Putinek indarra ez erabiltzeko deia egin dio Obamari
Barack Obama eta Vladimir Putin AEBko eta Errusiako presidenteek telefonoz hitz egin dute berriz bart, Ukrainako gatazka baratzen saiatzeko.
Etxe Zuriak azaldu duenez, Obamak kezka agertu dio Putini, Ukrainako "talde independentista erruziazale armatuei ematen dien babesa dela eta".
AEBren ustez, talde armatu horien helburua "Ukrainako Gobernua urratzea eta ezegonkortzea" da, eta, horregatik, okupatutako eraikin ofizialak hustea eskatzeko deia egin dio agintariak Putini.
Halaber, Errusiak Ukrainako mugan dituen tropak erretiratzea ere eskatu du presidente estatubatuarrak, "tentsioa lasaitzeko".
"Errusia gero eta bakartuago dago politikoki eta ekonomikoki, Ukrainan abiatutako politiken ondorioz, eta jardun horretan jarraitzen badu, ordainak handiagoak izango direla ohartarazi du [Obama] presidenteak", Etxe Zuriak nabarmendu duenez.
AEBk uste dute konponbide diplomatikoa posible dela, baina hori ez dela "mehatxu militarren testuinguruan" etorriko.
Bestalde, Vladimir Putinek "indarra ez erabiltzeko" eta "odola ez isurtzeko" deia egin dio Obamari, eta ukatu egin du Errusiak matxinoen azken mugimenduak sustatu izana.
"Ukrainako ekialdean jazotzen ari diren protestak Kieveko Erregimenak errusiazaleen eta errusieraz hitz egiten dutenen interesak kontuan hartzeko gaitasun eta borondate faltaren ondorio dira", esan du Putinek, RT telebista kate errusiarrak zehaztu duenez.
"Putinek indarraren erabilera galaraztea eskatu dio Obamari", esan du Kremlinek, Ukrainako Gobernuak matxino errusiazaleen aurka egitea onartu eta gero.
Telefonoz egindako elkarrizketa horretan, gainera, Errusiako presidenteak ukatu egin du Ukrainako gatazkan esku hartzen ari dela.
Zure interesekoa izan daiteke
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.