Baiona erdigunean bizikiletan joateko debekuak ekologisten eta mugikortasun jasangarriaren aldekoen haserrea piztu du
Abendu hasieratik Baionako Herriko Etxeak debekatu egin du Baiona Ttipi eta Handiko 50 kaletan bizikletan joatea; herritarrek txirringatik jaitsi eta oinez joan behar dute horietan eguneko ordu gehienetan.
Bizi! elkarteko kideak, Herriko Etxearen seinaleak ordezkatzen.
Eztabaida bizia da azken asteotan Baionan, hilaren hasieran Herriko Etxeak Baiona Ttipi eta Handiko 50 kaletan bizikletaz joatea debekatu zuenetik.
Herriko Etxeak seinaleak jarri zituen hiriko zenbait puntutan neurria iragartzeko, zeinaren arabera, 10:30etik 19:15era eta 22:00etatik 06:00etara, hiriko 50 bat kaletan txirrindulariek jaitsi egin behar dute hartatik eta oinez joan. Agintarien esanetan, jende asko ibiltzen da kaleotan ordu horietan eta bizikletak oso azkar joaten dira.
Neurriak haserrea piztu du Baionan mugikortasun jasangarriaren aldeko Txirrindola elkartean, bai eta Bizi! mugimendu ekologistan ere. Txirrindola elkartearen iritziz, "arazoari irtenbidea eman aurretik debekua ezarri da", bazter utziz beste aukera batzuk, esaterako, erdiguneko bizikleta-erreien sarea indartzea.
Gabon garaiko muntaiak direla-eta, azken asteotan, gainera, mugikortasuna zaildu egin dela azpimarratu du elkarteak, eta txirrindulariak espaloietara igotzera behartuta daudela adierazi dute.
Bizi! elkarte ekologistak desobedientziara deitu du zuzenean eta, are gehiago, duela egun batzuk desobedientzia ekintza bat egin ere egin zuten. Bizikletan joatea debekatu eta oinez joatera derrigortzen zuten seinaleak estali eta 'Oinezko eremua. Txirrindulari, joan emeki' zioten afixak jarri zituzten haien ordez.
Bizi! elkarteak azaldu duenez, "oinezko eremua oinezkoek lehentasuna duten gunea bada ere, txirrindulariak, oro har, onartuak izaten dira bertan, betiere oinezkoen erritmoan eta haiek oztopatu gabe ibiltzeko baldintzapean. Herriko Etxeak ezarri seinale berriek aukera hori kentzen dute". Bizikletentzako azpiegitura nahiko ez dagoela salatu du, halaber, elkarte elkologistak.
Zure interesekoa izan daiteke
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Laia eta Oihan, jaioberrien izen ohikoenak Euskadin
2025ean jaiotakoen artean izen arruntenak Laia, Ane eta June, eta Oihan, Markel eta Martin izan dira.
Basurtuko Ospitaleko Psikiatria pabiloian 31,9 gradu arteko tenperaturak daudela salatu dute
Basurtuko Ospitaleko Escuza pabilioiak (psikiatria-eremua hartzen duena) ez du klimatizaziorik hotzean, eta 31,9 gradura arteko tenperaturak izan ditu eraikin barruan. Lan Ikuskaritzaren ustez, eraikinaren egituran arazoak daude, eta baldintza termiko egokiak bermatzeko neurriak eskatu dizkio Osakidetzari.
Arabatik Urbasara lekualdatu dute Rapunzel filmaren filmaketa
Disneyren Enredados filmaren zuzeneko bertsioaren filmaketa Gaubean amaitu dute, eta orain Nafarroako mendilerroan ari dira lanean; hainbat bidezidor eta aparkaleku itxita egongo dira abuztuaren amaierara arte.
"Lan emankorra" egin ahal izan dute gauean Rigloseko sutean, Huescan, euriari esker
Ahalegin gehienak Jacatik gertu dagoen Oroel mendian zentratuko dira berriro ere ondorengo orduetan. Tenperaturak igo egingo dira eta haizeak egoera zaildu dezakeela uste da.
Irrikitaldia kalejira antzeztuak amaiera bikaina eman dio Donostiako Aste Nagusiari
Donostiako alkate aldaketa edo La Oreja de Van Goghen itzulera. Horiexek, besteak beste, Irrikitaldiak utzi dizkigun irudiak. Parodiaz jositako desfilearekin amaiera eman diete Piratek Aste Nagusiari. Urtean zehar hirian gertatu diren kontuak antzezten dituzte kritikaz eta umorez.
Renfek autobus bidez eskainiko du Beasain eta Tolosa arteko zerbitzua gaurtik aurrera, lanak direla eta
Beasain eta Tolosa arteko tren zerbitzua sei egunez etengo dute, abuztuaren 17tik 19ra eta 29tik 31ra.
Iruñeko Iturrama auzoko obra batzuen bilakaera jarraitzeko behatoki bereziak jarri dituzte
Misericordia egoitzan bizi diren herritarren artean obrek piztu duten interesaren ondorioz, eraikuntza-enpresak sei leiho ireki ditu lanak estaltzen dituen oihalean. Batek baino gehiagok irmo kritikatu ditu leihoen ondoan idatzitako esloganak.
Llantenoko sutea kontrolpean dute, 100 hektarea inguru kiskali ondoren
Suteak itzaltzeko zerbitzuek lanean jarraitzen dute erabat itzali arte, haizeak eta tenperatura altuek ez baitute laguntzen. Familia batek etxera itzuli ahal izan du igande honetan.