Auzitegi Nazionalak itzalaldiaren auzia artxibatu du, sabotaje terroristaren "gutxieneko zantzurik" ez dagoelako
Epaileak baztertu egin du "ikertutako gertakarien jatorria terrorismo informatikoko ekintza batean" egotea.
Itzalaldia, Donostian. Argazkia: EFE
Jose Luis Calama Auzitegi Nazionaleko epaileak artxibatu egin du 2025eko apirilaren 28an Iberiar penintsulan izandako itzalaldi elektrikoa aztertzeko irekitako ikerketa, "sabotaje terrorista" izan zela esateko "gutxieneko zantzurik" ez dagoela ebatzita.
Iberiar penintsula ezustean harrapatu eta milioika herritar ordu luzez argindarrik gabe utzi zituen itzalaldiaren biharamunean, Calama epaileak, aste horretan guardian zegoenak, ikerketa abiatzea erabaki zuen, ziberterrorismoa izan zitekeelakoan.
Baina hainbat hilabetetako ikerketaren ondoren eta hainbat erakunderi eskatutako txosten tekniko guztiak bildu ondoren, epaileak baztertu egin du "ikertutako gertakarien jatorria terrorismo informatikoko ekintza batean dagoela ondorioztatzeko zantzurik egotea".
Astelehen honetan emandako autoan jasotakoaren arabera, energia elektrikoaren sorreran esku hartzen duten operadoreekin lotutako gatazka administratibo edo zibil bat gerta daiteke, baina gertakari horiek, delituzko zantzurik ez dagoenez, bide penaletik kanpo geratu behar dira, "konponbiderako beste mekanismo batzuk daudelako".
Espainiako Gobernuak itzalaldiaren nondik norakoak aztertzeko sortutako Batzordearen txostena jaso du autoan. Txosten horrek ondorioztatu zuen itzalaldia faktore anitzek eragin zutela.
Hala, epaileak gogorarazi duenez, txostenak ondorioztatu zuen "tentsioa kontrolatzeko baliabideak falta izan zirela, dela programatuta zeudenek behar bezala lan egin ez zutelako, dela programatuta zeudenek behar bezalako baliabiderik ematen ez zutelako, dela bien konbinazio batengatik, baina ez baliabideak falta zirelako, eusteko nahikoa energia-sorgailu zeudelako".
Zure interesekoa izan daiteke
Haurdunaldian ematen den genero indarkeria kasuak osasun-kontsultei esker identifikatu daitezke
Haurdunaldian emakumeek harreman estua izaten dute osasun-sistemarekin: emaginarekin, ginekologoarekin eta erizainarekin dituzte kontsultak. Hilabete horiek giltza izan litezke genero-indarkeria egoerak identifikatzeko. Osasun eta gizarte-arloen aldetik erantzun koordinatua emateko beharra aldarrikatu dute adituek Donostian, “Indarkeria eta amatasuna” izeneko udako ikastaroan.
Einar Galilea euskal futbolariaren aurkako pintadak agertu dira Malagan, Argentinako kamisetarekin bere irudia zabaldu ostean
Irainez betetako pintadak Rosaledatik gertu agertu dira, Espainia eta Argentinaren arteko Munduko Txapelketako finalaren ostean. Malagako jokalariaren argazkia sare sozialetan zabaldu da, baina ez dago argi noiz ateratakoa den.
Agur terrazetan eta hondartzetan erretzeari: honelakoa da tabakoaren aurkako lege berria, bapeagailua eta zigarroa parekatzen dituena
Espainiako Gobernuak onartutako lege berriak debekatu egingo du terrazetan eta hondartzetan erretzea eta bapeatzea. Izan ere, zigarreta elektronikoa eta tabako tradizionala parekatu eta 600 eurorainoko isunak aurreikusten ditu.
Bi begirale atxilotu dituzte Biarritzen, hiru eta lau urteko haurrak bortxatzea eta sexu-erasoak egitea leporatuta
Baionako Fiskaltzak jakinarazi duenez, orain arte jasotako testigantzen arabera, 12 sexu-eraso kasuren eta bortxaketa baten zantzuak aurkitu dituzte, eta ez dute baztertzen gehiago izatea.
Alga asiarra: gure kostaldeko itsas hondoa hartzen ari den alfonbra berdea
Alga hori gure hondartzetan zabaltzea ageriko zatia baino ez da. Izan ere, alga asiarra gure itsas hondoan alfonbra berdeak osatzen ari da. Haren hedapenak biodibertsitatea mehatxatzen du, eta hura kontrolatzeko erronka berriak sortu ditu.
Espainiako Gobernuak behin betiko onartu du terrazetan eta hondartzetan erretzea debekatzen duen tabakoaren aurkako legea
Araudi berriak zigarro elektronikoak eta bapeagailuak ohiko tabakoarekin parekatu ditu, kerik gabeko guneak zabalduko ditu eta produktu berrien salmenta establezimendu espezializatuetara mugatuko du.
Euskal Encounterrek 5.000 parte-hartzaile inguru eta 4.000 ordenagailutik gora bilduko ditu BECen
Makrohitzordu teknologikoa uztailaren 23tik 26ra egingo da eta arreta berezia eskainiko zaio adimen artifizialari eta ordenagailu kuantikoari.
Bi emakume hil dituzte azken 24 orduetan beren bikotekide edo bikotekide ohi gizonezkoek Malagan eta Toledon
Emakumezkoek 30 eta 45 urte bitartean zituzten, eta euren bikotekideek eraso eginda hil dira. Gizon bat atxilotu dute, eta besteak bere buruaz beste egin omen du. Guardia Zibila beste kasu bat ikertzen ari da Malagan. Beste emakume bat hilik aurkitu zuten astelehen gauean Almoradin (Alacant), baina autopsiaren arabera, arrazoi naturalengatik hil zen.
Lekeitioko uharteko moilan erreskatatua izateak 1.500 eurorainoko faktura ekar dezake
2025eko lege-dekretu batek jasotzen duenez, erreskate-operatiboaren kostua erreskatatutakoaren gain utzi ahal izango da, baldin eta erreskatea arriskutsutzat seinaleztatutako gune batean egiten bada; duela aste batzuetatik, Lekeitioko uharterako moilak baldintza hori betetzen du.
Amaitu dira goizeko ilarak A-8an, Muskiz parean
Istripuak errei bat ixtea eragin du Santanderrerako noranzkoan eta une batean 5 kilometrokoak izan dira auto-ilarak, eguerdiko 12:00ak aldera errepidea berriro zabaldu duten arte.