20 urteko mutil bat hil da Lekeitioko Antzar Egunean, hesi batetik erorita; ospakizuna bertan behera utzi dute
Gaztea portuan zegoen, antzarren proba jarraitzen, eta bi metro inguruko altueratik erori da. Milaka lagun bildu dira gaur Lekeition, eta ekitaldia normaltasunez ari zen garatzen istripua gertatu den arte.
20 urteko mutil bat hil da larunbat arratsaldean Lekeition (Bizkaia), Antzar Egunaren ospakizunean segurtasun-hesi batetik erorita, Gurutze Gorriko osasun-iturriek jakitera eman dutenez.
Gaztea portuan zegoen, antzarren proba jarraitzen, eta bi metro inguruko altueratik erori da. Anbulantzia bat eta bizi-euskarri aurreratuko bi unitate mugikor bertaratu dira portura, baita Ertzaintzako hainbat agente ere.
Osasun-langileek suspertze-lanak egin dizkiote bertan, baina ez dute hura bizkortzerik lortu. Antza denez, bihotz-biriketako geldialdia izan du.
Ekintza ofizialak, bertan behera
Ezbeharraren ondorioz, Antzar Batzordeak eta Udalak bozgorailuetatik jakinarazi dute bertan behera utzi dituztela larunbat honetarako aurreikusitako egitarau ofizialeko ekintza guztiak.
Testuinguru horretan, jaiaz gozatzeko Lekeitiora hurbildu diren herritarrei uneak eskatzen duen arduraz jokatzeko eskatu diete.
Era berean, doluminak helarazi dizkiete hildakoaren familiari, lagunei eta gertukoei, eta 10 minutuko isilunea deitu dute igande honetan, 19:00etan, udaletxe aurrean.
Milaka lagun bildu dira gaur Lekeition, eta ekitaldia normaltasunez ari zen garatzen istripua gertatu den arte.
Zure interesekoa izan daiteke
Labankadaz hil dute emakume bat Madrilen, eta hilketa matxista posibletzat ikertzen ari dira
Gasteiz eta Bilbo arteko N-222 errepidea itxita dago, kamioi batek istripua izan ondoren
4.700 lagun baino gehiago txertoguneen lehen egunean
Ibai azpiko tunelaren lanak hasi dira Sestaon
Bengoetxearen ustez, azterketak berriz planteatu behar dira, adimen artifizialaren eraginez
Gaixotasun profesionaltzat jo dute ospitale batean kutsatu zen zeladore baten covid iraunkorra
Sexuak eta maila ekonomikoak eragina dute osasunerako arrisku faktore nagusietan, OMEren arabera
Frankismoari lotutako bi kaleren izenak aldatuko dituzte Gasteizen, eta Paz Diaz de Espada eta Frida Kahlo deituko dira aurrerantzean
Osakidetzako filtrazioengatik epaitutako oposiziogileak aitaginarrebak prestatutako 50 galderetatik 48 asmatu zituen, lekuko baten arabera
