Gripe kasuek behera egin dute bigarren astez jarraian EAEn
Gripearen eraginak behera egin duen arren, Gabonetan jarduera sozialak gora egingo duela-eta kontuz ibiltzeko deia egin dute Osasun Sailak eta Osakidetzak.
Gripearen eraginak behera egiten jarraitzen du Euskal Autonomia Erkidegoan, bigarren astez jarraian. Hala ere, Eusko Jaurlaritzako Osasun Sailak eta Osakidetzak arretaz ibiltzeko deia egin dute, Gabonetan jarduera soziala areagotzen delako. Azken datuen arabera, abenduaren 15etik 21era bitarteko asteari dagozkionak (51. astea), intzidentzia-tasa 617,18 kasukoa da 100.000 biztanleko.
Azken aste honetan 1.876 gripe-kasu diagnostikatu dira, hau da, aurreko astean baino % 10,5 gutxiago. Ospitaleratzeak ere jaitsi egin dira, 252 pertsona ospitaleratu baitira, % 12,7 gutxiago. Osakidetzak uste du izurritearen gailurra 49. eta 50. asteen artean iritsi zela, baina zaintza aktiboa mantentzen du, datozen egunetan gora egin dezakeelakoan, Gabonetako ospakizunek hauspotuta.
Lurraldez lurralde, Arabak du intzidentziarik handiena uneotan, 100.000 biztanleko 704 kasurekin; ondoren Bizkaia, 642,86rekin, eta Gipuzkoa, 541,03rekin. Kanpaina hasi zenetik, guztira 13.914 gripe-kasu zenbatu dira hiru lurraldeetan, eta 1.656 ospitaleratze eragin dituzte, horietatik 51 zainketa intentsiboetako unitateetan. Osasun Sailaren arabera, Osakidetzaren sareko ospitale-oheen batez besteko okupazioa % 83,6koa da, asistentzia-presio handiko testuinguru batean, "ohikoa egun hauetan".
Kasuen kopurua murriztu diren arren, Eusko Jaurlaritzak gogorarazi du txertaketa dela gripea prebenitzeko eta konplikazio larriak murrizteko neurririk "eraginkorrena". Txertaketa kanpaina lau aste aurreratu zen aurten, eta dagoeneko gripearen aurkako txertoaren 585.774 dosi eta covid-19aren aurkako 300.000 dosi inguru eman dira, hau da, % 11,3ko igoera iazko kanpainako aldi berarekin alderatuta.
Zure interesekoa izan daiteke
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.