ELAk salatu du irakasleak euskalduntzeko Irale programa bertan behera utziko duela Jaurlaritzak
Begoña Pedrosa Hezkuntza sailburuak zehaztu du programarekin jarraituko dela, baina egungo "behar berrietara" egokituta. Azpimarratu du azken urteotan sistema publikora batu diren irakasleek C1 maila dutela. "Datu hori nahikoa adierazgarria da".
Artxiboko irudia. Argazkia: EFE.
Datorren ikasturtetik aurrera, Eusko Jaurlaritzak irakasleak euskalduntzeko Irale programa bertan behera utziko duela salatu du ELA sindikatuak, eta erantsi du erabakiaren berri "komunikabideen eta langileen bitartez" izan duela. "Oso erabaki larria da, bai prozedurari dagokionez, eta baita erabakiaren edukiari dagokionez ere". Hori dela eta, datorren ostegunean biltzekoa den negoziazio mahaian "asmoa erretiratzeko" eskatuko diote Hezkuntza Sailari.
Euskarari buruz Jaurlaritzak hartutako azken erabakiak salatzeko oharra kaleratu du gaur ELAk, eta Iraleri buruzko erabakiaz gain, Lanbide Heziketan euskalduntze planik ez dela izango ere jakinarazi du. Esan duenez, oraindik "ez dago bermatuta euskarazko eskaintza LHko ikasketa guztietan", ezta langileak euskalduntzeko "baliabiderik eta plangintzarik" egongo denik ere. "Euskalduntzeko plangintza integrala" eskatu du zentral abertzaleak.
Gainera, deitoratu du Jaurlaritzak "hizkuntza eskakizunak malgutu" nahi dituela, "langileak euskaldundu beharrean". Ikasturte hasierako esleipen prozesuaren araudia moldatzeko proiektuak euskara maila apalagoa duten irakasleak lehenesten ditu zenbait lanpostutan, oharraren arabera. "Profila ez edukitzea pribilegioa da; izatea, desabantaila".
Neurri horiek guztiak "euskalduntzearen kontrako norabidean" doazela eta, bere afiliazioarekin eta hezkuntzako langileekin "erantzuna adostea" aztertzen ari da ELA.
"Premia berrietara" egokitu beharra
Gobernu Bileraren ondorengo agerraldian hitz egin du gaiaren inguruan Begoña Pedrosa Hezkuntza sailburuak. Iraleri buruz, zehaztu du programarekin jarraituko dela, baina egungo "behar berrietara" egokituta, eta azpimarratu du azken urteotan sistema publikora batu diren irakasleek C1 maila dutela. "Datu hori nahikoa adierazgarri da".
Sailburuak gogoratu du "orain 50 urte" sortutako zerbitzua dela Irale, eta irakasleak euskalduntzeko ekarpen handia egin duela azaldu du. "Hausnarketa egin da, eta ikusi dugu beharrezkoa dela une honetan ditugun behar berrietara egokitzea".
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.