Elur ekaitzak 4.400 hegaldi bertan behera utzi ditu AEBetan
AEBetako ipar-ekialdeko kostaldea astintzen ari den elur ekaitzak 1.400 hegaldi bertan behera utzi ditu gaur. Asteartean beste 3.000 hegaldi bertan behera utzi zituen eguraldi kaskarrak, FlightAware atariak gaur jakitera eman duenez.
AEBetako ipar-ekialdeko kostaldean elurteak eskolak eta bulegoak itxi ditu, eta zirkulazio arazoak eta aireportuetan kaosa eragin ditu.
La Guardia, Newark (New York) eta Boston-Logan aireportuek arazorik handienak dituzte, baina Filadelfia, Chicago eta Washinton DCko bi aireportu nagusiek ere zailtasunak dituzte.
Delaware estatuan 30 zentimetroko elur geruza pilatu da eta Ingalaterra Berrian ere erruz bota du.
Washingtonetik Bostonera -15 graduko tenperaturak dituzte gutxi gorabehera.
Normaltasuna New Yorken
Astearteko eta goizaldeko elurtearen ostean New Yorken normaltasuna nagusi da gaur. 15 ordutan zehar etenik gabe elurra bota du, baina ez du aparteko arazorik sortu. Hala ere, gaur ez gidatzeko gomendioa eman dute agintariek.
Elurteak hotz handia ekarri du, -14 graduko tenperaturekin. Gainera, une eta toki batzuetan -25 graduko tenperatura harrapatu daiteke, haizearen arabera.
Gobernu Federalaren bulegoak ohi baino bi ordu beranduago hasi dira lanean. Elurrak Washington metropoli-barrutia estali du eta zerua oskarbi dagoenez tenperatura oso baxuak dituzte.
Ur-jauziak izoztuta berriz ere
Iparramerika neguko bigarren hotzaldia jasaten ari da egunotan, eta horren eraginez, Niagarako ur-jauziak izoztu egin dira berriz ere.
Asteartean Ipar Poloko aire masa hotza sartu zen Kanadan eta AEBetan, eta tenperatura zeropeko 20 ºC-ra jaitsi zen. Haizearen eraginez, ordea, sentsazio termikoa oraindik ere baxuagoa da, - 30 ºC-koa edo.
Hala ere, hotza ez da oztopo Niagarako ur-jauziak bisitatu nahi dituzten turistentzat; izan ere, ez da askotan fenomeno hori ikusteko aukerarik izaten.
Zure interesekoa izan daiteke
Hantabirus kasu bat atzeman dute Suitzan
Pazientea hainbat kutsatze detektatu diren gurutzaontzian bidaiatu zuen, eta Zurichen tratatzen ari dira, medikuen zaintzapean.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa gaitasunak indartuko dituela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako ‘rave’ jendetsuan izandako liskarretan
Egunotan lege-prozesu bat dute martxan Frantzian, halako jai klandestinoak saihesteko legea gogortzea aurreikusten duena.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.