Trenbidea hondatuta zegoen Iryo trena igaro aurretik, lehen hipotesi ofizialaren arabera
CIAF trenbideko ezbeharrak ikertzeko batzordearen behin-behineko txostenaren arabera, gurpiletan aurkitutako markak "bateragarriak dira erreia hautsita egotearekin".
Adamuzen istripua izan zuten bi trenak. Artxiboko argazkia: EFE
Kordobako tren istripua zerk eragin duen aztertzen ari den CIAF Trenbide Istripuen Ikerketa Batzordearen behin-behineko txostenaren arabera, erraila hautsita zegoen eta horrek eragin zuen Iryo trena bidetik ateratzea. 45 pertsona hil ziren istripu horretan.
Ezbeharra gertatu eta gutxira ondorioztatu zuten trenbidea hautsita zegoela, baina hori istripuaren beraren kausa edo ondorioa oten zen argitzeke dago oraindik. Lehen zantzuen arabera, kausa izan da.
CIAFen arabera, istripua izan zuen Iryo trenaren gurpiletan aurkitutako koskak eta erreian ikusitako deformazioa "bateragarriak dira erreia hautsita egotearekin".
"Horrenbestez, errailaren haustura istripua izan zuen Iryo trena pasatu baino lehen gertatu zela ondoriozta daiteke", zehaztu dute.
Edozein kasutan, hipotesi hori froga eta datuekin berretsi beharko dela nabarmendu du.
Markak gurpiletan
CIAFek baieztatu duenez, Iryo trenaren gurpil batzuetan urradurak atzeman dituzte, eta patroi geometriko berdina duten beste hainbat ere, aldez aurretik trenbide horretatik pasatu ziren trenetan.
Iryo trenean aurkitutako markez gain, beste hiru trenetan ere koskak hauteman dituzte, patroi geometriko bateragarria dutenak. Hiru tren horiek istripua baino lehen igaro ziren Adamuz paretik: Renferen 130 trena, 19:09 inguruan; Iryoren 109-003 trena, 19:01 inguruan, eta Iryo 109-011 trena, 17:21 inguruan
Zure interesekoa izan daiteke
Gizon bat atxilotu dute Bilbon, urruntze-agindua izan arren adingabeko semearekin ihes egiten saiatu eta istripua eragin ostean
Ibilgailu batek hainbat semaforo gorrian pasa ditu ostiral honetako 05:00 inguruan, eta ertzainak atzetik zituela ikusi duenean, ihes egin du abiadura handian Julian Gaiarre kalearen parean, hiru autorekin talka egin duen arte. Azkenean, azken talkaren ostean, gidaria ibilgailuaren barruan harrapatuta geratu da, eta atera egin behar izan dute.
14 urteko zigorra, emaztea bortxatu eta tratu txarrak emateagatik eta buru-nahasmenduagatik % 65eko desgaitasuna duen seme bat iraintzeagatik
Gipuzkoako Auzitegiko Hirugarren Sekzioak sexu-eraso delitu baten, ohiko tratu txarren bi delituren, ohikoa ez den tratu txarren delitu baten eta bidegabeko laidoen bi delituren egiletzat jo du gizona. Ostiral honetan jakinarazi dizkiote zigor horiek, aldeei epaia ezagutarazteko deitutako saio batean.
Emakume bati Donostian egindako sexu-eraso bat ikertzen ari dira
Eusko Jaurlaritzako Segurtasun Sailaren arabera, erasoa bart gertatu zen Gipuzkoako hiriburuan, eta biktimak sexu-erasoagatik salaketa jarri zuen, bortxaketagatik, antza. Hori dela eta, Ertzaintzak ikerketa abiatu du gertatutakoaren nondik norakoak argitzeko eta ustezko egilea edo egileak aurkitzeko. Donostiako Udalak deituta elkarretaratzea egin dute eguerdian, erasoa salatzeko.
Iruñeko bidaia agentzia bateko jabea atxilotu dute, bezeroei iruzur egin dielakoan
Polizia Nazionalak ohar baten bidez jakitera eman duenez, Madrilgo Barajas aireportuan bi herritarrek jarritako salaketa baten ondotik hasi zuten ikerketa; izan ere, fakturatzera joan zirenean, euren izenean bidaiatzeko txartelik ez zutela jakinarazi zieten.
Hezkuntza Sailak bi bateratze-prozesu burutuko ditu Araban eta beste bat Gipuzkoan
Ikasleen matrikulazioen beherakaren eta ikasle kopurua txikitzearen ondorioz, Hezkuntza Sailak hainbat ikastetxe bateratuko ditu hurrengo ikasturtean. Bizkaian, esaterako, 12 ikastetxeri eragingo dien sei prozesu bultzatu dituela jakinarazi dute. Ondorioz, horietako lauk instalazioak itxi beharko dituzte.
Zazpi pertsona zauritu dira Ribaforadan, furgoneta bat errepidetik atera eta iraulita
A-68 errepidean izandako istripuaren abisua 08:30 aldera jaso da. Bi lagun harrapatuta geratu dira istripua izan duen furgonetan, eta suhiltzaileek atera behar izan dituzte. Zauritutako zazpi pertsonak Tuterako Sofia Erregina Ospitalera eraman dituzte.
Rodaliesek Kataluniako aldiriko zerbitzua berrezarri du
Kataluniako Rodalies zerbitzuak ostiral honetako lehen orduetan berreskuratu du bere jarduera linea guztietan, bi egunez etenda egon baita Gelidako (Bartzelona) istripuaren ondorioz. Dena den, R1, R2 eta R4 lineak 30 minutu inguruko atzerapenekin dabiltza.
Hegaldi bat bertan behera utzi dute eta beste sei desbideratu dituzte Loiun, haizeagatik
Parisko Charles de Gaulle aireportura joatekoa zen hegaldia da bertan behera geratu dena. Biarritzetik ari dira ateratzen hegaldietako batzuk.
Kirolakeitb.eus, kirolaren eta kirolarien plaza digital berria aurkeztu dute
EITBren kirolen atari berriak aukera zabalagoa, intuitiboagoa eta ikus-entzunezkoagoa eskainiko du, esperientzia bisual biribila izateko. Zuzeneko emanaldiek protagonismo handiagoa izango dute, eta Zuretzat atalean erabiltzaile bakoitzak bere eduki gustukoenak bildu ahal izango ditu.