Victoriano del Rioko zezenek korrikalari bat adarkatu dute eroriko asko izan dituen entzierro azkar batean
Aurreko bi entzierroak bezala, aurtengo sanferminetako hirugarren entzierroa ere azkarra izan da eta 2 minutu eta 23 segundo iraun du. Adarkatutako pertsonaz gain, beste hamar pertsona zauritu dira, denak kolpeengatik.
2026ko sanferminetako hirugarren entzierroa. Argazkia: EFE
Sanferminetako hirugarren entzierroan, gaur, Victoriano del Rio ganadutegiko zezenak izan dira protagonista. Aurreko biak bezala, azkarra izan da (02:23) eta eroriko asko gertatu dira ibilbide osoan. Korrikalari bat adarkatu dute eta beste hamar pertsona ere zauritu dira, denak kolpeengatik.
Animaliek bat eginda eta abiada bizian egin dituzte lehendabiziko metroak eta segituan joaldun bat eta zezen beltz bat jarri dira buruan.
Horrela iritsi dira udaletxe plazara eta jarraian Mercaderes kalean sartu dira. Erorikoak izan dira tarte horretan.
Estafetako bihurgunea arazorik gabe gainditu ondoren, taldea luzatu egin da eta korrikalariek zezenen aurrean jartzeko aukera izan dute. Abiadura handia tarteko, eroriko asko gertatu dira hemen ere.
Taldea luzatu arren, ez da inongo momentutan banatu eta bat eginda heldu dira Telefonicako zatira. Gaurkoan ere jende asko bildu da eremu horretan eta erorikoak eta arrisku uneak gertatu dira.
Kalezuloan ere eroriko asko gertatu dira, baina aparteko gorabeherarik gabe. Azkenik, animaliak zezen plazan sartu dira eta zuzenean egin dute ukuilurako bidea.
Adarkatu bat eta hamar zauritu, kolpeengatik
Hamaika pertsona zauritu dira aurtengo sanferminetako hirugarren entzierroan, Nafarroako Unibertsitate Ospitaleak egindako lehen balantzearen arabera. Zezenek korrikalari bat adarkatu dute besoan, Telefonicako zatian. Halaber, beste hamar pertsona zauritu dira, denak kolpeengatik.
Zaurituetako bederatzi Nafarroako Unibertsitate Ospitalera eraman dituzte eta gainerako biak San Martingo osasun zentroan artatu dituzte.
Ikusi sanferminetako hirugarren entzierroa
Zure interesekoa izan daiteke
Uztailaren 10eko entzierroa
Uztailaren 10eko entzierroa zuzenean.
Euskal Herriko emisio gutxiko eremuak: nora ezin da sartu etiketarik gabe?
Bilbon, Donostian, Gasteizen eta Iruñean 200 euroko isunekin zigortzen dituzte ingurumen-etiketarik gabeko ibilgailuak, eta Barakaldo, Getxo eta Irun bide beretik doaz, baina oraindik ez dute neurria indarrean sartu.
Albiste izango dira: Sanferminetako hirugarren entzierroa, AEBk Iran bonbardatu du eta Bilbao BBK Live hasiko da
Gaurkoan Orain-en albiste izango direnen laburpena, bi hitzetan.
Konstituzio Auzitegiak ez du ebatziko hizkuntz-eskakizunen derrigortasunaren inguruan
EAEko Justizia Auzitegi Nagusiak luzatu zion galdera, enplegu publikoan hizkuntz-eskakizunak derrigorrezkoak izateak Konstituzioa urratzen duen edo ez ebazteko.
ITASUA IATko langileek greba mugagabearekin mehatxatu dute negoziazioak blokeatuta jarraitzen badu
Zarautz eta Bergarako langileek bigarren greba-eguna egin dute enpresak Gasteizko ordezkariekin alde bakarreko akordio bat sinatu ostean, eta astelehenetik aurrera lanuzte mugagabea hasiko dutela ohartarazi dute, lan-baldintzak Gipuzkoako gainerako estazioekin parekatzeko.
12.000 sinadura baino gehiago bildu dituzte USaPeko zuzentzaileei babesa emateko, jaso duten "tratu bidegabeagatik"
EHUko irakasleek eta ikertzaileek uste dute gatazka hau "euskal hezkuntza sistema publiko osoaren aurkako mesfidantza eta deslegitimazio erasoa" dela.
LABek ez du hitzarmenetan 1.500 eurotik beherako soldatarik onartuko
Sindikatuak fase berri bat abiatuko du negoziazio kolektiboan, gutxieneko soldata gehiengorik ez duen esparruetara zabaltzeko eta patronalaren zein alderdi batzuen blokeoari mobilizazioekin erantzuteko.
12.600 sinaduratik gora bildu dira USAPeko irakasleei emandako "tratu bidegabea" salatzeko
EHUko irakasleek agerraldia egin dute USaPen jardun duten kideen profesionaltasuna defendatzeko, eta babes gisa 12.645 sinadura jaso dituztela jakinarazi dute (horietatik 2.000 unibertsitateko langileenak). Iñigo Urrutia irakasleak azaldu duenez, kaltetuek zein EHUk berak "tratu bidegabea" jaso dute, unibertsitate publikoaren objektibotasuna, gardentasuna eta zerbitzuarekiko konpromisoa kolokan jarri direlako.
2026ko uztailaren 8ko entzierroaren unerik onenak
Cebada Gago ganadutegiko zezenak protagonista izan dituen 2026ko sanferminetako bigarren entzierroa azkarra izan da. Arriskutsu ospeari omen eginez, gizon bat adarkatu dute besoan, Telefonica parean. Zezenek 2 minutu eta 26 segundo behar izan dituzte bidea egiteko.