Guztira 4.630 neska-mutilek parte hartuko dute Donostiako Haur Danborradan, 45 konpainiatan banatuta
Intxaurrondo Haur Danborradako haurrak izango dira aurtengoan haurren danborradako karguak gorpuzteko arduradun. Gainera, Bidebietako Herri Ametsa Ikastolak 50. danborrada izango du arutengoa.
Jon Insaustik Haur Danborradako kargudunak hartu ditu gaur goizean.
Guztira 4.630 neska-mutilek parte hartuko dute 38 ikastetxek eta erakundek osatutako 45 konpainiatan urtarrilaren 20an Donostiako Haur Danborradan.
Jon Insausti Gipuzkoako hiriburuko alkateak eta Ana Lopez Donostiako Kultura zinegotziak ongietorria eman diete astearte honetan, Osoko Bilkuren Aretoan, Haur Danborradan kargu gisa aterako diren haurrei, aurten Intxaurrondo Haur Ikastolakoak izango dira.
Argoitz Echezortu San Jose izango da Danbor Nagusia eta berak zuzenduko ditu Raimundo Sarriegiren martxak interpretatuko dituzten 45 konpainiak, hiriaren erdialdean egingo den desfilean. Udaletxeko balkoian agertuko da, 12:00etan, Alkatearekin (Valentina Errante Santos) eta Notarioarekin (Odei Albarca Lopetegi) batera. Horiekin batera, Jon Saizar Viles Jenerala eta Ane Martin Lopez Laguntzailea ere aterako dira udaletxera.
Ondoren, Alkatea, Notarioa, Jenerala eta bere Laguntzailea desfilean aterako dira, XIX. mende hasierako gizarte zibila ordezkatzen duten gainerako haurrekin batera, karroza handi batean, Zaldizainak kokatuko diren kalesa aurrean dutela.
Horrela, Ayleen Kristen Siavichayk Easo Ederra antzeztuko du; Elena Pascualek eta Nahia Abalek, haren Damak; Aimar Benaventek, Herritarra; Aitor Poncek, Arrantzalea; Paola Errantek, Hilandera; Ekaitz Fernandezek, Artzaina; Ibai Redondok, Merkataria; Ariane Valderramak, Urketaria; Ander Bermejok, Mandazaina; eta Leo Pinak, Mateo Lasak eta Oihan Benaventek, Elene Celestino, Bruno Larramendik eta Unax Manzanok, Zaldizainak.
Danborradaren aurkezpena ostiral eguerdian egingo da, Victoria Eugenia antzokian. Konpainia guztietako ordezkariek parte hartuko dute, eta Jon Insausti Donostiako alkateak dominak ezarriko dizkie pertsonaiei, eta Aginte Makila emango dio haurren danborradako Danbor Nagusiari.
Halaber, Ana Lopezek gogorarazi du Bidebietako Herri Ametsa Ikastolak 50 danborrada egingo dituela aurten.
Azkenik, Lopezek gogorarazi duenez, eguraldi txarrarragatik haur danborradaren desfilea bertan behera uztea erabakiko balitz, danborradako arduradunei jakinaraziko zaiela 10:30 aldera, hilaren 20an bertan. Hala balitz, urtarrilaren 25ean egingo litzateke Haur Danborrada, igandez, eguraldiak horretarako aukera emanez gero, eta bestela bertan behera geratuko litzateke, behin betiko.
Zure interesekoa izan daiteke
Gasteizko gotzaina: "Ez genuke inoiz gertatu behar ez zena gogoratzen ibili behar"
Juan Carlos Elizaldek 1976ko martxoaren 3an Poliziak eraildako bost lagunetako bakoitza gogoratu du, 50. urteurrenaren harira ospatutako mezaren homilian. Arabako Elizaren ordezkari nagusiak adierazi duenez, "gure hurbiltasuna eta otoitza berritzen dugu biktimen alde eta gertaera horiek markatutako guztien alde".
Osakidetzak "txertaketa sistemaren segurtasuna" indartuko du, "berehalako eta epe ertainerako" neurriekin
Bi hilabeteko epean, besteak beste, erosketa-agiriak berrikusiko dira, zentro bakoitzeko txertaketa arduradun bat izendatuko da eta hozteko ekipoak kudeatzeko protokolo berria ezarriko da.
AP-8 autobideak bidegurutze hobea izango du Oiartzunen, eta agian lotune berri bat, Orion
Gipuzkoako Foru Aldundiak 8,1 milioi euro bideratuko ditu AP-8 autobidearen eta GI-20 errepidearen arteko bidegurutzearen segurtasuna hobetzeko, Bilborako noranzkoan, eta Orion bi noranzkoetan lotura osoa egitea aztertzen ari da.
EHIGEk segregazioaren aurkako itunaren mahaia utzi du, Hezkuntzak diagnostiko "partziala" egin du eta
Euskal Eskola Publikoko Gurasoen Konfederazioak salatu duenez, aplikatutako metodologia "parte-hartze prozesu errealak izan behar duenaren antitesia da"
Ekialde Hurbilean dauden 45 euskal herritarrekin harremanetan jarri da Jaurlaritza
Eusko Jaurlaritzako Kanpo Harremanetarako Idazkaritza Nagusiak komunikaziorako hainbat bide zabaldu ditu, inguru hartan dauden euskal herritarrei egoera bideratzen laguntzeko. Ekialde Hurbilean egoitzak dituzten euskal enpresekin ere jarri dira kontaktuan.
Bizkaiko Foru Aldundiak ke-detektagailuak jarriko ditu Bustuarialdeko adinekoen eta pertsona kalteberen 2.450 etxetan baino gehiagotan
Etxeko suteen ondoriozko arriskuak murrizteko plan pilotu bat da, eta gero beste eskualde batzuetan ezarri ahal izatea da asmoa.
Maialen Mazonen hilketa argitzeko epaiketa maiatzaren 4an hasiko da
32 urteko emakumea (bikiez haurdun zegoen) bikotekide ohiak hil omen zuen 2023ko maiatzaren 27an, Gasteizko apartahotel batean, urruntze agindua urratu zuen aldietako batean.
Ikerketa eta trazabilitate batzordearen txostenak baieztatu du hainbat akats izan zirela Osakidetzako txertoen kudeaketan
Iraungitako dosien inguruko ikerketaren arabera, txertaketa-sistemaren banaketan, trazabilitatean eta barne-kontroletan egon dira arazoak.
Auto-ilara luzeak daude AP-8 autobidean, bi istripu izan baitira Zarautz parean, Bilborako noranzkoan
Istripuaren ondorioz, erreietako bat itxi behar izan dute, eta trafiko motela dago inguruan. Bestalde, bi ibilgailuk eta kamioi batek talka egin dute Erletxetako industrialderako sarbidean, Bizkaian. Horren ondorioz, auto-ilarak sortu dira bi noranzkoetan.
Martin Villaren ustez, Gasteizko gertaerak "lehenago moztu behar ziren"
Orduko Harreman Sindikalen ministroak Radio Vitoriak Gasteizko sarraskiaren 50. urteurrenaren harira ekoitzitako "Gasteiz, martxoak 3. Oroimenaren indarra" soinu-dokumentalean egin ditu adierazpen horiek.