Gas leherketa gertatu eta urtebetera, Noaingo dozena bat familiak etxera itzuli ezinik jarraitzen dute
Urtebete geroago, Poliziaren ikerketak zabalik jarraitzen du. Bi gas leherketaren ondorioz, bederatzi pertsona zauritu ziren, horietako bi larri, eta hainbat etxebizitza suntsitu. Leherketak gehien kaltetu zituen dozena bat etxebizitzak berreraikitzeko lanek aurrera jarraitzen dute, eta bizilagun horiek etxera itzuli ezinik segitzen dute.
Duela urtebete, 2025eko urtarrilaren 13an, Noainen gertaturiko gas leherketaren ondorioz, bederatzi pertsona zauritu ziren —horietako bi, larri—. Halaber, hainbat etxebizitza suntsitu ziren eta 250 bizilagun inguru atera behar izan zituzten.
Hamabi hilabete geroago, leherketak gehien kaltetu zituen dozena bat etxebizitzatako bizilagunek etxera itzuli ezinik jarraitzen dute. Halaber, Poliziaren ikerketak zabalik segitzen du.
Urtarrilaren 13 hartan, 15:30ak aldera, lehen eztanda bat gertatu zen, eta Zabalegi Kontzejuaren kaleko hainbat etxebizitza hustu zituen. Bigarren eztanda batek (18:30ean) gaua kanpoan pasatzeko gauzen bila etxera sartu ziren bizilagunak bete-betean harrapatu zituen. Leherketak bi etxebizitza suntsitu eta inguruko eraikinetan kalteak eragin zituen.
Ezbeharrean bederatzi pertsona zauritu ziren, horietako bi larri, eta azken bi horiek —22 urteko gizon bat eta 13 urteko neska bat— ZIUn ingresatu behar izan zituzten. Gainera, bi pertsona osasun zentroan artatu behar izan zituzten, antsietateagatik eta kea arnasteagatik.
Hustutako 120 etxebizitzetako 100 familia etxera bueltatu ahal izan ziren ezbeharraren ondorengo asteetan, ur eta argindar hornidura berrezarri ostean. Aitzitik, leherketak gehien kaltetu zituen dozena bat etxebizitzak hutsik jarraitzen dute.
Hamar eta hamabi etxebizitza inguru guztiz berreraiki behar dituzte, eta oraingoz etxe horietako bizilagunak ezingo dira itzuli. Bien bitartean, senideen etxeetan edota alokairuan bizitzen ari dira.
Bestalde, Poliziaren ikerketa zabalik dago ezbeharraren nondik norakoak argitzeko. Gaur-gaurkoz, ez dute behin betiko ondoriorik argitaratu.
Aseguru konpainiek leherketaren erantzulea nor den argitzea eskatzen dute, jabeek galdutakoaren balioa kobratu dezaten. Auzia argitu bitartean, kaltetu askok kobratu ezinik jarraitzen dute.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.