Gutxienez 10 hildako eta 25 zauritu larri Kordoban, abiadura handiko bi trenenen arteko istripuan
Trenetako bat errailetik atera da Adamuzeko (Kordoba) 1. trenbidearen sarrerako desbideraketan eta alboko trenbidean sartu da. Beste tren bat zihoan hortik eta hura ere errailetatik atera da. Madril eta Andaluzia arteko abiadura handiko trenen zirkulazioa bertan behera geratu da.
Gutxienez 10 pertsona hil dira eta 25 zauritu, abiadura handiko bi tren errailetik atera ostean, Adamuzen (Kordoba), Andaluziako 112 Larrialdi Zerbitzuko iturriek jakinarazi dutenez.
Abiadura handiko trenen zirkulazioa bertan behera geratu da Madril eta Andaluzia artean, istripuaren ondorioz. Ez da jakitera eman zenbat iraungo duen zerbitzuaren etenak.
Larrialdi zerbitzuak, suhiltzaileak eta Guardia Zibila lanean ari dira bertan une honetan.
X sare sozialean InfoAdifek duen profilean azaldu dutenez, LD AV Iryo 6189 Malaga-Pta de Atocharen trena errailetik atera da Adamuzeko 1. bideko sarrera-desbideratzean 19:45 aldera, eta ondoko trenbidean sartu da, bertatik Atocha-Huelvako bidea egiten ari zen LD AV 2384 trena zihoanean. Konboi hori ere bidetik atera da.
Istripuaren unean tren horretan zihoan Salvador Jimenez Radio Nacional de Españako (RNE) kazetariak azaldu duenez, Iryoko trenaren azken bi bagoiak errailetik atera dira, eta azkena alde batean iraulita geratu da. Tren horretan gertatu dira, antza denez, heriotzak.
Azaldu duenez, "berehala", megafoniaz, tripulazioak bidaiariei galdetu die ea haien artean osasun langilerik ba al zegoen azken bi bagoietako zaurituei laguntzeko. Horietako bat trenbide gainean iraulita eta kristalak hautsita geratu da.
Bidaiariak Adamuzeko geralekurantz irten dira, eskifaia mailuak hartu eta leihoak hausten hasi den bitartean, jendeari bagoietatik irteten laguntzeko.
Lekukoek kontatu dutenez, egoera beldurgarria bizi izan dute.
Agintariak istripuaren nondik norakoak jarraitzen ari dira
Oscar Puente Espainiako Gobernuko Garraio ministroa Adifeko H24 Sarearen Kudeaketa Zentroan dago tren istripuari jarraitzen.
"Adamuzeko (Kordoba) tren istripu larriaren informazioa jarraitzen ari naiz Adifeko H24an, duela ordu erditik", idatzi du 'X' sare sozialean.
"Baieztatuta dauden berritasunen berri emango dut hemendik", jakinarazi du ministroak.
Andaluziako Juntako presidente Juanma Morenok mezu bat jarri du bere sare sozialetan, “tren istripu larriagatik” oso kezkatuta dagoela adierazteko, eta jakinarazi du “larrialdi eta laguntza logistikoko zerbitzuak” bidali dituztela eremura, “behar den guztian laguntzeko”.
Andaluziako Gobernuak Babes Zibileko Larrialdien Lurralde Planaren 1. fasea aktibatu du Kordoban.
Pedro Sanchez Espainiako Gobernuko presidenteak jakinarazi du Gobernua lanean ari dela beste agintari eskudunekin eta larrialdi zerbitzuekin, Adamuzen errailetik atera diren bi trenetako bidaiariei laguntzeko.
Adifek 900101020 telefonoa jarri du trenean zihoazen senideentzat, informazioa emateko.
317 pertsona zihoazen Iryo trenean
Guztira, 317 pertsona zihoazen errailetatik irten den Iryo trenean. Malagatik 18:40an irten da, Puerta de Atochara (Madril) bidean. Abiatu eta ordubete pasatxora, azken bagoiak errailetik atera eta ondoko trenbidera sartu dira, Huelvara zihoan Renferen beste konboi bat bertatik igarotzen ari zen unean.
Une honetan oraindik ez da ezagutzen zer dela eta gertatu den istripua eta ikerketak aurrera jarraitzen du.
Zure interesekoa izan daiteke
Celtako zaleek azazkalak margotu dituzte Borja Iglesiasen alde, futbolariak Sevillan jasotako irain homofoboak salatzeko
Sevillaren aurkako partida bukatu zenean, Sanchez Pizjuanen jokalariak jaso zituen irainen aurrean, gaurko Balaidosko norgehiagokara azazkalak margotuta joatera animatu zituen klubak jokalari eta zaleak. Iglesiasek berak urteak daramatza homofobiaren aurka borrokatzen, eta azazkalak margotuta eramatea izan da bere ezaugarrietako bat.
Auzitegi Gorenera jo du Kermanen familiak Arabako Auzitegiak haren hilkeren "larritasuna murrizten" duela iritzita
Azaroan behin-behineko askatasuna eman zioten erasotzaileari eta epaiketa labur bat egingo zela ebatzi zuen Arabako Auzitegiak, instrukzio epaitegiaren iritziaren kontra.
Pertsona bat hil da Benasquen, elur-jausi batek harrapatuta
Cerler eski estazioan gertatu da ezbeharra. Dirudienez, hainbat elur-jausi izan dira gaur pistetatik kanpo.
Lau gazte atxilotu dituzte Bedian, Euskotrenen tren batean grafitiak egitea egotzita
18 eta 21 urte bitarteko lau gizonezko hartu dituzte atxilo, trenbidean barrikada bat jarri eta Euskotrenen tren batean pintaketak egitea leporatuta.
Hamar pertsona erietxera eraman dituzte Gasteizko lonja batean izandako sutean kea arnasteagatik
Ertzaintzak jakitera eman duenez, igande goizeko zortzi eta erdietan gertatu da. Ikerketa abiatu dute sua zerk eragin duen argitzeko.
Pertsona bat erreskatatu dute Basauriko zubi batetik ibaira erori ostean
Larrialdi zerbitzuek gizon bat erreskatatu dute larunbat honetan, Agirre Lehendakariaren etorbideko zubi batetik uretara erori ondoren.
Ertzaintzak giza gorpuzkiak kiskalita topatu ditu Ortuellan
Ikerketa abian dute gertatutakoa argitu eta istripua izan den edo kriminalitate zantzuak dauden zehazteko. Oraindik ez dute biktima identifikatu.
11 pertsona intoxikatu dira kea arnastuta Baionan piztu den sute batean
Baiona iparraldeko lau solairuko etxebizitza batean piztu dira garrak, 10:30 aldera, eta eguerdirako itzali dute sutea. Sei pertsona ospitaleratu behar izan dituzte.
Maskotekin iruzurrak online egiten zituen sare bat desegin, eta isolatuta zuten 80 urteko gizon bat askatu dute
18 pertsona atxilotu dituzte Bizkaian, eta iruzurgileen 121 biktima identifikatu dituzte, batzuk Gipuzkoan eta Araban.