Yemen, 'udaberri arabiarra'ren laugarren pieza
Hiru aldiz esana zuen Ali Abdula Saleh Yemengo presidenteak bazihoala baina hiruretan azken orduan atzera egin eta uko egin zion dimisioa emateko agiria sinatzeari. Oraingoan, ordea, sinatu du.
Joan den urtarrilean arabiar herrialdeetan protestak hasi zirenetik erori den laugarren diktadore arabiarra dugu. Lehendabizikoa Tunisiako Ben Ali izan zen, Saudi Arabian asiloa jaso zuena, ondoren Mubarak egipziarra erori zen, Egipton bertan auzipetu dutena. Hirugarrena Libiako Gadafi koronela, azkenean bere arerioek erahil zutena, eta orain Salehren dimisioa etorri da, buru belarri bere burua defendatzen saiatu dena.
33 urtez egon da boterean eta oraindik ere agintean jarraitzeko asmoa zuen ondoren bere semeetako bat jarriz. Baina herritarren altxamenduak galarazi egin dio.
Yemen izan zen hain zuzen ere Tunisian hasitako altxamenduaz kutsatu zen lehen herrialdeetako bat. Hamar hilabete luze joan dira, manifestazioz eta errepresioz betetakoak eta Salehren kontrako atentatu bat ere izan zen, hilzorian egon zena.
Gerra zibila lehertzeko zorian dago Yemenen, Armada bera ere bitan zatitu delako, Salehren aldeko eta kontrakoen artean, eta bi aldeen arteko enfrentamentuak izan dira.
Adostu duten irtenbidearen arabera, oraingoz Hadi presidenteordeak hartuko du boterea, Salehren hurbilekoak, militarrak euren kuarteletara itzuliko dira eta otsailean presidentea aukeratzeko hauteskundeak egingo dira. Dena den, ez da erraza izango Salehren agintaldi luzeak utzi dituen zauriak sendatzea.
Zure interesekoa izan daiteke
Kongoko EDko Gobernuaren arabera, 131 heriotza susmagarri izan dira ebolaren agerraldiaren ondorioz
MOEren zuzendariak adierazi du kezkatuta dagoela agerraldia azkar ari delako zabaltzen. Ituri probintzian hasi zen agerraldia joan den ostiralean, baina dagoeneko Kongoko Errepublika Demokratikoko ekialdeko beste bi eremutara zabaldu da.
Munduko Osasunaren Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Munduko egoera zeharo aldatu da hamar urtean: zatiketa nabarmenagoa, zor handiagoa eta herritarrak babesteko gaitasun txikiagoa dago. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981. urtea ezkero izandako kopururik handiena
2.707 kasu erregistratu ziren 2025ean, erakundeak 44 urtean erregistratutako kopururik handiena. Exekuzio horien ia % 80 Iranen egin ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.