30 hildako baino gehiago Errusian, 24 ordutan izandako bi atentatutan
Gutxienez 15 pertsona hil eta 20 baino gehiago zauritu dira gaur, astelehena, Volgogrado Errusiako hirian bonba bidezko atentatu berri batean. Gaurko hildakoei atzokoak gehitu behar zaizkie, 'alargun beltz' suizida batek (segurtasun indarren kontra hildako Ipar Kaukasoko milizianoen emazteak) bonba bat lehertarazi zuen hiriko tren geltokian; 17 pertsona hil ziren bertan, eta 45 inguru zauritu.
Ipar Kaukasoko gerrillako buruzagiek Neguko Joko Olinpikoak oztopatzeko ahalegin guztiak egiteko eskatu zieten euren jarraitzaileei; Jokoak Sochi hirian inauguratuko dituzte sei aste barru.
Gaur hildako lagunen kopurua hazi liteke, zauritutakoen artean sei oso larri daudelako, Errusiako Osasun Ministerioak jakinarazi duenez. Zauritutakoen artean bospasei hilabeteko haurtxoa dago.
Errusiako agintariek, momentuz, ez diete atentatuok inori leporatu, baina argi dutena da biak lotuta daudela.
"Bi lehergailuetako metraila berdina zen, horrek baieztatzen du bi atentatuak elkar lotuta daudela. Baliteke bi bonbak leku berean egin izana", Vladimir Markin Errusiako Instrukzio Batzordeko bozeramalaren esanetan.
Errusiako telebista kate publikoak azaldu duenez, eztanda 08:30ean (05:30, Euskal Herrian) jazo da trolebus batean, eta guztiz suntsituta geratu da.
Ikertzaileen arabera, gizonezko bat izan da oraingoan bere burua zartarazi duena. "Gorpuaren zati batzuk laborategi batera eraman dituzte, ADN frogak egin eta identifikatzeko", adierazi du Vladimir Markin Errusiako Instrukzio Batzordeko bozeramaileak.
Volgogradon izandako bi atentatuen ostean, Vladimir Putin Errusiako presidenteak segurtasun neurriak indartzea agindu du.
Moskuko Udalakere segurtasun neurriak handitu ditu. "Garraiobideetan segurtasun neurri osagarriak hartu eta larrialdietako zerbitzuak indartu ditugu", jakinarazi du Serguei Mayorov Moskuko Udaleko Segurtasun Saileko prentsaburuak. Jendetza dabilen lekuetan ipiniko dute arreta, baita garraiobide publikoetan ere.
Zure interesekoa izan daiteke
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.