Gidari bat atxilotu dute Beasainen, polizia-kontrol bati iskin egin eta agenteen aurka egin baitu
35 urteko gizonezkoak positibo eman du alkoholean eta drogetan, eta autoan zeramatzan bost gramo speed konfiskatu dizkiote.
Ertzaintzako agenteek 35 urteko gizon bat atxilotu dute ostegun goizaldean Beasainen (Gipuzkoa), polizia-kontrol bati iskin egineta patruilen aurka talka egiten saiatzeagatik eta "ihesaldian zirkulaziorako arrisku larria" sortutzeagatik. Alkoholemia eta droga probetan positibo eman du.
Eusko Jaurlaritzako Segurtasun Sailak jakinarazi duenez, ostegun goizaldeko hirurak pasata, Beasain parean prebentzio-kontrol bat ezarrita zuten Oriako ertzain-etxeko patruilek auto bat geldiarazi dute.
Agenteen jarraibideei jaramonik egin ez eta gidaria abiadura azkartzen hasi da, eta haren aurretik kendu dira autoak harrapa ez zitzan.
Ertzainak haren atzetik atera dira, eta, aldi horretan, arrisku handiko egoerak eragin ditu zirkulazioan, ausarkeriaz gidatu du eta; gainera, kalteak eragin ditu patruila-auto batean.
Geldiarazi dute azkenean, eta gidariak, une oro jarrera oldarkorra izan du. Emaitza positiboa eman du alkoholemia-probetan eta drogak detektatzeko probetan.
Ibilgailuaren barruan, hauts zuri bateko bost gramo inguruko bilgarri bat aurkitu dute, antza anfetamina edo speed sulfatoa, eta konfiskatu egin diote. Egoera horren aurrean, 35 urteko gidaria atxilotu dute, eta, jarraian, ertzain-etxera eraman dute, beharrezko izapideak egiteko, epailearen esku utzi aurretik.
Zure interesekoa izan daiteke
Azpeitiko saltokien kamerek grabatutako irudiak aztertzen ari da Ertzaintza, ustezko hiltzailearen bila
Ertzaintzak herriko hainbat saltokiri kamerek grabatutako irudiak eskatu dizkie, 30 urteko taxilariaren hilketaren ustezko egilea aurkitzeko helburuz.
Normaltasunera itzuli dira BI-30 errepidean, Zamudion, istripu baten ondorioz sei kilometroko auto-pilaketak izan ostean
Bi autok talka egin dute, eta bi pertsona Gurutzetako Ospitalera eraman dituzte, biak arin zaurituta. 09:00ak pasata, istripua amaitutzat eman dute, eta zirkulazioa bere onera itzultzen hasi da.
Azpeitiko taxilariaren ustezko hiltzailearen bila ari da Ertzaintza, hainbat miaketa eta kontrolekin
Poliziak dispositibo zabala abiatu du Azpeitian eta inguruetan. Gizonaren autoa eta etxebizitza hainbat aldiz miatu ditu, baita Azpeitiako beste eraikin bat eta Azkoitiako etxebizitza bat ere. Ikerketarako baliagarriak izan daitezkeen datuak eta ingurukoen testigantzak jasotzen jarraitzen du.
AEKk euskaltegi guztiak bete nahi ditu datorren ikasturtean, euskarak kaleak eta plazak har ditzan
Gaurtik, zabalik dago AEKko euskaltegietan izena emateko epea. Dirulaguntzei dagokienez, berrikuntzarik nabarmenena Euskara Bonua da, Euskal Autonomia Erkidegoan: A1, A2 eta B1 mailetan matrikulatzen diren ikasleek, 120 euro ordainduta, 4 urtez ikasi ahal izango dute.
Ceutako krisia Marokori leporatzeko "txostenik ez" dagoela erantzun dio Poliziaren zuzendariak Marlaskari
Barne ministroak azalpenak eskatu ditu El Español egunkariak Auzitegi Nazionalari igorritako txosten baten inguruan argitaratu duen informazioaren harira. Horren arabera, Marokoko jendarmeek gidatu zituzten migratzaileak Ceutako mugara uztailaren 30ean.
Emakume baten hilketa artxibatu dute Zizurren, ikertutako gizonak narriadura kognitiboa duelako
Epailearen ebazpenaren arabera, ezintasun hori ikertutako gertakarien ondoren etorri zitzaion; gertakariok 78 urteko emaztearen hilketarekin lotuta daude.
Azpeitiarrek shock egoeran jarraitzen dute taxilariaren hilketagatik
30 urteko taxi gidari bat hil zuten tiroz, atzo, asteartea, 20:00ak pasata, Azpeitian, eta bizilagunak gertatutakoa sinistu ezinik daude. Biktima oso ezaguna zen herrian, eta, antza, tirokatzailea ere bertakoa da. Lekukoen arabera, erasotzaileak martxan zihoan taxia atzetik jo zuen bere ibilgailuarekin, eta, autotik atera zenean, bost tiro eman zizkion. Gero, ihes egin zuen.
Begoñako Basilikan 3D eskaneatzea eta georradar bidezko azterketa hasi dituzte, indusketa arkeologikoa hasi aurretik
Esku-hartze arkeologikoa Begoña/Vecunia proiektuaren barruan kokatzen da, eta urriaren 13an hasiko da. Iraganera begiratzea du helburu, Bilborako eta Bizkairako esanguratsua den enklabe baten historia hobeto ezagutzeko.
Taxilari bat hil dute tiroz Azpeitian
Gertakaria Artzubia hiribidean izan da, 20:15 inguruan. Lekukoen arabera, auto batek beste bat kolpatu du atzetik, eta kolpatutako autoko gidaria tirokatu egin dute. Ertzaintza egilearen bila ari da.