Errusiaren eskaera NBEn aztertuko dute Obamak, Hollandek eta Cameronek
Siriako arma kimikoak nazioarteko ordezkarien esku gera daitezen Errusiak egindako proposamena aztertuko dute astearte honetan Erresuma Batuak, AEBek eta Frantziak, David Cameron Britainia Handiko lehen ministroak.
"Proposamen serioa baldin bada, horren araberako erantzuna eman behar zaio, eta Segurtasun Kontseiluaren ebazpena ideia ona izan liteke'', esan du. Cameronen ustez, Errusiaren proposamena zintzoa den egiaztatu behar dute, eta armak entregatzeko gehienezko epea ere ezarri behar dute.
Barack Obama AEBetako presidenteak telefonoz hitz egin du Cameronekin eta Hollanderekin, eta Errusiak atzo plazaratutako proposamena NBEn aztertzea erabaki dute.
''Elkarrekin kooperatzeko eta arma kimikoak segurtasunez suntsi ditzaten bermatzeko neurriaren bideragarritasuna aztertzea erabaki dute'', jakinarazi du Etxe Zuriko bozeramaile batek. ''Errusiarekin eta Txinarekin harremanetan'' egingo direla ere aurreratu dute.
Txinak babesa agertu dio planari
Txinak babesa agertu dio Errusiak aurkeztutako proposamenari, hau da, eta horrekin bat egitea eskatu dio nazioarteari.
"Txinak ongietorria eman nahi dio Errusiaren proposamenari. Ekimen horren ondorioz, tentsioak leundu egingo dira; gatazkari irtenbide politikoa emateko eta Siriako egonkortasuna bermatzeko lagungarria izango da", adierazi du Hong Lei Txinako Atzerri ministroak, prentsaurrekoan.
Siriako oposizioak sei ordezkari bidali ditu gaur Txinara, hitz egiteko.
AEBetako Senatuak atzeratu egin du bozketa
Bestalde, AEBetako Senatuak atzeratu egin du Siriari erasotzeko proposamenari buruzko bozketa, Harry Reid Alderdi Demokratak Alderdi Demokratak Ganbera horretan duen buruak iragarri duenez.
Senatuak asteazkenean bozkatuko zuen, aldez aurretik Atzerri Batzordean onartutako proposamena. Hain zuzen ere, 90 egunez Siriari erasotzeko plana onartu zuten.
Atzo arratsaldean, Barack Obamak aitortu egin zuen erasoa geldiarazi egingo lukeela, Bashar Al Asadek arma kimikoak entregatuko balitu.
Zure interesekoa izan daiteke
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.