Bi gizon atxilotu dituzte Bedian kablea lapurtzen saiatzea eta trenbidean kalteak egitea egotzita
Bart egin du atxiloketa Ertzaintzak, Euskotreneko geltokitik gertu kable mozketaren alarmak jo ostean. Lapurrek ihes egin dute, baina berehala harrapatu dituzte. Geltokitik gertu, ebakitako 70 metro kable topatu dituzte.
Ertzaintzak 38 eta 63 urteko bi gizon atxilotu ditu Bedian (Bizkaia), indarra erabilita lapurreta egiten saiatzeagatik eta trenbidean kalteak egiteagatik.
Eusko Jaurlaritzako Segurtasun Sailak jakinarazi duenez, lapurreta bart jazo da, Euskotrenek Bizkaiko udalerri horretan duen geltokitik gertu.
Kablea moztu dutela ohartarazteko alarmak jo du, eta lapurrek auto batean egin dute ihes, aizkora bat eta arropa bertan utzita.
Tren konpainiako segurtasun langileek kalteak egiaztatu dituzte, eta ebakitako 70 metro kable aurkitu dituzte handik gertu, jasotzeko prest.
Ertzaintzaren patruila bat bertaratu ostean, berehala atzeman du susmagarrien ibilgailua. Autoan egindako miaketan, lapurreta egiteko hainbat tresna topatu dituzte agenteek, eta, horren aurrean, bi gizonak atxilotu dituzte.
Beharreko eginbideak betetakoan, aske utzi dituzte, epaileak noiz deituko zain.
Zure interesekoa izan daiteke
Espetxera bidali dute Arrasaten adingabe bati sexu erasoa egitea egotzita Ermuan atxilotutako gizona
Euskal Aste Nazionala hartu du Cordobak (Argentina), euskal diasporaren urteroko hitzordu nagusia
Elkarretaratzea egin dute Arrasaten duela astebete Maritxu Kajoin adin txikiko batek jasandako sexu erasoa gaitzesteko
Bilboko Zazpikaleetako 120 bat saltoki kaltetu dira larunbateko euri erauntsiaren ondorioz
Maricarmen Abascal etxegabetua gogoratu dute Bilboko Arriaga plazan
Arrasateko adingabe bati ustez sexu-erasoa egin zion gizon batek ihes egin du, Eibarko epaitegiak aske utzi ondoren
Adingabe bati Maritxu Kajoi festan egindako sexu-erasoa gaitzetsi du Arrasateko Udalak
Bi atxilotu, adingabe bat tartean, Urdulizko jaietan botila hautsiak erabiliz lapurreta egiteagatik
