BERNEDOKO UDALEKUA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Debekuaren aurrean, "haurrei udaldi polit eta lasai bat" eskaintzeko "lanean" ari dela esan du Euskal Udalekuak elkarteak

Elkarteak mezua bidali die udaldia Bernedoko udalekuetan igarotzeko eskaera egin duten 200 familiei, eta azaldu "abokatuarekin lanean" ari direla haur eta familientzako "aukera eta alternatiba egokienak diseinatzeko". Arabako Foru Aldundiak debekua ezarri eta Instagram sare sozialean elkarteak dituen profilean beste mezu bat partekatu du, "triste eta kezkatuta" daudela esanez eta salatuz "legezko betekizun guztiak bete arren" ukatu diotela Dorrekoa elkarteari udalekuak antolatzeko aukera..
Bernedoko Udalekuak, EFEren artxiboko argazki batean.

Azken eguneratzea

Arabako Foru Aldundiak Euskal Udalekuak elkartea zigortu eta Bernedoko Udalekuak antolatu nahi zuen Dorrekoa Elkarteari debekua ezarri berritan, "triste eta kezkatuta" azaldu da udalekuak antolatzen dituen eragilea. Instagram sare sozialean duen profilean lehen erreakzio bat partekatu du elkarteak, eta azpimarratu debekuaren aurrean, "zer egiten dudan" aztertzen ari direla. Gerora, aurten Bernedoko udalekuetan izena eman zuten 200 familiei zuzendutako mezu batean, argitu dute "lanean" ari direla abokatuarekin, proiektukideekin, "haurrei udaldi polit eta lasai" bat eskaini ahal izateko.

Euskal Udalekuak elkartearen berbetan, Bernedoko udaldia antolatzeko "legezko betekizun guztiak bete arren" ezarri diote debekua Sarrea elkartearen ordez udalekuak antolatu nahi zituen Dorrekoa elkarteari. Salatu dutenez, "proiektua etengabe erasotua" ari da, eta "udaldia oztopatu nahian ari dira behin eta berriro".

(Informazioa osatzeko lanean ari gara)

Araba Arabako Foru Aldundia Umeak Udako kanpamentuak Euskal Autonomia Erkidegoa Gizartea

Zure interesekoa izan daiteke

Gehiago ikusi
Publizitatea
X