AEBk 600 soldadu zabalduko dituzte Polonian eta Baltikoko estatuetan
Ameriketako Estatu Batuek 600 soldadu zabalduko dituzte Polonian eta Baltikoko estatuetan NATOko aliatuekin duten konpromisoa sendotzeko, Pentagonoak gaur jakitera eman duenez.
"Errusiak Ukrainari egindako erasoa ikusita NATOren defentsa gaitasuna indartzeko planak bultzatzea erabaki dugu, defentsa kolektiboarekin dugun konpromisoa argi uzteko. Horrela, Europa erdialdeko eta mendebaldeko NATOko aliatuei lagunduko diegu", adierazi du John Kirby AEBko Defentsa Departamentuko almiranteak prentsaurrekoan.
150 soldadu Italiatik Poloniara eramango dituzte asteazkenean, eta beste 450 soldadu Estonian, Lituanian eta Letonian zabalduko dituzte astelehena baino lehen. "Datozen hilabeteetan" ekintza gehiago aurrera eramango dituztela erantsi du Kirbyk.
Terrorismoaren aurkako operazioa
Estatuko ekialdean terrorismoaren aurkako operazioa berriro abiatzeko agindua eman du gaur Aleksandr Turtxynov Ukrainako presidenteak. Errusiaren aldeko miliziak Kieveko Gobernuaren aurka matxinatu dira bertan.
"Ukraina ekialdean bizi diren herritarrak terroristengandik babesteko operazioa martxan jartzea eskatu diet Segurtasun Indarrei", esan du Turtxynovek.
"Tortura basatiak jasan dituzten bi pertsonaren gorpuak aurkitu dituzte gaur Sloviansken. Vladimir Ribak Gorlovkako diputatu desagertua da horietako bat. Terroristek bezperan bahitu zuten", salatu du Turtxynovek.
Ribak Batkivstxina (Aberria) alderdiko kidea zen, hau da, Turtxynoven eta Julia Tymoxenko Presidentetzarako hautagaiaren alderdikidea.
"Donetsk eskualde ia osoa bahitu dute terroristek, eta Ukrainako abertzaleak torturatu eta hil dituzte, onartezina da", esan du.
Errusiaren desafioa
"Desafio lotsagabea bota diote gure herriari, eta baita nazioarteari ere, Genevan hartutako erabaki guztiak mespretxatu baitituzte", salatu du Turtxynovek.
"Krimenak Errusiaren babesarekin egin dituzte", salatu du. Errusiaren aldeko miliziek Genevako akordioak bete ez dituztela adierazi du Turtxynovek; izan ere, Kramatorskeko polizia-etxea hartu dute.
Errusiaren aldeko manifestazioa Donetsk hirian. Argazkia: EFE
Biden
Joe Biden Ameriketako Estatu Batuetako presidenteordeak esan duenez, Errusiak Genevako akordioak betetzen hasi behar du, Ukrainako krisia konpontzeko.
"Errusiak hitz egiteari utzi eta ekintzekin hasteko unea da", esan du Bidenek Kieven, Arseni Jatseniuk Ukrainako lehen ministroarekin bildu eta gero emandako prentsaurrekoan.
Bidenek "Errusiaren aldeko separatistak" armak uztera eta Ukraina ekialdean hartuta dituzten eraikin publikoetatik alde egitera konbentzitzeko eskatu dio Moskuri.
Tiroketa
Bestalde, Ukrainako Aireko Indarretako An-30 hegazkin bat tirokatu dute Sloviansk hirian (Donetsk eskualdea), Errusiaren aldeko altxamenduaren gotorlekuan, Ukrainako Defentsa Ministerioak jakitera eman duenez.
"Aireko Indarretako An-30 hegazkin baten aurka tiro egin dute ezezagun batzuek", azaldu du Ministerioak UNIAN albiste-agentziak jasotako agiri batean.
Tiroketan ez da inor zauritu, eta hegazkinak Kieveko basera itzuli ahal izan du, arazorik gabe, Ministerioaren arabera.
Zure interesekoa izan daiteke
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.