnostikatzea eta artatzea funtsezkoak direla bizi-kalitate ona lortzeko.
GIBa hautemateko probak
Osakidetzak GIBa hautemateko probak doan egiten ditu osasun zentroetan, erreferentziazko familiako medikuarekin zita eskatuta, eta sexu-transmisiozko infekzioen (STI) kontsultetan.
Gainera, EAEko 60 farmaziatan GIBaren proba azkarra egitea dago, modu anonimoan, eta bost euro ordainduta. Era berean, erakunde komunitarioetan ere egin daiteke GIBaren proba azkarra.
Osasun Saila eta Osakidetza lankidetzan ari dira beste talde batzuekin, hala nola hezkuntza eragileekin eta gaixoen elkarteekin, prebentzioaren garrantzia azpimarratzeko, bereziki gazte eta nerabeei begira.
Nafarroan, kasu kopuruak ez du gora egin
Nafarroan, GIB kasu berrien kopuruak ez du ez gora ez behera egin.
Hala ere, birus hori duten pertsonen kopurua igo da. Nolanahi dela, birusa dutenen artean hazi egin da biziraupen-tasa, erretrobirusen aurkako tratamenduei esker.
Hiesaren Egunaren kariaz, Osasun Departamentuak adierazi du garrantzitsua dela herritarrak sexu transmisioko gaixotasunen eraginaz jabetzea, bai eta GIBaren diagnostiko goiztiarra egitea ere.
Izan ere, diagnostiko berrien heren bat 35 urtez azpikoak dira.
Guztira, 18 infekzio antzeman dituzte 2025eko urtarriletik irailera (iaz 20 izan ziren tarte horretan). 2024an, bestalde, 33 kasu detektatu zituzten.
Gizonezkoen arteko sexu harremanen bidez % 56 kutsatu zirenen, eta praktika heterosexualetan, % 40.
Batez besteko adinari dagokionez, 37,4 urtekoa da, 4 eta 64 urte bitarteko pertsonak dira.
Bestalde, gizonezkoak dira kasu berri gehienak; % 85, hain zuzen ere.
Lore eskaintza Donostian
Donostiako Udalak eta Acasgi, Gehitu eta Harribeltza elkarteek lore eskaintza egingo dute Donostian astelehen honetan, HIESA duten pertsonen alde.
12:00etan izango da ekitaldia Teresa de Calcuta plazan.
Zure interesekoa izan daiteke
Zer gertatu da Getxoko Irurak Bat jauregi txikiarekin?
Eraikinaren orubean 12 etxebizitza eraikitzeaz arduratzen zen enpresak hura zaharberritzeko lizentzia zuen, jatorrizko fatxadak mantenduz, tokiko babes maila berezia zutenak. Hala ere, eraitsi egin zituen Getxoko Udalaren baimenik gabe.
Xabier Anduaga, 2026ko Urrezko Danborra, festarako prest
Xabier Anduaga tenore donostiarrak aurtengo Urrezko Danborra jasoko du eta San Sebastian Martxa abestuko du Donostiako Orfeoiarekin batera, Konstituzio Plazan. Momentuaz familiarekin eta lagunekin gozatuko du.
Burgoseko bi paziente onkologikoren heriotzari buruzko ikerketa abiatu du Fiskaltzak
Asteazken honetan, prozesatu aurreko ikerketa-eginbideak abiarazi dituzte, ospitaleak onartu ostean giza akats baten ondorioz bi paziente hil eta zaintzapean dauden hiruri kalteak eragin zitzaizkiela.
Hasi da txotx denboraldia Gipuzkoan!
Petritegi sagardotegian, euskal pilota selekzioa lagun, ireki dute aurtengo sagardoaren lehenengo upela. 3,1 milioi tona dira guztira, eta ezaugarriei dagokienez, arinxeagoa. 46 sagardotegi prest dira gaurtik aurrera bisitariak jasotzeko.
Auzitegi Gorenak espetxealdi iraunkor berrikusgarria ezarri dio Aizarnazabalgo krimenaren akusatuari
Auzitegi Gorenak atzera bota du kondenatuaren defentsak jarritako kasazio-errekurtsoa, eta hilketa hiperastunduaren delitu baten errudun jo du.
Hamaika urteko espetxe-zigorra ezarri diote gizon bati, Zizur Nagusian hilketa saiakera batean biktima paraplegiko uzteagatik
Auzipetuak, Iruñekoa eta nahasmendu psikiko bat diagnostikatuta duenak, 3 milioi euroko kalte-ordaina eman beharko dio biktimari. Gertakarien egunetik behin-behineko espetxealdian egon da, eta, aurrerantzean, ezingo du kaltetuarekin komunikatu ez eta harengana 200 metro baino gutxiagora hurbildu ere, 20 urtez. Gainera, espetxetik atera ostean, zaintzapean egongo da, aske, 10 urte gehiago.
Martxan da Hernanin txotx denboraldian autobusentzako aparkalekua erreserbatzeko sistema
Txotx denboraldiaren kudeaketa hobetzea du helburu erreserba sistema berriak. Autobus pribatuek 60 euroko tasa ordaindu beharko dute (9 eta 34 plaza artean) eta 100 eurokoa, 35 plaza baino gehiagokoek. Dena dela, lehen hiru larunbatetan (urtarrilaren 24an eta 31n eta otsailaren 7an) doan izango da, baina derrigorrez erreserba eginda.
Artxibatu egin dute Iruñeko unibertsitateko karparen inguruan egindako sexu-erasoagatiko salaketa
Erasoa urriaren 23ko gauean gertatu zen, Iruñeko unibertsitate-karpatik gertu. Emakume gazte bat bortxatu zuten, eta Nafarroako Unibertsitate Ospitalera eraman zuten. Ustez inplikatuta zeuden lau gizon atxilotu eta espetxeratu zituzten, baina, DNA probak haien profil genetikoarekin bat ez zetozela egiaztatu ondoren, epaileak aske utzi zituen lau espetxeratuak.
2025. urtea beroenetan hirugarrena izan zen, eta 2023tik izandako batezbestekoak 1,5 °C-ko muga gainditu du
2025ean, munduko batez besteko tenperatura 14,97 °C-koa izan zen, 1991-2020 erreferentziako aldiko batezbestekoa baino 0,59 °C beroagoa. Europan ere 2025a beroenetan hirugarrena izan zen, batez besteko tenperatura 10,41 °C-koa izan baitzen, 2024ko errekorra baino 0,30 °C baxuagoa baina batezbestekoa baino 1,17 °C altuagoa.
Urtebete igaro da Iruñeko Planetarioan sutea gertatu zenetik
Nafarroako Gobernuak eta Planetarioaren kudeatzen duen NICDO enpresa publikoak azaldu dutenez, azpiegitura eraberritu eta zientzia eta astronomiako dibulgaziorako gune bilakatu nahi dute.