Ertzaintza aste honetan hasiko da isunak jartzen baliza ez erabiltzeagatik
Baliza ez edukitzea edo baliza ez erabiltzea arau-hauste arintzat hartzen da, eta 80 euroko isuna dakar.
Ertzaintza aste honetan hasiko da matxurak eta istripuak seinalatzeko baliza ez edukitzeagatik zigortzen, 80 euroko isunarekin, Eusko Jaurlaritzako Segurtasun Sailak iragarri duenez.
Joan den urtarrilaren 1etik derrigorrezkoa da V16 balizak ibilgailuan eramatea eta beharrezkoa denean erabiltzea. Neurri berri hori martxan jarri zenetik, Ertzaintzak informazioa eman du eta lan pedagogikoa egin du gidarien artean.
Informazio fase horren ondoren, Ertzaintza aste honetatik aurrera hasiko da V16 balizarekin lotutako arau-hausteak zigortzen.
Baliza ez edukitzea zein baliza ez erabiltzea arau-hauste arintzat hartzen da, eta 80 euroko isuna dakar. Zigor berbera jartzen zen lehen triangeluen kasuan.
V16 baliza Espainiako Estatu osoan arriskuaz ohartarazteko baimendutako gailu bakarra da, larrialdietako triangeluen ordezkoa.
Bestalde, Eusko Jaurlaritzako Segurtasun Sailak gogorarazi du urtarrilaren 26tik aurrera mugikortasun pertsonaleko ibilgailuek, patinete elektrikoek barne, 25 kilogramotik gorako pisua badute eta 14 km/h-tik gorako abiadurara irits badaitezke, erantzukizun zibileko asegurua izan behar dutela, nahitaez.
Betebehar hori urratzeak 300 euroko isun ekonomikoa dakar patinetea zirkulazioan dagoenean, eta 200 eurokoa ez dagoenean.
Betebehar horretatik kanpo geratzen dira, oraingoz, ibilgailu pertsonal arinak, hau da, gehienez ere 25 km/h arteko abiadura hartzen eta 25 kilo baino gutxiago pisatzen dutenak, eta 14 km/h arteko abiadura hartu eta 25 kilo baino gehiago pisatzen dutenak.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.