Merkel eta Putin harremanetan, istripuaren gaineko ikerketa bermatzeko
Angela Merkel Alemaniako kantzillerrak Vladimir Putin Errusiako presidentearekin hitz egin du gaur, larunbata, Malaysiako hegazkinak istripua izan zuen lekuan ikerketa bat egiteko beharraz, eta Ukraina ekialdeko Errusiazaleen eremuan esku hartzeko eskatu dio.
Georg Streiter Berlingo Gabernuko bozeramaleordearen esanetan, Merkel eta Putin ados daude Europako Segurtasun eta Lankidetzarako Erakundeko kideek ikerketa egiteko istripua izan zen lekura heltzea ezinbestekoa dela.
Gainera, Putinen eta Merkelen iritzian, Nazioarteko Harremanetarako Taldea (Ukrainak, Errusiak eta Segurtasun eta Lankidetzarako Erakundeko kideek osatuta) lehenbailehen bildu behar da, su-etena adosteko.
Aipatutako iturriaren arabera, kantzillerrak ahalik eta arinen Eurrisiazaleen eremuan esku hartzeko eskatu dio Putini, ikerketa egitea ahalbidetzeko eta ezbeharraren nondik norakoak argitzeko; baita biktimen gorpuak erreskatatzeko ere.
Atzo, Merkelek Barack Obama AEBko presidentearekin hitz egin zuen, eta Etxe Zuriaren arabera, biek azpimarratu zuten Ukrainan istripua izan zuen hegazkinaren zantzuek "ukitu barik" egon behar dutela.
Oztopoak
Malasiako hegazkinak istripua izan zuen lekura heldu diren Europako Segurtasun eta Lankidetzarako Erakundeko adituek, bertan dauden Errusiazaleek jarritako oztopoak salatu dituzte.
"Lan egiten uzten ez badidazue (Oleksandr) Borodairi -Eurrsiazaleen liderra- luzatuko diot nire protesta", esan dio Alex Hug Europako Erakundeko buruak milizien komandante bati.
Istripua izan den lekura heldu direnean, Donetsken (Gravovo herrian), Hugek eztabaida sutsua izan du zenbait milizianorekin, Borodaik askatasun osoz jardutea baimendu duela ulertarazteko.
Izan ere, Donetsk probintzia kontrolpean duten Errusiaren aldeko erreboltariek hegazkina istripua izan zuen lekuan 20 kilometro koadroko eremu batean sartzea baimendu dute, biktimak erreskatatu eta gertatutakoa ikertu ahal izateko.
Ukrainako, Errusiako eta Europako Segurtasun eta Lankidetzarako Erakundeko ordezkariek osatutako Harremanetarako Taldeak adostu du eremua ahalbidetzea, eta hala jakinarazi du bart Errusiazaleekin Kievetik egindako bideokonferentzia batean, Valentin Nalivaichenko Ukrainako segurtasun zerbitzuen buruak zabaldu duenez.
"Hiru aldetako negoziazioetan 20 kilometroko koadroko eremu bat ahalbidetzea adostu da, Ukrainak lan humanitarioa egin dezan, gorpuak erreskatatu eta senideei bidali", esan du Nallivaichenkok.
Gorpuen lapurreta
MH17 hegaldiaren gaineko ikerketa oztopatzea eta Donetseko gorputegitik 38 gorpu ostea leporatu die Ukrainako Gobernuak Errusiazaleei, Kieveko agintariek zabaldutako ohar baten arabera.
Kieven esanetan, gorpuak lapurtu dituztenek "doinu errusiar nabaria" dute. ""Autopsiak" egingo dituzten "adituak" direla argudiatu dute hilotzak eramateko.
Horrez gain, Urkainako agintariek salatu dutenez, Errusiazaleak "ibilgailu handien bil ari dira, gorpuak garraiatzeko".
Albiste gehiago mundua
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.
Miguel Uribe senatari kolonbiarra hil egin da ekainean izandako erasoan jasandako zauri larrien ondorioz
Uribek 39 urte zituen, eta eskuineko alderdi bateko senataria zen. Atentatua gertatu zen egunetik Bogotan ospitaleratuta zegoen. Hainbat ebakuntza egin dizkiote, baina sekula ez du egoera kritikoa gainditu.
Anas al Sharif kazetariaren agur-gutuna: "Jakin ezazue Israelek ni hiltzea lortu duela"
"Hitz hauek iristen bazaizkizue, jakin ezazue Israelek ni hiltzea eta nire ahotsa isilaraztea lortu duela", horrela abiatzen da Anas al Sharif Al Jazeerako kazetariak idatzitako agur-gutuna.
Israelek Anas Al-Sharif kazetari ospetsua eta beste erreportari batzuk hil ditu Gazan
Israelgo Armadak hedabideen langileen kanpin-denda baten kontra jo du erasoa, Gaza hirian. Zazpi lagun hil dira, gutxienez. Nazio Batuen Erakundeak salatu zuen "difamazio-kanpaina" bat egiten ari zela Al Jazeerako informatzailearen aurka.
Segurtasun Kontseiluko Europako herrialdeek Gaza okupatzeko plana alde batera uzteko eskatu diote Israeli
Bahituentzat arriskutsua dela ohartarazi dute Erresuma Batuak, Frantziak, Danimarkak, Greziak eta Esloveniak, eta Gazako egoera humanitarioak okerrera egingo lukeela azpimarratu dute.
Gaza Hiriaren aurkako erasoaldia erdialdeko kostaldeko desplazatuen eremuetara zabaldu du Netanyahuk
"Gerra honen amaiera azkartzeko modurik onena da", adierazi du Israelgo lehen ministroak. Gainera, Gazan goseterik ez dagoela eta guztia "distortsio kanpaina bat" dela esan du.